Partia Shqiptare Demokristiane e Kosovës uron presidentin e ri të Kosovës


13 shkurt 2006 /TN
Presidenti Fatmir Sejdiu do të ndjekë rrugën kombëtare të Dr. Ibrahim Rugovës

PShDK-ja, duke qenë aleate e përhershme dhe e natyrshme e LDK-së përkrah dhe përshëndet zgjedhjen e prof. Fatmir Sejdiut për president të Kosovës dhe shpreson se ai do të ndjekë rrugën kombëtare të dr.Ibrahim Rugovës për krijimin e shtetit të pavarur të Kosovës, thuhet në urimin e akad.Mark Krasniqi, kryetar i PSHDK-së.


Prishtinë, më 10 shkurt 2006

Përfaqësuesit e popullit të Kosovës, të zgjedhur me votën e lirë, demonstruan edhe njëherë para opinionit të gjërë dhe veçanaraisht para faktorit ndërkombëtar se në momentet më vendimtare, dijnë të jenë të përgjegjshëm dhe të mos vonohen në proceset e përgjithshme për të ardhmen e Kosovës.

Pas ndërrimit të jetës së liderit kombëtar të popullit të Kosovës dhe presidentit të saj dr.Ibrahim Rugovës, u krijuan rrethana tepër të rënda dhe të veshtira për Kosovën. Por, duke e zgjedhur presidentin e ri të Kosovës, dr.Fatmir Sejdiun, partitë politike të Kosovës, e në radhë të parë Lidhja Demokratike e Kosovës, u dëshmuan të përgjegjshme ndaj kohës dhe situatës duke përmbushur me kohë boshllëkun institucional të Kosovës.

Prof. Fatmir Sejdiu është një personalitet i njohur i Kosovës dhe i Lidhjes Demokratike të Kosovës. Ai duke qenë jurist i njohur dhe profesor universiteti gëzon autoritet të madh edhe në opinionin e Kosovës dhe te faktori ndërkombëtar. PSHDK-ja duke qenë aleate e natyrshme dhe e përhershme e e LDK-së, përshëndet zgjedhjen e Fatmir Sejdiut për president të Kosovës duke i uruar atij shëndet dhe suksese në udhëheqjen e vendit drejt statusit përfundimtar të Kosovës. Ne shpresojme se prof. Sejdiu do të ndjekë rrugën kombëtare të Ibrahim Rugovës për krijimin e shtetit të pavarur të Kosovës.

Kryesia e PSHDK-së
Akad. Mark Krasniqi