|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Dështim i koalicionit

31 mars 2006 /TN
  

Shaban PERAJ

 

Partitë shqiptare në Mal të Zi asssesi nuk po mund te gjejnë zgjidhje për krizën e krijuar në nivel të pushtetit vendor të Ulqinit. Tashmë është e qartë se lidhjet e bashkëpunimit e të bashkëveprimit janë këputur nga ku kanë përfunduar debatet për të gjetur zgjidhje se si të veprojë ky koalicion në mënyrë që qeverisja vendore t’i shmanget hutisë e monotonisë së krijuar. Ky koalicion i brishtë që ka dominuar gjatë kësaj legjislature, gjithmonë kur gjindet në situata të tilla mundohet të arsyetohet nga udhëheqësit e partive politike.

 

Shkohet aq largë sa kërkohet që takimi i tyre për të dalë nga ky qorrsokak të bëhet duke komunikuar përmes shkresave apo deklaratave në shtypin  e këtushëm. Ajo që të bie në sy është deklarata e fundit e kryetarit të UDSH-së, Ferhat Dinosha se: “ka kaluar afati i caktuar për takim dhe se nuk do të presim më askënd nga që në aneks marrëveshjen që kemi me partnerët e koalicionit lidhur me interpelancën ndaj kryetarit të komunës, Fuad Nimani nuk jemi marrë  vesh për të sjellur përfundime” ka bër që dy nënshkruesit, ai i LD. në MZ. Mehmet Bardhi e i PPD-së Osman Rexha të reagojnë dhe të japin sqarime lidhur me këte.

 

Edhe njëri edhe tjetri deklarojnë se: “duhet nënshkruar marrëveshja e arritur nga ata që nuk e kanë nëshkruar sic është rasti me kryetarin e komunës, Fuad Nimani e pastaj të zbatohet vendimi”. Po t’i referohesh aneks marrëveshjes duket qartë se anëtarët e grupit nënshkrues të UDSH-së një marrëveshje të tillë as që e kanë nënshkruar, bile jo të gjithë duke filluar nga kryetari i saj Ferhat Dinosha, në emrin e të cilit është nënshkruar një person i padëshifruar.

 

Në anën tjetër nga dy partitë tjera të koalicionit, ai i LD. në MZ. dhe PPD-së janë nëshkrues të aneks marrëveshjes  të gjithë pjesëmrrësit cka lënë për të dishiruar në sinqeritetin e UDSH-së. Informatat që jepen nga inicuesi i interpelancës, PPD-ja mësohet se takimet e tilla janë të vështira dhe se për shumë probleme nuk mund të arrihet konsensus minimal qoftë në nivel të pushtetit vendor apo në nivele edhe më të larta ku sipas tyre nuk ka përfaqësim të duhur nga partitë politike shqiptare në nivel të Malit të Zi.

 

Këtu sic shihet, teket e disave nga koalicioni kanë thelluar krizën dhe kjo tashmë është e pashmangshme gjë që ka bër të pamundur mbajtjen e seancave të kuvendit i cili për momentin punon pa rebalans të buxhetit për vitin 2005 si dhe pa miratim të tij për vitin 2006.

 

Situata e krijuar kërkon analizë politike për të hetuar shkaqet që kanë sjellë koalicionin në këtë situatë ku si duket gabimet janë vazhdim i dështimeve dhe i punës joefikase në momente të caktuara. Në këtë kudër partitë politike shqiptare shprehin mungesën e transparencës e të besimit duke tentuar që cdo marrëveshje ta bëjnë të përkohshme  pa filluar rregullat e lojës në bazë të marrëveshjes së parë.

 

Në vend që të jenë transparent karshi qytetarëve dhe vetës, ata kanë zgjedhur rrugën më të keqe, atë të mosbashkëpunimit. Deri tani nuk është bërë asgjë konkrete por dalin me deklarata për të arsyetuar vetën e për të reaguar kundër atyre që mendojnë ndryshe, kjo më tepër për të tërhequr vëmendjen e të tjerëve në probleme të dorës së dytë.

 

Kriza e krijuar reflektohet edhe në nivele më të larta shtetërore nga ku këto parti në vend që të paraqiten ashtu sic kanë hyrë në zgjedhjet e fundit parlamentare, pra si koalicion “shqiptarët- bashkë”, tani kjo si duket nuk vlenë më dhe për atë bëjnë politikë parciale. Edhe takimi i fundit me kryeministrin malazez, Millo Gjukanoviq dëshmoi se udhëheqësit e subjekteve politike shqiptare kanë mendime krejtësisht diametrale.

 

Së paku kjo u vrejtë në bazë të deklaratave të tyre lidhur me cështjen e komunës së Tuzit, nga ku kryetari i UDSH-së,Ferhat Dinosha,  në një nga arsyet pse nuk mund të funksionojë kjo komunë në vete deklaron se: “ajo nuk i ka parametrat ekonomik”, për cka z. Gjukanoviq sipas burimeve, ndau mendimin se komuna e Tuzit mund ta mbajë vetëvetën, duke iu bashkangjitur mendimit të kryetarit të LD. në MZ. Mehmet Bardhi se kjo komunë mund të funksionojë si të gjitha komunat tjera në Mal të Zi.

 

Nga kjo mund të konkludohet se z. Gjukanoviq ia la “kopilin në prehër” z. Dinosha duke ia bërë me dije opinionit se gjoja ai është për statusin e komunës së Tuzit, po ja që këtë nuk e dëshiron z. Dinosha. Dhe në vazhdim deklaratat e z Dinosha se bënë këtë apo atë punë në të mirë të shqiptarëve në Mal të Zi nuk do ta besojë kush për faktin se nëse diçka është bërë nga ky subjekt politik, atëherë ai është bërë jo i qëlluar. Nuk kanë pse të përmendin se është meritë e tyre hapja e fakultetit të mësuesisë në Podgoricë kur të gjithë jemi dëshmitarë se nuk është vepruar drejt për shumë arsye.

 

Poashtu sjellja e ligjit për përdorimin e simboleve kombëtare që ata e paskën sjellur, nuk ofron dicka më tepër se në kohën e monizmit, deri në vitin 1982. Me këtë bëjnë mirë që marrin mbi supe veprimet e tilla, nga ku nuk është e rëndësishme zhurma në fillim por dega me fruta në fund dhe nëse e shohin këtë si rezultat të vetin e të nisur pa menduar fundin, shpesh kjo finalizohet me pendim.