|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

13 shkurt 2006 /TN

Telegram urimi

 

Sh.T.  Prof. Dr. Fatmir Sejdiu

President i Kosovës

 

Shkëlqesia Juaj,

 

Jam shumë i lumtur t’Ju dërgoj Shkëlqesisë Tuaj urimet e mia më të sinqerta për emërimin tuaj President i Kosovës.

 

Me ketë rast ju shpreh Ju konsideratën time më të lartë, duke dëshiruar që në të ardhmen të forcojmë marrëdhëniet zyrtare dhe personale me Shkëlqesinë Tuaj.

 

Jam i sigurt se zgjedhja juaj në këtë post të lartë, do të ndikojë dhe reflektoje në forcimin  dhe stabilizimin e situatës në Kosovë në rrugën e saj drejt pavarësisë, si dëshirë e mbarë popullit të Kosovës.

 

Po ashtu uroj që Shkëlqesia Juaj të jetë faktor vendimtar për  zhvillimin dhe  prosperitetin e shqiptarëve kudo që janë.

        

Ju uroj suksese ne detyrën Tuaj aq fisnike.

 

Prof. Dr. Beqir Ismail
President i Agjencisë se  Informacionit “Alba- Press”

Kairo (Egjipt)

 

 

---

 

Telegram urimi

 

Presidentit të Kosovës

Prof.dr.Fatmir Sejdiu

 

Nëndega e LDK-së në St. Gallen (Zvicër) përshëndet zgjedhjen e Prof.Dr.Fatmir

Sejdiu President të Kosovës.

 

I nderuari President Prof.dr.Fatmir Sejdiu,
 
nëndega e LDK-së në St.Gallen të Zvicrës me kënaqësi të madhe e priti lajmin për zgjedhjen Tuaj President i Kosovës. Ne jemi të bindur se ju z.Sejdiu do ta udhëhiqni me dinjitet Kosovën drejt Pavarësisë së saj. Këtë e themi me përgjegjësi duke i ditur kualifikimet profesionale si dhe angazhimet tuaja në sferën e politikës, ku për mbi një dekadë e gjysmë ishit edhe njëri ndër bashkëpunëtorët më të afërt të prijësit dhe Arkitektit të Shtetit të Pavarur të Kosovës  Dr.Ibrahim Rugova.

 

Nëndega e LDK-së në St.Gallen është thellë e bindur se Ju do të vazhdoni të punoni me përkushtim për sendërtimin e aspiratave dhe idealeve të shenjta  për ta realizuar Pavarësinë e Kosovës si një vend demokratik, ku do të sundojë ligji dhe rendi për të gjithë qytetarët e saj, si dhe do ta bëni integrimin e saj në BE, NATO dhe në miqësi të përhershme me SHBA-të, ashtu siç thoshte dhe u angazhua gjatë gjithë jetës së tij Dr.Ibrahim Rugova. Me këtë rast Zoti President i Kosovës Prof. dr. Fatmir Sejdiu pranoni urimet më të përzemërta nga ne mërgimtarët e organizuar pranë LDK-së në St.Gallen, dhe njëherë ju dëshirojmë shëndet të mirë dhe fat në misionin tuaj fisnik!

 

Zoti Ju bekoftë Juve z.President prof.dr.Fatmir Sejdiu!

 

Zoti e bekoftë Kosovën dhe popullin e saj!

                                

Në emër të Kryesisë së nëndegës së LDK-së

në St.Gallen/Zvicër

Prof. Sallah Januzi - kryetar

 

 

---

Telegram urimi

 

Lidhja Demokratike e Kosovës-Dega në Suedi, në krye me kryetarin e saj, z. Hysen Ibrahimi, në emër të antarësisë dhe simpatizantëve të saj, anakëndë Suedisë dhe më gjërë, urojnë sinqerisht, duke e përgëzuar zgjedhjen e Presidentit të ri të Kosovër, Dr. Fatmir Sejdiun, për ta drejtuar vendin.

 

Zgjedhja e Juaj z. President i Kosovës, prof, Sejdiu, në këtë kohë, mendojmë se ka qenë zgjedhja më reale, më e suksesshmja për ta drejtuar vendin drejtë njohjes së Pavarësisë së Kosovës, si rrugë e trasuar tani më, nga ish-Presidenti ynë i dashur, Dr. Ibrahim Rugova, që ishte dhe mbeti gurëthemeli i Pavarësisë së Kosovës. Kryesia e Degës, po ashtu, përgëzon Kryesinë Qendrore të Lidhjes Demokratike të Kosovës, në zgjedhjen e Presidentit të Kosovës, Dr. Sejdiun, duke treguar pjekuri të lartë politike, që i ngjanë partive Perëndimore, që arriti një kompromis të plotë, të dal me vetëm një kandidat. Dega e LDK-së në Suedi, krenohet me Juve dhe ju premton se në çdo kohë do të jemi pranë Juve dhe me juve.

 

E njëjta meritë ju takon edhe deputetëve të Kosovës, që me votën e tyre arritën të grumbullojnë votat e mjaftueshme, për zgjedhjen e Presidentit të Kosovës, Dr. Fatmir Sejdiun.

 

Bota mike e popullit shqiptar, që asaj i kanë shkuar zëra, se tani priten përqarjet e shqiptarëve, për fat të mirë ndodhi e kundërta. Jo vetëm që nuk ndodhi asgjë e pa pritur, por procesi u krye në afat rekord të zgjedhjes së Presidentit, gjë që kjo nuk mund të ndodhë as në shtetet Perëndimore, sepse do një afat më të gjatë kohor. Bota mike e jona, përgëzon zgjedhjen e Presidentit dhe u bind edhe njëherë dhe do të binden edhe për shumë herë, se jemi një popull që dimë të udhëheqim shtetin, si traditë e para-ardhësve tanë ILILRËT.

 

Të gjitha këto suksese në kohërat më të vështira që e pllakosi Kosovën me humbjen e njeriut më të madh në të gjitha kohërat e saj, e damkosën fuqishëm vendosmërinë për vazhdim të denjë të punës deri në realizimin e aspiratave tona kombëtare të drejta dhe legjitime, që na e la AMANET ish-Presidenti ynë i dashur dhe i pa harrur për jetë të jetëve, Dr. Ibrahim Rugova.

 

Zoti e bekoftë Kosovën dhe popullin shqiptar, kudo që ndodhet.

 

Zoti e bekoftë LDK-në dhe Presidentin e Kosovës, Dr. Fatmir Sejdiun.

 

Zoti e bekoftë Bashkësinë Ndërkombëtare, SHBA-në, KFOR-in dhe UNMIK-un.

 

Për Komisioni për Informim pranë LDK-së

Dega në Suedi,

Sinan Halil Hasani