|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Lajmet e ditës

28 shkurt 2006 /TN /QIK

Përmbajtja:

• BE-ja ndihmon Ministrinë e Ekonomisë dhe Financave në menaxhimin e investimeve publike

• AER-i realizon projektin e ujit të pijshëm për 7 mijë banorë të dy fshatrave të Mitrovicës

• Ministri i Jashtëm shqiptar Besnik Mustafaj ndodhet në Paris ku do të diskutojë edhe për Kosovën

• Rifilloi qarkullimi i linjës hekurudhore ndërmjet Maqedonisë dhe Kosovës

• Zëvendëskryeministri Salihaj qëndroi në vizitë zyrtare në Abu Dabi dhe Dubai

• Berluskoni e Bush sot do të bisedojnë edhe për pavarësinë e Kosovës

• Nuk mund të ketë kthim të Kosovës nën Serbi, tha Oli Ren në takimin e ministrave të BE së

• Petersen thotë se UNMIK u po përgatitet për nevojat e Kosovës pas zgjidhjes së statusit

• Grupi Politik ka miratuar dokumentin me të gjitha përgjigjjet me pyetjet e parashtruara nga Ahtisari

• Ish-ministri i jashtëm maqedonas thotë se Beogradi sa më shpejt duhet të pajtohet me pavarësinë e Kosovës

• Gjatë këtij viti Aeroporti i Prishtinës do të licencohet ndërkombëtarisht, thotë drejtori i ri

• Myftiu Tërnava u prit nga shefi i Zyrës amerikane Goldberg

• Rifillon qarkullimi i trenit të udhëtarëve në vijën hekurudhore Fushë Kosovë Shkup

• Berisha, Sanader e Buçkovski sot takohen në Durrës

• Nga sulmet me bombë në Bagdad, vriten të paktën 32 persona dhe shkatërrohet varri i babait të Sadam Hyseinit

• Nga një bombë tokësore në rrugë në jug të Irakut, janë vrarë 2 ushtarë britanikë

• Nga tri sulme me bombë në Bagdad janë vrarë të paktën 13 persona

• Një nga 10 më të kërkuarit e FBI-së është arrestuar në Meksiko

• Në një shkëmbim zjarri në Somali vriten të paktën 3 persona

• Rebelët e krahut të majtë kanë vrarë 7 persona

• Maoistët e dyshimtë kanë hedhur në erë me një shpërthim 2 kamionë me rreth 50 njerëz

• Pushtimi i Irakut ka rritur sulmet terroriste

• Irani optimist për zgjidhjen e konfliktit atomik

• SHBA përshendetën ndihmën e menjëhershme të BE-së për palestinezët

 
Petersen thotë se UNMIK u po përgatitet për nevojat e Kosovës pas zgjidhjes së statusit

 

Vjenë, 28 shkurt 2006 - Kryeadministratori i Kosovës Soren Jesen Petersen ka thënë dje në Vjenë se UNMIK u dhe partnerët e tij ndërkombëtarë, po përgatiten për nevojat e Kosovës pas zgjidhjes së statusit, ka kumtuar administrata ndërkmbëtare në Prishtinë.

 

Bëhet e ditur se Jesen Petersen ka kryesuar takimin e një grupi joformal për Kosovën, ku përfshihen Bashkimi Evropian, NATO ja dhe OSBE ja.

 

Petersen citohet të ketë thënë se UNMIK u dhe partnerët e tij ndërkombëtarë po shënojnë përparim të mirë në përgatitjet për nevojat që Kosova do t[i ketë pas zgjidhjes së statusit. Ai shtoi se bashkësia ndërkombëtare do të bashkëpunojë me Qeverinë për ta ndihmuar zhvillimine Kosovës.

 

 

Nuk mund të ketë kthim të Kosovës nën Serbi, tha Oli Ren në takimin e ministrave të BE së

 

Bruksel, 28 shkurt 2006 - Ministrat e jashtëm të BE së në takimin e tyre në Bruksel kanë diskutuar për zhvillimet në Ballkan. Ata kanë theksuar rëndësinë e veçantë të vazhdimit të përmbushjes së standardeve në Kosovë dhe kanë mirëpritur mbajtjen e takimit ndërmjet Beogradit dhe Prishtinës për decentralizim. Ministrat e kanë quajtur këtë takim si demonstrim të gatishmërisë nga të dyja palët për t[u angazhuar në mënyrë konstruktive në procesin e statusit të Kosovës.

Këshilli i Ministrave të BE së ka përsëritur edhe në këtë takim se rëndësi të veçantë duhet dhënë edhe përmbushjes së standardeve në Kosovë. Autoriteteve të Kosovës u kanë dërguar porosi që paralelisht me negociatat për statusin, duhet të arrijnë përparim të shpejtë në përmbushjen e standardeve, sidomos të atyre që kanë të bëjnë me mbrojtjen e komuniteteve pakicë.

 

Komisioneri për zgjerim Oli Ren ka theksuar se nuk mund të ketë kthim të Kosovës nën Serbi.
Pjesën më të madhe të takimit të tyre ministrat ia kanë kushtuar problemit të bashkëpunimit të Serbisë me Tribunalin e Hagës. Para ministrave raportin për këtë e ka paraqitur komesioneri i zgjerimit të BE së, Oli Ren, i cili ka thënë se nëse nuk arrihet bashkëpunim i plotë raundi i ri i negociatave me Beogradin nuk do të mund të zhvillohet.

 

Ministrat e jashtëm të BE së në konkluzat nga ky takim ia kanë tërhequr vërejtjen Serbisë se bisedat për stabilizim asociim mund të suspendohen nëse autoritetet në Beograd nuk arrestojnë të akuzuarit për krimet e luftës, posaçërisht Ratko Mlladiq dhe Radovan Karaxhiq.

 

 

Grupi Politik ka miratuar dokumentin me të gjitha përgjigjjet me pyetjet e parashtruara nga Ahtisari

 

Prishtinë, 28 shkurt 2006 - Grupi Politik i Kosovës për statusin ka miratuar dokumentin me të gjitha përgjigjjet me pyetjet e parashtruara nga i dërguari i OKB së për statusin e Kosovës Marti Ahtisari lidhur me pozitën e pakicave pas definimit të statusit.

 

Ky dokument pritet që sot të miratohet në Ekipin Negociator, ndërsa të mërkurën do t'i dorëzohet z. Ahtisari, i cili vjen në Prishtinë të mërkurën për të zhvilluar një takim pune me Ekipin Negociues.

Anëtari i Grupit Politik Skender Hyseni tha se në këto përgjigjje është paraparë një korpus i tërë i parimeve dhe praktikave të ndryshme, të cilat aplikohen në Evropë për mbrojtjen e të drejtave të njeriut dhe të pakicave. Këto parime do t'i aplikojë edhe Kosova pas definimit të statusit, ka thënë Hyseni.

Pyetësorët e Ahtisarit i janë dorëzuar edhe palës nga Beogradi.

 

 

Ish-ministri i jashtëm maqedonas thotë se Beogradi sa më shpejt duhet të pajtohet me pavarësinë e Kosovës

 

Shkup, 28 shkurt 2006 - Ish-ministri i Jashtëm i Maqedonisë Sllobodan Çashule, anëtar i Partisë VMRO Popullore thotë se Maqedonia duhet të marrë një rol aktiv, duke kërkuar nga Beogradi që sa më shpejt të pajtohet me pavarësinë e Kosovës në mënyrë që pastaj të ketë mundësi, siç është shprehur, t'i parashtrohen kushtet e vërteta kësaj.

 

Sipas tij këto janë mosndryshimi i kufijve dhe pranimi i tyre, mosmbajtja e ushtrisë, por të një policie me të cilën etniteti kosovar do të kontrollonte kufijt, pastaj të mos përzihet në punët e brendshme, se obligohet publikisht me dokument zyrtar se nuk do të ketë pretendime territoriale apo të mos integrohet me vendet e tjera, përveç në Bashkimin Evropian.

Ai ka theksuar për radion Evropa e lirë se me Marrëveshjen e Ohrit është zgjidhur çështja shqiptare në Maqedoni.

 

BE-ja ndihmon Ministrinë e Ekonomisë dhe Financave në menaxhimin e investimeve publike

 

Prishtinë, 28 shkurt 2006 - Zyrtarë kosovarë të Ministrisë së Ekonomisë dhe Financave, të disa ministrive të tjera, si dhe zyrtarë komunalë kanë marrë pjesë në një seminar dyditor në Ohër prej datës 24 gjer më 26 shkurt, ku kanë diskutuar lidhur me mësimet e nxjerra nga viti i kaluar gjatë implementimit të programit për investime publike.

 

Ky seminar është pjesë e projektit të BE së në mbështetje të forcimit të menaxhimit të investimeve publike në Kosovë. Idetë, vërejtjet dhe rekomandimet nga seminari lidhur me mënyrat se si të përmirësohen procedurat, sistemi informativ, dhe si të përmirësohen kapacitetet institucionale, do të përdoren në të ardhmen për të konsoliduar procesin e investimeve publike në Kosovë.

Projekti dyvjeçar ka filluar në janar të vitit 2005, dhe synon të sigurojë se institucionet e Kosovës do të jenë në gjendje që nga viti 2007 ta bëjnë vet planifikimin e investimeve publike.

"Objektivi kryesor i projektit është të mbështesë Ministrinë e Ekonomisë dhe Financave, ministritë e tjera përkatëse dhe komunat në ngritjen e kapaciteteve të tyre institucionale dhe individuale, si dhe vendosjen e procedurave bashkëkohore planifikuese të investimeve publike, që janë plotësisht të integruara në proceset buxhetore afatmesme dhe të harmonizuara me strategjinë e qeverisë", tha menaxherja e programit të AER it, Nadia Kostantini.

Duke u bazuar në përvojën e fituar në vitin 2005, Ministria synon të prezantojë procedura afatgjate për planifikimin e menaxhimin të investimeve publike në Kosovë në vitin 2006. Sistemi i ri Informativ i cili do te perfundoje gjate ketij viti do ta lehtësojë përdorimin procedurave të reja në menaxhimin e investimeve publike.

 

 

AER-i realizon projektin e ujit të pijshëm për 7 mijë banorë të dy fshatrave të Mitrovicës

 

Mitrovicë, 28 shkurt 2006 - Agjencia Evropiane për Rindërtim (AER), ka shpallur këto ditë tenderin për realizimin e fazës së tretë të projektit për furnizim me ujë për pije të fshatrave Kçiq i Madh dhe Kçiq i Vogël.

Faza e tretë e projektit të lartpërmendur përfshin ndërtimin e rrjetit shpërndarës, me të gjitha punët përcjellëse, në gjatësi prej 22 kilometrash dhe me profile të ndryshme të tubacioneve, që do të përfshijë territorin e paraparë me projekt, të të dyja fshatrave.

Vlera parallogaritare e punimeve për ndërtimin e fazës së tretë të ujësjellësit për fshatrat Kçiq i Madh dhe Kçiq i Vogël, arrin shumën prej mbi 400 mijë euro.

Projekti për furnizimin me ujë për pije të këtyre dy fshatrave ka filluar të realizohet para dy vitesh dhe ishte paraparë që të bëhet në tri faza.

Në fazën e parë është bërë kyçja në ujësjellësin magjistral Mitrovicë - Vushtrri në gjatësi prej 3.800 metra dhe nga janë sguruar 80 për qind dhe nga komuna 20 për qind.

Ndërkaq, për realizimin e fazës së dytë të projektit janë shpenzuar 330 mijë euro, mjete këto të siguruara nga mjetet vetenake të Kuvendit të Komunës.

 

Pritet që punimet e fazës së tretë përfundimtare të projektit për furnizimin me ujë të fshatarve Kçiq i Madh dhe Kçiq i Vogël, të fillojnë menjëherë pas përzgjedhjes së ndërmarrjes që ofron kushte më të mira, diku ka fundi i marsit dhe të përfundojnë më së largu deri në vjeshtë të këtij viti, me çka përfundimisht do të zgjidhet ky problem jetik për rreth 7 mijë banorë të këtyre të fshtrave.

 

 

Ministri i Jashtëm shqiptar Besnik Mustafaj ndodhet në Paris ku do të diskutojë edhe për Kosovën

 

Paris, 28 shkurt 2006 - Ministri i Jashtëm shqiptar, Besnik Mustafaj ndodhet në Paris për një vizitë zyrtare diditore. Mustafaj sot pasdite pritet të takohet me homologun e tij francez, Filip Dust Blazi, ndërkaq pastaj ai do të ketë takime edhe në Senatin dhe në Parlamentin e Francës.

Çështja e statusit të Kosovës do të jetë në qendër të takimeve. Mustafaj është shprehur për gazetën "Figaro" për mundësinë e një "pavarësie të kushtëzuar".

 

 

Rifilloi qarkullimi i linjës hekurudhore ndërmjet Maqedonisë dhe Kosovës

 

Prishtinë, 28 shkurt 2006- Pas shtatë vitesh sot rifilloi qarkullimi i linjës hekurudhore ndërmjet Maqedonisë dhe Kosovës. Në orët e mëngjesit treni i pasagjerëve u nis në relacionin Fushë Kosovë - Shkup dhe anasjelltas.

 

Ministri i transportittë Maqedonisë, Xhemajli Mehazie vlerëson aktivizimin e kësaj linje hekurudhore si tejet të rëndësishme meqë përmes saj në të ardhmen do të ketë mundësi shtrirjerjetë rrjetit hekurudhor në tërë vendet e rajonit

Përurimi i ksëja linje iste bërë më 2O dhjetor të vit të kaluar, por u ndërpre menjeherë nga autoritetete maqedonase.

 

 

Zëvendëskryeministri Salihaj qëndroi në vizitë zyrtare në Abu Dabi dhe Dubai

 

Prishtinë, 28 shkurt 2006- Zëvendëskryeministri Adem Salihaj, i shoqëruar nga zëvendësministri i Tregtisë dhe Industrisë, Kadri Kryeziu dhe sekretari i Odës Ekonomike te Kosoves, Ejup Qerimi, qëndruan në vizite tri ditsh në Emiratet e Bashkuara Arabe, ku patën takime teë shumta.

 

Delegacioni i Kosovës u takua me zëvendëskryeministrin, i cili është njëkohësisht edhe djalë i mbretit të EBA së, ekselencën e tij, Sheik Hamdan Bin Zayed Al Nayhan, me ministrën e Tregtisë së Qeverisë së EBA, znj.

 

Lubna Al Kasimi , dhe me shefin e departamentit të Shëndetësisë të Qeverisë së Duabit, z. Abdul Rrahman G.Al Mutaiwe. Gjatë takimeve u bisedua për një serë çështjesh siç janë hapja e një zyre për bashkëpunim me Emiratet e Bashkuara Arabe, mundësia e punësimit të punëtorëve nga Kosova, mundësia e shërimit të të sëmurëve nga Kosova, si dhe mundësia e eksportimit të prodhimeve kosovare në Emiratet e Bashkuara Arabe.

Duhet theksuar faktin se kërkesat e delegacionit të Kosovës hasën në mirëkuptim te zyrtarët e qeverisë së Emirateve të Bashkuara Arabe. Delegacioni i Kosovës vizitoi edhe Odën Ekonomike të Dubait, si dhe komunat e Dubait dhe Abu Dabit, të cilat premtuan ndihmë dhe bashkëpunim për komunat e Kosovës.

Kosova importon sasi të mëdha të mallrave nga Dubai, i cili ka origjinë nga vendet të ndryshme të botës, por nuk eksporton në Emiratet e Bashkuara Arabe. Hapja e një zyrës për bashkëpunim ekonomik do t'i mundësonte Kosovës një qasje më të madhe në këtë qendër tregtare botërore. Emiratet e Bashkuara Arabe, dhe veçanërisht Dubai janë shndërruar në një fenomen të një zhvillimi të jashtëzakonshëm ekonomik.

Në takime u diskutua edhe mundësia e investimeve të kapitalit të këtij vendi në Kosovë. Kosova duhet ta shqyrtojë mundësinë që ta ketë një zone të lirë doganore, e cila do ti mundësonte një zhvillim më të hovshëm ekonomik.

Siç është e njohur, Emiratet e Bashkuara Arabe, përmes donacioneve të ndryshme, kanë ndërtuar një spital modern në Vushtrri, si dhe kanë financuar disa projekte të tjera. Forcat ushtarake të EBA kanë qenë prezent në periudhën e pasluftës në kuadër të KFOR it.

Zyrtarët e lartë të Emirateve të Bashkuara Arabe premtuan se do ta vizitojnë Kosovën dhe do të njihen më për se afërmi me problemet e saj, thuhet në një komunikatë të zyrës për shtyp të Qeverisë.

 

 

Berluskoni e Bush sot do të bisedojnë edhe për pavarësinë e Kosovës

 

Romë, 28 shkurt (E.K.) 2006- Gjatë vizitës në Uashington dhe në Nju Jork, kryeministri italian Silvio Berluskoni dhe Presidenti i SHBA ve Xhorxh Bush mes tjerash do të trajtojnë edhe çështjen e pavarësisë së Kosovës. Kjo është konfirmuar edhe nga burimet qeveritare të Këshillit të Ministrave të Italisë, njoftuan mbrëmë televizionet kryesore italiane.

Berluskoni, i cili ka udhëtuar dje për në Shtetet e Bashkuara të Amerikës, do të marrë Çmimin "Intrepid freedom award 2006", që u jepet personaliteteve të larta botërore, për kontribut të jashtëzakonshëm për lirinë e popujve. Në motivacionin e dhënies së këtij çmimi thuhet se Berluskoni u nderua për lidership të guximshëm kundër terrorizmit dhe për miqësinë e tij të qartë me SHBA të.

Siç parashihet, Bush e Beluskoni do të bisedojnë në paraditën e së martës për gjendjen e vështirë në Irak dhe vendimin e Italisë për tërheqjen e trupave ushtarake nga andej brenda vitit 2006, për gjendjen në Lindjen e Mesme pas fitores së Hamasit në zgjedhjet palestineze, gjendja politike dhe e sigurisë në Afganistan, problemet e zhvillimeve nukleare në Iran, çështja e pavarësisë së kosovës dhe zhvillimet e brishta në standardet e demokracisë në Rusi.

Silvio Berluskoni pastaj do të flasë edhe në Kongresin e SHBA ve.

 

 

Gjatë këtij viti Aeroporti i Prishtinës do të licencohet ndërkombëtarisht, thotë drejtori i ri

 

Prishtinë, 28 shkurt 2006 - "Aeroporti i Prishtinës është margaritar në komunitetin tuaj dhe duhet të shihet si i tillë", tha Xhejms Xhonson, drejtor i ri menaxhues i Aeroportit të Prishtinës.

 

Ai paraqiti objektivat për planet dhe prioritetet e zhvillimit të këtij aeroporti në të ardhmen. Xhonson ka premtuar se në gjashtë muajt e ardhshëm do të bëjë ndryshime të dukshme në Aeroportin e Prishtinës, të cilat sipas tij do të jenë të orientuara në përmirësimin e të gjitha shërbimeve për qytetarët.

 

Sipas tij Bordi i këtij aeroporti është pajtuar që të analizojë çmimet që ofron për qytetarët në mënyrë që ato të balancohen dhe të bëhen më të kapshme për qytetarët. Xhonson tha se është i zhgënjyer me planin e mëparshëm afarist të aeroportit ku vetëm 12 13 për qind të të hyrave janë nga të hyrat përcjellëse jo të aviacionit.

Ai bëri të ditur se gjatë këtij viti Aeroporti i Prishtinës do të licencohet ndërkombëtarisht nga Organizata Ndërkombëtare për Aviacion Civil (ICAO).

 

 

Myftiu Tërnava u prit nga shefi i Zyrës amerikane Goldberg

 

Prishtinë, 28 shkurt 2006 - Kryetari i Kryesisë së BI të Kosovës, Myftiu Naim Tërnava me bashkëpunëtorë, i bëri një vizitë zyrës së SHBA ve në Kosovë, me ç'rast u prit nga shefi i zyrës z.Filip Goldberg.

Në takim me z. Goldberg, Myftiu Tërnava theksoi rolin e madh të SHBA ve në aktualitetin kosovarë, sidomos tani pas fillimit të bisedimeve në Vjenë dhe e falënderoi atë për angazhimin parimor në çuarjen përpara të këtyre proceseve, tuhe në një njoftim të BIK.

Myftiu Tërnava gjithashtu e njoftoi shefin e zyrës për angazhimin e Kryesisë së BI së në dhënien e kontributit të saj për një klimë sa më të favorshme për mirëkuptim dhe tolerancë të të gjithë popujve të Kosovës.

Nga ana e tij z.Goldberg, pasi falënderoi për vizitën, e çmoi lart qëndrimin e BI së në këto momente vendimtare për Kosovën si dhe ndaj rrjedhave aktuale në botë.

 

 

Rifillon qarkullimi i trenit të udhëtarëve në vijën hekurudhore Fushë Kosovë Shkup

 

Prishtinë, 28 shkurt 2006 - Sot duhet të rifillojë qarkullimi i trenit të udhëtarëve në linjën Fushë Kosovë - Shkup dhe anasjelltas. Këtë lajm e konfirmuan autoritetet e Maqedonisë.

Kjo linjë hekurudhore ishte vënë në qarkullim solemnisht më 20 dhjetor 2005, ku paten marrë pjesë përfaqësuesit e Maqedonisë, të institucioneve të Kosovës, zyrtarë të lartë të UNMIK ut, KFOR it dhe përfaqësues të zyrave diplomatike në Prishtinë.

 

Mirëpo, pas një dite, kjo linjë hekurudhore ishte ndërprerë nga autoritetet maqedonase me arsyetim se nuk ekzistonin kushtet e nevojshme për qarkullimin e këtij treni, ngase mungonin objekti i doganimit, ai i kontrollimit të pasaportave etj.

 

 

Berisha, Sanader e Buçkovski sot takohen në Durrës

 

Tiranë, 28 shkurt 2006 - Sot në Durrës në kuadër të bashkëpunimit intensiv të Kartës së Adriatikit ndërmjet Shqipërisë, Kroacisë dhe Maqedonisë, takohe kryeministrat e këtyre vendeve, Sali Berisha, Ivo Sanader dhe Vlado Buçkovski.

Ndërkaq dje, Kryeministri i Shqipërisë Sali Berisha bisedoi me homologun e tij nga Kroacia Ivo Sanader, i cili ndodhet për një vizitë dyditore në Tiranë. Në një konferencë të përbashkët për shtyp, Berisha tha se Shqipëria mbështet investitorët kroatë që punojnë sot në Shqipëri. Pas takimit që pati dje në selinë e qeverisë në Tiranë me kreun e qeverisë kroate, Berisha vlerësoi bashkëpunimin e frytshëm dypalësh.

"Shqiptarët dhe Shqipëria janë të lidhur me fije të panumërta miqësie. Kryeministri Sanader është mik e promotor i këtij bashkëpunimi që ekziston mes dy vendeve", tha Berisha dhe shprehu konstatimin se marrëdhëniet shumë të gjera politike krijojnë mundësi të mëdha për zgjerimin e bashkëpunimit mes dy vendeve në të gjitha fushat.

"Në fushën e turizmit, Kroacia ka një eksperiencë të pasur dhe të çmuar, nga e cila Shqipëria mund dhe do të përfitojë po ashtu edhe në drejtim të infrastrukturës. Vendet tona janë fqinjë. Ne diskutuam dhe ramë dakord të intensifikojmë përpjekjet për korridorin Adriatiko Jonian, për të inkurajuar linjat ajrore që të fillojnë fluturimet Tiranë Zagreb dhe anasjelltas, për të nisur transportin detar Durrës Rjeka. Po ashtu, mendojmë se bashkëpunimi kulturor është i domosdoshëm dhe i frytshëm", tha Berisha.

Nga ana e tij, Kryeministri i Kroacisë, Sanader, ka uruar sërish kreun e qeverisë shqiptare për siglimin e Marrëveshjes së Stabilizim Asociimit më 18 shkurt, duke thënë se "ky është një hap shumë i madh në drejtim të anëtarësimit në BE".

"Ne do të punojmë së bashku në të ardhmen dhe do të japim të gjithë eksperiencën tonë, ashtu siç kemi rënë dakord edhe në takimet e mëparshme, sepse Kroacia dhe Shqipëria e meritojnë një anëtarësim në BE në të ardhmen. Shqipëria ka një ekonomi që po rritet me shpejtësi dhe unë jam gjithashtu shumë i lumtur që kompani kroate punojnë në Shqipëri", tha Sanader.

Sanader tha se e ka ftuar kryeministrin shqiptar në Dubrovnik për të marrë pjesë në samitin e NATO s që do të zhvillohet në korrik. Kryeministri i Kroacisë konfirmoi marrëdhënie të shkëlqyera midis dy vendeve edhe në fusha të tjera. "Kemi rënë dakord me homologët tanë shqiptarë që të gjithë qytetarët shqiptarë që marrin viza "Shengen", ta marrin menjëherë brenda ditës edhe një vizë për në Kroaci, dhe mund të vijnë menjëherë në Kroaci", tha Kryeministri i Kroacisë.

Lidhur me bisedimet për statusin e Kosovës, Sanader tha se kishte mirëpritur bisedimet në Vjenë që sapo kanë filluar me përfaqësues nga Beogradi dhe Prishtina.

Ndërkaq në një takim që do të zhvillohet sot në Durrës Berishës dhe Sanaderit do t'i bashkohet edhe kryeministri maqedonas Vlado Buçkovski.

 

 

Nga sulmet me bombë në Bagdad, vriten të paktën 32 persona dhe shkatërrohet varri i babait të Sadam Hyseinit

 

Bagdad, 28 shkurt 2006 – Sipas njoftimeve më të reja, nga sulmet me bombë në Bagdad, janë vrarë të paktën 32 persona dhe është shkatërruar varri i babait të Sadam Hyseinit, deri sa ai po përballet me gjykimin, njofton Rojter. Incidentet ndodhen vetëm një ditë pasi është hequr ora policore, e imponuar nga përshkallëzimi i dhunës. Në këto sulme janë plagosur mbi 80 njerëz.

Mbi 300 njerëz, kryesisht arabë sunitë, janë vrarë gjatë dhunës sektare që nga sulmi me bombë në javën e kaluar në xhaminë shiite në Samara.

 

 

Nga një bombë tokësore në rrugë në jug të Irakut, janë vrarë 2 ushtarë britanikë

 

Bagdad, 28 shkurt 2006 – Dy ushtarë britanikë janë vrarë dhe një tjetër është plagosur nga një bombë tokësore në rrugë në periferi të Amarës, në jug të Irakut, ka bërë të ditur Ministria e Mbrojtjes, njofton BBCWorld. Zëdhënësja ka thënë se ushtari i plagosur është trajtuar dhe nuk është në rrezik jete.

 

Informacionet më të hollësishme thuhet se do të jepen kur të njoftohen të afërmit e viktimave, tha ajo. Këto viktima ngrenë në 103 numrin e ushtarëve të vrarë britanikë në operacionet e luftës në Irak. Rreth 8.900 ushtarë dhe personel tjetër britanik gjenden aktualisht në Irak, kryesisht në juglindje të vendit.

 

 

Nga tri sulme me bombë në Bagdad janë vrarë të paktën 13 persona

 

Bagdad, 28 shkurt 2006 – Të paktën 13 persona janë vrarë dhe 38 të tjerë janë plagosur nga tri sulme me bombë në Bagdad, vetëm një ditë pasi është hequr ora policore e imponuar nga përshkallëzimi i dhunës. Katër persona janë vrarë dhe 16 të tjerë janë plagosur në sulmin në një treg në distriktin Karrada.

 

Nëntë persona janë vrarë dhe 22 të tjerë janë plagosur nga dy shpërthime të tjera në lindje të kryeqytetit. Të paktën 165 njerëz, kryesisht arabë sunitë, janë vrarë gjatë dhunës sektore që nga sulmi me bombë në xhaminë shiite në Samara.

 

 

Një nga 10 më të kërkuarit e FBI-së është arrestuar në Meksiko

 

Meksiko, 28 shkurt  2006– Një meksikan, që ishte një nga të 10-të më të kërkuarit e FBI-së, është arrestuar në Meksiko për vrasjen thjeshtrit të tij katërvjeçar më 2003, ka bërë të ditur ambasada amerikane, njofton Rojter. Xhenero Espinoza Dorantes, 35, është arrestuar nën akuzën torturimit dhe vrasjes së thjeshtrit të tij Luis Cisneros in Nashville, Tenesi, ka thënë ambasadori amerikan. Zyrtarët amerikanë planifikojnë të kërkojnë ekstradimin e tij.

 

 

Në një shkëmbim zjarri në Somali vriten të paktën 3 persona

 

Mogadishu, Somali, 28 shkurt 2006 – Të paktën tre persona janë vrarë në një shkëmbim zjarri afër parlamentit të provincës somaleze autonome Puntland, njofton BBCWorld. Përleshjet dhe rrethimi gjatë natës mund të jenë në lidhje me afatin e kryeministrit somalez për të aprovuar apo për të refuzuar kabinetin e ri. Puntland e ka shpallur vet autonominë brenda Somalisë më 1998.

 

 

Rebelët e krahut të majtë kanë vrarë 7 persona

 

Bogota, Kolumbi, 28 shkurt 2006 – Rebelët e krahut të majtë kanë sulmuar një takim të këshilltarëve të qytetit në Kolumbi dhe kanë hapur zjarr, ku kanë vrarë të paktën shtatë persona, ka bërë të ditur policia, njofton BBCWorld. Sulmi ka ndodhur në një hotel në fshatin Rivera, disa qindra kilometra në jugperëndim të kryeqytetit Bogota. Sulmin e kanë kryer pjesëtarët e Forcave të Armatosura Revolucionare të Kolumbisë (FARK), ka thënë policia.

 

 

Maoistët e dyshimtë kanë hedhur në erë me një shpërthim 2 kamionë me rreth 50 njerëz

 

Nju Delhi, 28 shkurt 2006 – Maoistët e dyshimtë kanë hedhur në erë me një shpërthim 2 kamionë, që bartnin civilë janë Indinë qendrore, duke lënë kështu shumë të vdekur, njofton BBCWorld. “Maoistët kanë vënë një minë tokësore në rajonin Darmagura në distriktin Dantevada, duke vrarë kështu 50 njerëz”, ka thënë policia.

 

 

Pushtimi i Irakut ka rritur sulmet terroriste

 

Bagdad, 28 shkurt 2006 - Një anketë e re globale e opinionit publik ka arritur në përfundimin se në 33 nga 35 vende të survejuara, një shumicë njerëzish besojnë se lufta në Irak ka rritur mundësinë e sulmeve terroriste në botë. Sondazhi u krye për BBC-në nga firma Globeskan së bashku me universitetin Marilend në SHBA.

Sondazhi tregon se ka bindje të forta në 20 nga 35 vendet e survejuara që besojnë se forcat e drejtuara nga SHBA duhet të tërhiqen nga Iraku brenda muajve të ardhshëm.

Vetëm në 9 vende ka shumicë që thotë se trupat duhet të vazhdojnë të qëndrojnë deri në stabilizim të vendit.

Në Irak, opinioni është i ndarë me 49% në favor të tërheqjes dhe një numër i ngjashëm që kërkon që forcat e drejtuara nga amerikanët të qëndrojnë.

Megjithatë, përsa i përket opinioni global, pamja ndryshon shumë nëse qeveria irakiane u kërkon trupave të qëndrojnë.

 

 

Irani optimist për zgjidhjen e konfliktit atomik

 

Tokio, 28 shkurt 2006 - Ministri i jashtëm i Iranit Manusher Motaki është shprehur optimist, se me Rusinë do të arrihet një marrëveshje për pasurimin e uranit iranian. Duam si Japonia të drejtën për shfrytëzimin civil të teknologjisë atomike, tha Motaki pas një bisede me ministrin japonez të tregtisë, Toshihiro Nikai. Bisedimet ruso-iraniane vazhdojnë sot në Moskë.

 

 

SHBA përshendetën ndihmën e menjëhershme të BE-së për palestinezët

 

Bruksel, 28 shkurt 2006 - SHBA kanë përshendetur vendimin e Bashkimit Evropian për t´u dhënë palestinezëve një ndihme të menjëhershme prej 120 milionë eurosh. Zëdhënësi i ministrisë së jashtme Adam Ereli tha se ndihma është një shenjë, që të gjithë duhet të bashkëpunojnë, për të penguar kolapsin e qeverisë provizore dhe për të mbështetur popullsinë palestineze. Vetëm më shumë se gjysma e parave do të shkojë në favor të popullsisë në sektorët e arsimit dhe të shëndetësisë.