|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Lajmet e ditës (2)

28 shkurt 2006 /TN /QIK

Përmbajtja:

 
Grupi Negociator miratoi dokumentin për mbrojtjen e pakicave

 

Prishtinë, 28 shkurt 2006 - Emisari special për Kosovën Martti Ahtisari e ka të gatshëm dokumentin pyetësor për pakicat të miratuar sot nga Grupi Negociator, me të cilin do të takohet nesër.

Presidenti i Kosovës, Fatmir Sejdiu, tha se Grupi Negociator, i cili me të gjitha strukturat e tij është jashtëzakonisht mirë i përgatitur, miratoi dokumentin-pyetësor të dërguar nga z.Ahtisari si përgatitje për takimin e radhës në Vjenë, të plotësuar paraprakisht nga Grupi politik strategjik.

 

Presidenti Sejdiu tha se dokumenti është miratuar pas diskutimit nga anëtarët e delegacionit dhe se është një dokument i rëndësishëm që përmbushë "disa interesime të veçanta" të z.Ahtisari.

"Kontribut të mirë dhanë të gjithë anëtarët e pranishëm të delegacionit, për begatimin me ndonjë vërejtje eventuale, që u deshtë të shtohet në tekst, por jo në esencë sepse ishte jashëtzakonisht mirë i përgatitur", tha Presidenti.

Dokumenti është përgatitur nga Grupi Politik strategjik, i marrë në trajtë pyetësori nga z.Ahtisari pas takimit të Vjenës të mbajtur para një jave.

Dokumenti përmban përgjigjjet e pyetjeve të parashtruara nga i dërguari i OKB së për statusin e Kosovës z.Marti Ahtisëi për pozitën e pakicave pas zgjidhjes së statusit.

Dokumenti parasheh një korpus parimesh të praktikave të ndryshme, që zbatohen në Evropë në mbrojtjen e të drejtave të njeriut dhe të pakicave.

Gjatë takimit të nesërm të delegacionit të Kosovës, kur z.Ahtisari do të jetë në Prishtinë, sipas presidentit Sejdiu do të bisedohet edhe për procesin e filluar të zgjidhjes së statusit të Kosovës, për takimin e radhës të Vjenës si dhe për dokumentin e sapomiratuar. "Dhe natyrisht edhe për kahet e mëhershme të zhvillimit të bisedimeve", tha Sejdiu.

Presidenti tha se çështjet që ka shtruar deri tash pala shqiptare është një bazë e mirë, "që reflekton seriozitetin e çështjes apo të gjithë materies që është marrë përsipër dhe që do të mbahet në vazhdimësi".

"Mund të them se Delegacioni i Kosovës me të gjitha ekipet e tij është jashtëzakonisht mirë i përgatitur", tha ai pas takimit të rdhës të delegacionit të Kosovës, në të cilin mungonte vetëm kryekuvendari Nexhat Daci.

Në këto përgjigjje është paraparë një korpus i tërë i parimeve dhe praktikave të ndryshme, të cilat aplikohen në Evropë për mbrojtjen e të drejtave të njeriut dhe të pakicave. Këto parime do t'i aplikojë edhe Kosova pas definimit të statusit.

 

 

U.Nesh thotë se pavarësia e Kososvës vjen me kushte dhe përgjegjësi

 

Pragë, 28 shkurt 2006 - Eksperti amerikan Uiliem Nesh thotë se nuk është për termin pavarësi e kushtëzuar për Kosovën, sepse sipas tij, "pavarësia vjen me kushte dhe përgjegjësi". Në mesin e tyre, thotë ai, janë dhe ato që kanë të bëjnë me kompensimin e individëve apo entiteve, jeta e të cilëve ndryshoi dukshëm.

 

Uiliem Nesh theksoi për Radion Evropa e Lirë se "njerëzit që janë të detyruar të lëvizin nga një shtet sovran në një tjetër shtet sovran të sapoformuar, duhet të kompensohen, jetët e të cilëve janë ndërprerë".

Në anën tjetër, në rast se palët nuk merren vesh rreth statusit të Kosovës, bashkësia ndërkombëtare duhet të jetë e përgatitur që të imponojë zgjidhjen, duke marrë parasysh interesat e të gjitha palëve, tha Uiliem Nesh, ekspert pranë Këshillit për Politikë të Jashtme (SHBA).

Ndonëse kjo nuk do të jetë një zgjidhje e përsosur, por megjithatë Nesh mendon se kjo mund të jetë e vetmja mënyrë që të zgjidhet çështja e Kosovës brenda një kohe të arsyeshme. "Mendoj se është e rëndësishme për të gjitha palët që të kuptojnë se ekziston një mundësi zgjidhje, pasi në një rast të tillë ka më shumë motivim për bisedime me vullnet të mirë", tha Nesh në një intervistë për Radion Evropa e lirë.

I pyetur sesi do të zgjidhet çështja delikate e Mitrovicës, Nesh i cili ka qenë administrator i këtij qyteti, tha se kjo do të jetë një çështje shumë e vështirë për t'u zgjidhur. "Baza e çdo zgjidhjeje për Mitrovicën dhe Kosovën në tërësi duhet të jetë respektimi i të drejtave dhe nevojave të të gjithë individëve", tha Nesh, duke rekomanduar "që negociatorët të gjejnë zgjidhje për këtë çështje shumë të vështirë, që lidhet me faktin se njerëzit duhet të jenë të mbrojtur dhe të ecin përpara me jetët e tyre në mënyrë pozitive".

 

 

Alfred Moisiu shpreh shqetësimin e thellë për tensionimin e jetës politike në Shqipëri

 

Tiranë, 28 shkurt 2006 - Presidenti i Shqipërisë, Alfred Moisiu, ka shprehur shqetësimin e thellë për tensionimin e jetës politike në vend, si rezultat i rikthimit të retorikës konfliktuale dhe mungesës së dialogut politik.

Në një komunikatë nga Zyra e President Moisiu theksohet se "zhvillimet negative vijnë në një kohë, kur Shqipëria është në prag të nënshkrimit të Marrëveshjes së Stabilizim Asociimit me Bashkimin Europian dhe kur interesat e vendit dhe të qytetarëve kërkojnë një bashkëpunim të frytshëm dhe aktiv midis forcave kryesore politike".

Presidenti Moisiu u ka bërë thirrje partive politike në mazhorancë dhe në opozitë për përgjegjshmëri, maturi dhe vullnet politik për të kapërcyer krizën e besimit të ndërsjellë, duke kërkuar që çdo institucion shtetëror dhe individ akuzat t'i adresojë në organet e drejtësisë.

Presidenti shqiptar gjithashtu "u bën thirrje forcave politike në mazhorancë, që përmes vetpërmbajtjes dhe respektit ndaj opozitës, të mundësojë funksionimin e hapësirave ligjore dhe politike që garantojnë normalitetin e demokracisë parlamentare".

 

Njëherit ai me të njëjtin shqetësim "fton partitë politike parlamentare në opozitë, që të shmangin politikat bllokuese, dhe me qetësi e fleksibilitet të përdorin dialogun politik për të ndihmuar funksionimin normal të institucionit të Parlamentit".

Shqipëria, thotë Moisiu, ndodhet në një stad, ku lipset një politikë më civile që nuk përsërit gabimet e të kaluarës; një politikë vizionare dhe konstruktive, që ndihmon të fitojmë kohën e humbur në zhvillimin e vendit dhe të ecim realisht drejt integrimit euro atlantik.

 

 

Në Arabinë Saudite vriten 5 militantë të Al Kaidës

 

Riad, 28 shkurt 2006 – Katër nga pesë militantët e vrarë nga forcat e sigurimit saudit, të cilët janë vrarë të hënën, gjenden në listën e të dyshimtëve më të kërkuar në lidhje me Al Kaidën, ka bërë të ditur sot (e martë) Ministria e Brendshme saudite, njofton Rojter. Mediat saudite thonë se njëri nga militantët ishte lider i Al Kaidës në Arabinë Saudite.

 

 

Shtyhet gjykimi i Sadam Hyseinit për të mekurën

 

Bagdad, 28 shkurt 2006 – Gjykimi i Sadam Hyseini është shtyrë për të mekurën, ka bërë të ditur sot ( martë) gjykatësi kryesor, njofton Rojter.