Sheshelet e Kuvendit të Shqipërisë

24 shkurt 2006 /TN

Shkruan: Shaban PERAJ

Në një sistem demokratik roli i opozitës është i rëndësishëm dhe i nevojshëm në këto momente delikate kur Shqipërisë i duhet të përmbushin standarde për t’u anëtarësuar në BE. Të bëhet politikë duhet gjetur rrugën për të luftuar në të mirë të popullit tënd e jo të veprohet me një politikë amatore sic bën sot opozita shqiptare.

E gjithë kjo nga fakti se në Kuvendin e Shqipërisë kohët e fundit po hapen gjithnjë e më shumë diskutime rrënuese e përcarëse për probleme të ndryshme e që në këto momene nuk janë edhe aq të rëndësishëm sa janë të rëndësishëm lufta kundër korrupsionit, ngritja e standardit të qytetarëve shqiptarë për cka krahu socialistë nuk do as t’ia dinë.

Roli përcarës që ka marr PS . e Shqipërisë ka sjell degjenerimin e misionit që proklamojnë gjoja në emër të demokracisë, me cka gjërat bëhen edhe më të cuditshme. Debatet e nisura në Parlamentin shqiptar tashmë të bëjnë të kuptosh se këtu ka mbetur shumëpak për të evituar konfliktet politike e që sjellin përcarje në politikën e përgjithshme shqiptare.

Me persona të tillë që ka kjo parti vërtetohet për të satën herë se nuk kanë aftësi për të krijuar një sistem të ri të vlerave.

Është kjo cudia e radhës se si personat e tillë paraqiten aq agresiv, arrogant e të pasjellshëm karshi një tempulli ku duhet të vendoset e të bëhet demokracia parlamentare. Të tillët duke u marr me gënjeshtra e diskreditojnë edhe më shumë votën që kanë marrë dhe njëkohësisht përdhunojnë demokracinë. Ata vuajnë nga një mani për ta treguar vetën të zotët duke ndryshuar kursin e tyre të proklamuar kur ishin pozitë ndaj sot nuk u ka mbetur gjë tjetër vetëm të cirren e të bërtasin edhe atëherë kur për të nuk është nevoja.

Këta njerëz harrojnë se Kuvendi nuk është për të zhvilluar ndeshje boksi apo ndonjë sport tjetër. Për fatin tonë të keq të tillët duhet të ndjekin edhe njëherë shkollat e edukimit (por jo të partisë mëmë) për të qenë ata që do të integronin Shqiërinë në Evropë.

Ka nga ata politikanë që janë shndërruar në persona krimi, dhe kur ju cënohet e drejta ata fillojnë ta mbrojnë atë me grushta në Kuvend. Kjo më tepër është një zhgënjim i atyre që u dhanë votën dhe për këtë kurdoherë do t’u kërkohet llogaria. Ky grup i deputetëve socialistë pa sens për të pasur guximin për të biseduar ashtu sic bisedojnë burrat tregon se nuk e kanë vendin në Parlament.

Sigurisht se edhe në konceptin e tyre politikë ka më shumë vlerë koncepti që është i ngjajshëm me konceptin e Sheshelit të Serbisë. Ndaj edhe veprimet e atij që deri dje ishte ministër i kulturës ( pavarësisht që në dukje fitohet bindja se është i urtë) dëshmoi se idol ka Sheshelin e mos e thashtë zoti të kapin edhe armën e të krijojë edhe një ’97 tjetër. Duhet kuptuar nervozizmin e tyre sepse tetë vjet ishin në pushtet nga ku u panë rezultatet e tyre.

Pavarësisht mënyrës së votimit për shkarkimin e kryetares së parlamenti z. Topalli, nga ku mund të ketë pasur shkelje, por kjo ka pak rëndësi, ajo që shqetëson opinionin shqiptarë këndej dhe andej kufirit është sjellja arrogante e tyre duke mos treguar as edhe shenjën më të vogël të tolerancës, respektit e sidomos pozitës në të cilën ndodhen qytetarët shqiptar me një nivel të ulët të standardit jetësor, nga ku kjo e bën qytetarin shqiptar të humbas besimin në këtë garniturë të politikanëve të majtë.

Jo se në krahun tjetër janë të gjithë engjuj por edhe nëse kanë bërë ndonjë hap jo të mirë kur ishin opozitë së paku nuk tentun të këpusin kabllot elektronike ose të dalin aq fuqishëm në mbrojtje të operatorëve sic veprojnë këta të opozitës sot. Këta tashmë janë dëshmuar se nuk dinë të flasin me gjuhën e dialogut, gjuha e tyre është forca për të cilën akoma mendojnë se janë në mazhorancë, edhe pse edhe ata nuk mund të flasin me atë gjuhë. Ajo që i bën të nderuar këta zotërinj është të paraqiten si shqiptar, përndryshe janë gënjeshtar ndaj vetës dhe të tjerëve që kanë përballë.

Është për të ardhur keq që analistin e nderuar, z. Lubonja, në emisionin “Opinion”, anëtari socilist e fyen aq rëndë duke e shpallur edhe prokuror nga ku z. Lubonja me të drejtë vazhdon dialogun duke i dëshmuar zotërisë se pranon bisedën dhe se i ka të qarta parimet e demokracisë.

Po cfarë po ndodhë me kanalet tjerë televiziv ku programet që u ofrojnë teleshikuesve i kanë shumë negativ karshi pozitës së sotme shqiptare për cka tashmë janë bërë “bajat” me sulme vend e pavend ndaj qeverisë aktuale akoma pa filluar mirë mandatin. Me këta programe prinë i ashtuquajturi televizion kombëtar- “Top chanell”, që dikur për ne ishte vërtetë një kënaqësi të përcillnim emisionet e tij.

Në pluralizëm cdo gjë lejohet, dhe këtyre të mjerëve duhet lejuar që të sillen si shtriga, që presin momentin të gjuajnë aty ku sipas tyre mund të prishen rregullat e demokracisë , ndaj edhe janë të pakokë e nuk dinë se cfarë bëjnë. Kështu kombi nuk cohet përpara po qe se ata nuk i kthehen arsyes nga ku është koha e momenti të dalin nga kjo guackë për të mos e ushqyer më popullin me verfëri të tejskajshme.