|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Ministri Veliu priti sekretarin gjeneral të Shërbimit të Shkëmbimit Akademik Gjerman-DAAD, Dr. Christian Bode

31 mars 2006 /TN

Interesimi për zhvillimin e gjuhës dhe kulturës gjermane është në rritje

 

Ministri Veliu ka deklaruar se roli dhe kompetenca e Lektores në degën e gjermanistikës nevojiten sidomos tash kur dega e gjermanistikës po përgatitet për studimet master

Bekim TOÇANI

 

Ministri i Arsimit, Shkencës e Teknologjisë Agim Veliu priti sot një delegacion gjerman të kryesuar nga Sekretari i përgjithshëm i Shërbimit të Shkëmbimit Akademik Gjerman (DAAD) z. Christian Bode. Në këtë takim ku u bisedua për bashkëpunimin në fushën e arsimit të lartë, përkatësisht gjermanistikës, morën pjesë edhe znj. Dr. Martina Schulze përgjegjëse e DAAD për Ballkanin, referenti për kulturë pranë Zyrës gjermane në Prishtinë z. Matthias Lüttenberg, znj. Judith Peltz- përfaqësuese e DAAD-së në Kosovë dhe lektore në degës e gjuhës gjermane në Fakultetin Filologjik në UP, Drejtori i Deparatmentit për Arsim të Lartë në MASHt Xhavit Rexhaj, përfaqësuesi i UNMIK-ut në MASHT Steffen Felbrich dhe Teuta Durmishi, konsulente dhe zyratre për informim.

 

Sekretari gjeneral i DAAD dr. Bode e njoftoi ministrin Veliu për historikun e DAAD-së si një agjension i kulturës gjermane i krijuar më 1999 që punon në kuadër të Paktit të Stabilitetit. “Mesatarisht në vit punojnë rreth 100 mijë akademikë e mobilizohen në kuadër të Erasmus Mundus dhe kemi rreth 40 rrjete bashkëpunimi”, ka deklaruar Bode.

 

Ai e njoftoi ministrin Veliu për takimin që do të mbahet në Strugë ku do të marrë pjesë edhe Kosova dhe Universiteti i Prishtinës në të cilin do të analizohet bilanci i punës is dhe do të përcaktohen veprimet e së ardhmes. Kristian Bode u interesua edhe për statusin e gjuhës gjermane në shkolla dhe Universitet si dhe çështje tjera të arsimit në Kosovë.

 

Duke e falënderuar për informacionet, por edhe për kontributin e DAAD-së për zhvillimin e arsimit të lartë, ministri Veliu e njoftoi delegacionin për prioritetet e MASHT si dhe synimin për intensifikimin e thellimit të bashkëpunimit me partnerët dhe donatorët ndërkombëtarë, me këtë rast edhe me DAAD-në. 

 

“Ju z. Bode, në kuadër të Paktit të Stabilitetit për Evropën Jug-Lindore edhe në Kosovë keni ndihmuar shumë arsimin e lartë të Kosovës, sidomos është i njohur kontributi juaj dhe mbështetja e DAAD departamentit e gjermanistikës në UP, që nga ekzistimi i saj, prej vitit 1992”, theksoi Veliu duke përkujtuar se në vitet e 90-ta , kur UP punonte jashtë objekteve Universitare, DAAD ua ka mundësuar studentëve tanë një kontakt direkt me gjuhën dhe kulturën Gjermane.

 

Veliu e ka njoftuar z. Bode me ndryshimet cilësore në UP që nga ajo kohë dhe e ka njoftuar se UP është njëri ndër universitetet e para në regjion, që ka filluar me studimet bachelor. “Procesi i reformave që po zhvillohet në të gjitha nivelet e arsimit po implementohet edhe në arsimin e lartë dhe lektorët e DAAD-it  kanë dhënë një kontribut të veçant në zhvillimin e kurrikulave”, deklaroi Veliu. Ai ka përkrahur punën e DAAD-së në Kosovës, sidomos të lektores znj. Judith Peltz e cila a bërë dhe po bën një punë të çmueshme.

 

Veliu ka deklaruar se roli dhe kompetenca e Lektores nevojiten sidomos tash kur dega e gjermanistikës po përgatitet për studimet master. “Dega e Gjermanistikës është duke bërë shumë e rëndësishme në UP dhe mendoj se stafi që punon bashkë me studentët po bëjnë një punë të mirë në kultivimin dhe zhvillimin e gjuhës dhe kulturës gjermane”, ka theksuar ministri Veliu.

 

Ai ka falënderuar DAAD-në për gjithë ndihmën për UP-në dhe arsimin e lartë, sidomos për Degën e gjermanistikës. Dhe ka pohuar se bursat që DAAD planifikon të programojë për këtë vit akademik do t’u mundësojnë studentëve të Kosovës zhvillimin e mëtejmë të studimeve dhe absorbimin e përvojave gjermane të hulumtimeve e veçantë do të ndihmojnë kultivimin e gjuhës e të kulturës gjermane, vendit mik të Kosovës që vazhdon të luajë rol të rëndësishëm në të gjitha zhvillimet për dhe rreth Kosovës.

 

Veliu dhe Bode kanë biseduar edhe për ndihmën e komunitetit akademik shqiptar të Kosovës që studion në Gjermani për të kontribuar në zhvillimin e arsimit kosovar, për mundësitë e integrimit të këtij komuniteti në jetën dhe zhvillimet e Kosovës si dhe Ministri Veliu e ka informuar z. Bode për përpjekjet që Qeveria e Kosovës dhe MASHT po bëjnë për integrimin e komuniteteve jo vetëm në arsim, por në të gjitha fushat e jetës në Kosovë. 

 

Llogaritet se Dega e gjermanistikës ka rreth 350 studentë, në vitin e parë 160 studentë të rexhistruar, prandaj pas anglistikës, dega e gjermanistikës është e dyta. Është evident fakti se po rritet interesimi për studimet e Gjermanistikës nga viti në vit dhe numri i tyre nuk paraqet vetëm studentë të kthyer nga Gjermania, por edhe sish që kanë mësuar Gjuhën Gjermane në shkollat e mesme.