|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Nga diaspora përkrahet Nexhat Daci

28 mars 2006 /TN

 

(Në shumë takime të diasporës shqiptare në perëndim temë diskutimi është shkarkimi i ngutshëm i Akademik Nexhat Dacit nga posti i kryeparlamentarit)

 

Shkruan: Agim Gashi

 

Diaspora është e  bindur se fati i Kosovës nuk lidhet me fatin e një individi apo edhe me ndërrimet në Qeverinë tonë, por shtrohet pyetja se a ka qenë momenti për ndërrime urgjente në lidershipin institucional të Kosovës?

 

Parlamenti i Kosovës dhe Kryeparlamentari Akademik Nexhat Daci ishin në vlugun e punës për ardhmërinë tonë kur papritmas, nën diktatin e disa idividëve të papërgjegjësi dhe të ndonjë vendi evropian, i ndalet hovi i punës së definimit të statusit final te vendit. Shqetsimi ynë tani kalon kufinjët e mos reagimit edhe në këtë mënyrë ndaj Kryesisë së LDK-së dhe individëve të involvuar në këtë “aferë politike”!

 

Ne mendojmë se në momentin e pikrishëm palët rreth konceptit për demokracinë-mes një dore të fortë , pas së cilës nuk dihet se kush fshihet dhe të atyre që përkrahën tej mase Dr. Ibrahim Rugovën nuk do të ketë të ndalur vetëm me Dacin, andaj tani në pyetje vehet edhe  ruajtja e unitetit aq të dëshiruar në LDK të periudhës posrugoviane. Ata që sot i hapën portat për ti pastruar ata që ishin gjithmonë pranë Dr. Rugovës janë të pa dëshiruar në LDK. Ata nuk  menduan se puqet politike nuk ishin të pranuara nga ish Presidenti ynë Dr. Rugova dhe se seleksionimi sipas diktatit ishte dhe është i pa pranuar.

 

Kjo që ndodhi me LDK-në pra nuk është çështje e brendshme e kësaj Partie por është çështje e gjithë elektoratit të saj, pra edhe  e diasporës shqiptare që për gjashtëmbdhjet vite i qëndri afër Kosovës, LDK-së dhe Presidentit tonë i cili na la në momentin më vendimtar për vendin. Kjo diasporë ndau kafshatën e gojë, derdhi gjakun në luftë për liri, e ndihmoi popullin, nënësit, studentët dhe skamnorët, por edhe kur ishte nevoja taq ipte votën e saj merrte rrugën e atdheut edhe pse ato rrugë nuk ishin pa sakrifica.

 

Pra a është diaspora pjesë e veprimtarisë dhe e luftës për bërjen e Kosovës? A ishim ne  përkrahës të LDK-së dhe Presidentit tonë Dr. Ibrahim Rugovës, apo ishim të zbritur nga Marsi? Duke bërë puçe politike ose më mirë të themi duke e vrarë LDK-në dhe duke e nëpërkambur amanetin e atyre që u bënë tokë Kosove, ju po e bëni punën e armiqëve tanë.

 

Dhe nuk dimë se çfarë burrërie është të nëpërkëmbet edhe amaneti i Dr. Ibrahim Rugovës i cili u flijua për një ardhmëri më të mirë për të gjithë ata që e dëshirojnë Kosovën e pavarur e sovrane akoma pa u mbushë tre muajt e vdekjes së tij?!

 

Këto lajme që na u servirën me 1 mars mund ti gëzojnë vetëm armiqët tanë, mund ti gëzojnë qyqarët dhe servilët, që veprojnë si hiena në Presidencë dhe duke ndarë etiketa që prishin imazhin dhe qetsinë e partisë më të madhe në Kosovë. Këtyre lajmeve me të vërtetë u friksohen edhe miqtë, që na përkrahën e na dolën krahut gjatë gjithë kohës sa ishte Presidenti ynë gjallë.
 
Por çpo ndodhë pas vdekjës së tij? Derisa na vrisnin burracakët në kohë  lufte e në liri, tani mundohemi ta vrasim vetëveten sepse duke mos ditur ti rrespektojmë vlerat tona dhe potencialin politik e njerzor që na e la Dr. Ibrahim Rugova, biem në pozita mjaft të ulta dhe mjaft kritike për ardhmërinë e vendit.
 
Nuk mund të pranojmë që një Veton Surroi brenda nesh të prodhoj armiq dhe ta luhasë në pafundësi unitetin në LDK, sepse ajo kafshë e zezë si korbi nuk ia mendon të mirën as LDK-së e as Kosovës. Gjërat e tilla ia rrënojnë madhshtinë LDK-së duke u munduar të ia ulin madhështinë edhe Presidentit tonë Dr. Ibrahim Rugovës. Këtë nuk duhet lejuar.

 

Andaj diaspora ka të drejtë të kërkoj llogari për punën e LDK-së.

 

Të vështrojmë për një çast, me sy e mendje esull nga varri i Dr. Rugovës në Velani duke menduar edhe varret e të dashurve tanë: ta pyesim veten: po të ishte gjallë Presidenti Dr. Ibrahim Rugova do të na lavdëronte apo do të na mallkonte për sjelljet tona?

 

Bëhuni të bindur se mallkimin do ta keni sa të jetë jeta, sepse me gjestin e juaj për ndërrimin e Akademik Nexhat Dacit, njërit nga bashkëmendimtarët më të afërt të tij, nuk do ta keni ndërgjegjen e pastër. Dr. Rugova dhe LDK-ja gjithmonë e ka pasë dhe duhet ta ketë ideal rujtjen e vlerave njerzore.

 

Lajmet ugurzeza që ipen në kohën kur ne rindërtojmë qenien tonë kombtare dhe synojmë statusin final të vendit nuk janë lajme gëzimi edhe pse për një gëzim jemi mëse të nevojshëm. Ndalini mendimet e kqija, mos na i vrani shpresat  tona për një të ardhmëri më të mirë, mos na i vrani ëndërrat dhe kujtimet e jetës. Mos e vrani amanetin e strategut tonë të dashur Dr.

Ibrahim Rugovës.

 

Me gjestin e juaj, Kryesi e LDK-së, duke ia bëtë qejfin atyre që na vranë, që na shanë, na shpifën, na maltretuan e friksuan… Keni lënduar rëndë përsonalitetin e njerut demokratik, njeriun shqiptar dhe njeriun e LDK-së si adhurues i veprës madhore të Dr. Ibrahim Rugovës.

 

Vërtetë kjo po na dhemb. Ndoshta juve do të ju duken mendimet tona ironike e patetike, por ju themi se ne nuk urrejmë dhe nuk mund ta fyejmë njeriun duke lozur letrën e atyre që më së paku ia deshtën të mirën Dr. Rugovës dhe LDK-së dhe mu në tryezën ku ulej Presidenti ynë i dashur. Kjo nuk mund të tolerohet. Sepse kjo që po ndodhë me LDK-në, në pak vende mund të shifet e dëgjohet. Mulliri i propogandës anti LDK  dhe  anti Rugovë nuk e ka ndalë akoma rrotullimën e tij duke lansuar gjithfarë rrenash e shpifjesh në dëm të Kryeparlamentarit Daci por edhe të vetë Dr. Rugovës tanimë të vdekur me të vetmin qëllim:shkatrrimin e LDK-së !

 

Ne antarët e LDK-së ( edhe për kryesinë vlenë kjo) nuk kemi nevojë të bëhemi nervozë e të shëndrrohemi në ndjekës të njëri tjetrit. Lufta e LDK-së dhe Dr. Rugovës ishte luftë e organizimit të mirëkuptimit të brendshëm kombëtar jo vetëm në LDK por në tërë Kosovën pa dallim feje, rrace apo ideologjie.
 

Ata që sot pas vdekjes së Dr. Rugovës vepronjë e luftojnë për një gjysmë karrike dhe të pasurimit të paligjshëm, nuk e kanë mendjen te afrimi i njerzëve. Ju duhet ta keni të qartë se Dr. Rugova dhe fjalët e tij nuk e poshtërsonin njeriun por të poshtruarëve e të fyerve ua kthente dinjitetin duke i bindur se liria  është e të gjithëve.

 

Ndërsa kancelaritë evropiane duhet të binden se në Kosovë ka Zot. Duhet edhe të binden se Amerika për Kosovën është krejt diç tjetër në krahasim me Evropën. Amerika është Amerikë që e posedon një etikë të fortë. Ajo jo vetëm se na ndihmoi por edhe e mban fjalën e dhënë. Ne jemi pro Amerikës mu ashtu siq ishte Dr. Rugova dhe siç është z. Daci. Andaj edhe e përkrahim deri në maksimum.

 

E ardhmëja do të tregon se ju e kishit gabim. Nuk është akoma vonë të përmirësohet gabimi. Me zgjedhjen e Akademik Nexhat Dacit në krye të LDK-së do të shkoi në vend edhe amaneti i Dr. Ibrahim Rugovës por edhe Ju do ta keni pak a shumë ndërgjegjen e pastër për ardhmërinë e kësaj partie që e udhëhoqi popullin për gjashtëmbdhjetë vite drejt fitoreve të reja.

 

Përkrahja e jonë për z. Daci është e parezervë andaj jemi këmëngulës që z. Daci të jetë në krye të partisë. Partia jonë LDK-ja ka nevojë për z.Dacin mu ashtu siç ka nevojë njeriu për ajrin. Lëvizjet e reja në politikë nuk mund të zhvillohen pa udhëheqjen e një njeriu me potencial njerzor, kombëtar e inetelektual si z. Nexhat Daci. Çdo zgjidhje tjetër do të ishte krejt larg amantetit të arkitektit të pavarsisë dhe udhëheqësit tonë shpirtror Dr.

 

Ibrahim Rugovës, e njëherit do të ishte larg interesave të LDK-së dhe elektoratit në përgjithësi. Nëse ne fillojmë tua bëjmë qejfin disa OJQ-ve dhe disa individëve me mjekrra e pa mjekrra LDK-ja së shpejti do të ta marri tatëpjetën, e një gjë të tillë ne nuk mundemi ta lejojmë. Andaj kërkojmë që në afatin sa më të shkurtër të kryhen zdhedhjet e brendshme në LDK për kryetar të saj dhe me këtë rast të zgjidhet z. Nexhat Daci si përsoni i vetëm që i plotson të gjitha kushtet relevante për atë post me rëndësi jetike për ardhmërinë e Kosovës dhe LDK-së.