|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

  KULTURË

21 shkurt 2006 /TN

Nga Ilir Gjoka

 

Fillimisht i njohur si poet me poezitë dhe librat, pastaj si gazetar më vonë edhe si kritik letrar, sidomos me librin  tij Libra dhe mbresa (botoi Instituti Shqiptar në St. Gallen, 2005) i pranuar nga kritikët si vepër me peshë dhe vlerë, personi për të cilin po flasim është Shefqet Dibrani, autor edhe i librit më të ri që hynë në zhanrin e publicistikës, që e kompleton autorin në disa fusha të shkrimit, poet, letrar, gazetar përkatësisht publicist.

 

Duhet theksuar se Shefqeti ka qenë i njohur me shkrimet tija në shumë të përditshme shqiptare sidomos me mendimet tija që shumë kënd e kanë tunduar që kanë shpreh një të vërtetë të hidhur. Kurse për këtë guxim ai shpesh është përpjekur të bllokohet nga ata që kanë ndier vetën të ngacmuar. Mbase edhe autori, siç e thotë në parathënie, ka “paguar tagrin këtij veprimi kritikues” të cilat kanë ngjallë urrejtje të paparë kundrejt autorit nga struktura e individë, si dhe nga qarqet që ka bashkëpunuar dhe bashkërenditur mendimet e tija.

 

Aftësia e publicistike e Dibranit u dëshmua sidomos me librin e tij të fundit të titulluar “Zhgënjimi ballkanik”, libër ky që shprehë edhe një guxim dhe trimëri të autorit që do ta emëroja si guxim qytetar, apo trimëri civile. Kjo lidhet drejtpërsëdrejti me mendimet e shkrimet kronologjike të kohës që lidhën me temat e ndryshme, me fenomenet dhe ecuritë sociale, politike e ekonomike në Kosovë dhe më gjerë.

 

I lidhur ngushtë me vendlindjen e tij (Kosovën), duke përcjell ngjarjet dhe duke i hulumtuar ato deri në thellësi, ato njohuri nuk i ndali vetëm për veti. Ai vendosi që ato njohuri, kritika që i bën devijimeve dhe fenomeneve negative në shoqërinë kosovare, ti shprehë fillimisht nëpërmjet shkrimeve të tija të botuara në gazetën Illyria në Nju Jork e më pastaj edhe në formë libri nga shtëpia botuese Faik Konica me redaktor Nazmi Rrahmani.

 

Zhgënjimi i Shefqetit trajton tema të ndryshme që lidhen me ngjarjet kryesisht në Kosovë duke i lidhur ato me ato në Ballkan, politikën evropiane dhe atë amerikane.

 

Brenga e tij lidhet sidomos me shumë fenomene të deformuara që përshkruajnë situatën dhe ngjarjet sidomos politike në Kosovën e pasluftës, e sidomos të viteve të fundit. Ai pozicionohet në krahun e së vërtetës, puna e tij kishte për qëllim që të jetë një kundërshtar i fenomeneve negative, që sipas autorit, janë në dëm të proceseve drejt qëllimit të Kosovës për shtet të pavarur dhe sovran.

 

Autori nuk heziton të kritikoj edhe krahun politik të cilit me vite me radhë i ka qëndruar besnik, mbase edhe sot ai kritikon, por edhe përkrah mbase për atë kritika nuk është fyerje, porse një element që shtynë proceset në drejtime pozitive, për të mirën e përbashkët. Zhgënjimi ballkanik fillon në mënyrë kronologjike, të trajtimit të temave të ndryshme që nga 1 nëntori 2004 e deri në shkrimin e fundit në libër të datës 25 qershor 2005.

 

Ky libër do të ketë edhe pjesën e dytë, vazhdimësi e të parit, që pritet të dalë ditëve të ardhshme.

 

Ilir Gjoka, Gjermani, shkurt 2006.