Tubim “patriotik” në Dyseldorf

OPINIONE

Gjermani: Tubim “atdhetarësh” në Dyseldorf

13 shkurt 2006 /TN

Prof. P. Paplekaj

Të shtunën më 11. 02. 2006, në klubin „Emin Duraku“ në Dyseldorf të Gjermanisë u mbajt me bashkatdhetar një tubim me titull Janari i përgjakshëm. Manifestimi filloj në ora 19.oo dhe zgjati deri në 20.30 në praninë e afër 100 mërgimtaresh ku përveç disa aktivistëve qe i pranishëm edhe një kameraman i RTK-së.

Tubimin e udhëhoqi spikerja e radio “Dojqe-Veles”, Mimoza Kelmendi e cila pasi përshëndeti të pranishmit propozoj një minutë heshtje për të rënët gjatë luftës, pastaj i dha fjalën kryetarit të klubit “Emin Duraku” Jetmir Bexheti.

Jetmiri foli për historikun e disa nga heronjtë e lavdëruar të popullit shqiptar duke filluar qe nga Gjergj Kastrioti-Skënderbeu e deri te heronjtë më të ri të Kosovës.

Kastrioti ju kthye Shqipërisë dhe i shërbej 38 vjet në luftë kundër Osmanlinjve gjerë në vdekje, pastaj foli për Isa Boletinin, të bëmat e tij deri ne vrasjen e ti afër Podgorice nga forcat malazeze. Jetmiri foli edhe për vëllezërit Gervalla, Jusufin, Bardhoshin si dhe Kadri Zekën të cilët me veprimtarin e tyre u bënë halë në sy të pushtuesit serbosllavë dhe u vranë në pritë nga pushteti i tyre dhe hyzmeqarë shqipfolës.

Në janar të 1984-ës u vranë edhe Rexhep Mala dhe Nuhi Berisha gjithashtu nga forcat çetnike. Në vazhdim foli edhe për Bjaram Brahtinen të vrarë nga policia serbe dhe të ndihmuar nga disa shqipfoles asokohe në shërbim të armikut. Kryetari foli edhe për Zahir Pajazitin, Edmond Hoxhen dhe Hakif Zejnullahin gjithashtu heronjtë të kohës sonë të vrarë në Pestovë.

Fjalën e mori edhe Ali Berisha, që përveç të tjerash, evokoi kujtime për Jusuf Gërvallen kur kishin punuar së bashku në RTV në Prishtinë. Minush Luma, u ndal më së shumti në evokimet që kishte për Zahir Pajazitin që ishte edhe si komandant i tij, se si kishin stërvitur se bashku në Surel afer Dajtit të Tiranës qysh në fillim të viteve 90-ta dhe ishin përgatitur se bashku me Adem Jasharin për kryengritje të armatosur. Pastaj mysafiri i mbrëmjes ishte aktivisti shumëvjeçar i klubit “Emin Duraku “dhe ish kryetar i klubit tanimë i kthyer përfundimisht në Kosovë, Hyzri Reka.

Hyzriu evokoj për bashkëpunimin e tij me Vllëzerit Gervalla, dhe tentativën për bashkimin e të gjitha organizatave të diasporës që vepronin asokohe, por si duket me këtë iniciativë vetëm sa i egërsoj më shumë armiqtë dhe i vranë në pritë. Tubimin e përmbyllen edhe disa recitime të disa pionierëve për heronjtë tanë, dhe më në fund grupi folklorik”Bashkimi” i argëtoj të pranishmit më këngë të ndryshme.

Përkujtimi i dëshmove edhe pa i lidhur me ndonjë Janar ose muaj tjetër është diçka e çmuar shumë,por qe të tubohen kaq bashkatdhetarë dhe të mos mbahet një minutë heshtje për presidentin e Kosovës Ibrahim Rugova, që për koinçidenc vdiq në Janar të këtij viti dhe se komunat nga të cilat vinin këta bashkatdhetar ëndë mbajnë zi për te, kjo për mua ishte shumë e çuditshme!

Për Presidentin e Kosovës mbajtën një minutë heshtje edhe në parlamentin evropian, mbajtën heshtje dhe qajtën baballarët tanë në Kosovë e jashtë saj, burra shtetesh dhe shteti amë Shqipëria disa ditë, e aty as që u përmend emri i tij. Pastaj Kosova gjendet para vendimeve historike të saj, asnjë diskutim edhe pse ishin mbledhur shumë luftëtarë dhe intelektual të diasporës, asnjë...

Luli i vocërr ishte shumë elegant në dukje, se si mu duken disa nga sosh në shpirt. Ora iu ishte ndalur dikund para vdekjes se E. Hoxhes, dhe se Kosovën e sotme që po i afrohet një realiteti të shumë pritur nuk e shihkan fare edhe pse të gjithë heronjtë e përmendur dhanë jetën për Kosovë dhe Shqiptari. E dhashtë zoti dhe tjetër herë i kujtojmë më Kosovë të pavarur dhe kujtimet e tilla zyrtarizohen njëherë e përgjithmonë nen kujdesin e shtetit të tyre.