|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Lajmet e ditës

13 shkurt 2006 /TN /QIK

Përmbajtja:

    
Presidenti mbështetet fuqishëm nga Kuvendi i Kosovës në rrugën e pavarësisë

 

Prishtinë, 13 shkurt 2006 - Dy udhëheqësit më të lartë të vendit - Fatmir Sejdiu dhe Nexhat Daci - janë takuar sot për të diskutuar për çështjet më të rëndësishme në Kosovë.

Kryeparlamentai Daci i ka shprehur mbështjen e institucionit që e drejton Presidentit të sapozgjedhur, Fatmir Sejdiu, me të cilin tha se ka një bashkëpunim 20-vjeçar në LDK dhe në Universitet. Presidenti Sejdiu, pasi falënderoi zotin Daci për mbështetjen, tha se Kuvendi i Kosovës ka rol të jashtëzakonshëm në proceset demokratike në vend, si organi më i lartë

përfaqësues.

"Por, edhe nga ana ime do të ketë një bashkëpunim tepër të nevojshëmn për kohën që jemi duke e kaluar dhe natyrisht për obligimin institucional", tha z.Sejdiu.

"Thamë që do të bëjmë punë të mira në mandatin që kemi. Ne nuk kemi tema të tjera në të cilat do të ndalemi më gjatë, sigurisht janë temat bosht që kemi në përgjegjësi nga populli i Kosovës. Dhe në bashkëupunim me institucionet e tjera atë miison do ta relizojmë si duhet për të lënë vend që brezat që vijnë t'i japin edhe mbështetje më të fuqishme", u shpreh Presidenti Sejdiu.

Kryeparlamentari Daci përsëriti vlerësimin se vendi dhe institucionet janë "në rrugë të mbarë", të filluar me Presidentin Ibrahim Rugova, dhe se në projektin e pavarësisë do ta ketë mbështetjen e plotë të Parlamentit.

"Unë nuk harroj që Presindeti është i qartë për funksionimin demokratik të institucioneve dhe është një kënaqësi reale, kolegiale e relaksuar", tha Daci, për të shtuar se "treni është në binar, timoni është në duar të sigurta dhe shpejtësinë ia ndihmojmë krejt dhe do të jemi mirë".

Politika serbe çmendurisht po i vazhdon projektet millosheviqiane, tha Presidenti Sejdiu, duke komentuar një pyetje pas deklarimeve serbe, se në rast të pavarësimit, Kosova do të shpallet territor i okupuar.

"Një politikë që çmendurisht vazhdon ato projekte të politikës së Millosheviqit. Por, ne duhet të rrezatojmë paqe dhe stabilitet në Ballkan", tha z. Sejdiu dhe shtoi: "Realiteti dihet se Kosova ka qenë e okupuar nga Serbia dhe Kosova nën ndikimin e vullnetit politik të popullit të saj asnjëherë nuk ka qenë pjesë e Serbisë".

"Ju e dini se cili është vullneti sot: Kosova të jetë në realizimin e plotë të mëvetësisë së saj", tha Presidenti, ndërsa kujtoi qëndrimin politik të institucioneve se Kosova do të jetë në rrjedhat euroatlantike.
"Për ne është e rëndësishme që të rrezatojmë si një subjekt i rëndësishëm në këtë pjesë të Evropës Juglindore dhe si i tillë do të ndikojë në stabilitetein e përgjithshëm. Kosova do të jetë e lirë, do të jetë e pavarur dhe natyrisht do të jetë një Kosovë që do të jetë e integruar në rrjedhat euro atalntike".

Ndërkaq, Nexhat Daci tha se arktitektët e atyre projekteve janë në Hagë. "Thelmelet i janë rrënuar me luftën çlirimtare dhe me bomabardimet e NATO-s, prandaj ne vazhdojmë projektin tonë", u shpreh kreu i Kuvendit.

 

 

Negociata për statusin e Kosovës zhvillohen më 2O shkurt në Vjenë

 

Vjenë, 13 shkurt 2006 - Negociata për statusin e Kosovës mes Prishtinës dhe Beogradit do të fillojnë më 2O shkurt në Vjenë, ka bërë të ditur Hua Gjijang, zëdhënëse e të dërguarit të KB Marti Ahtisari. Sipas saj, takimi që do t'i kushtohte decentralizimit, do të zhvillohet më 2O e 21 shkurt dhe do të zgjasë një ditë e gjysmë.

Në takimin e Vjenës do të marrë përfaqësuesi amerikan, i BE-së dhe ai i NATO-s.

Siç dihet, Ekipi Negociator i Kosovës të shtunën i ka dhënë vizën delegacionit të Kosovës që të udhëtojë më 20 shkurt në Vjenë.

Në këtë takim është miratuar një dokument për decentralizimin, i cili do të shërbejë si platformë e palës kosovare në Vjenë.

Por ende nuk dihet se kush do ta drejtojë delegacionin e Kosovës, si dhe anëtarët e tij.

 

 

UNMIK-u dhe Suedia nënshkruajnë marrëveshjen për riatdhesimin e azilkërkuesve kosovarë

 

Prishtinë, 13 shkurt 2006 - Administrata ndërkombëtare në Kosovë dhe Suedia sot kanë nënshkruar në Prishtinë një marrëveshje për riatdhesimin e azilkërkuesve kosovarë nga Suedia, të cilët nuk kanë mundur ta realizojnë të drejtën për azil në këtë shtet.

Marrëveshjen e nënshkruan ministri suedez i Migracionit, Barbro Holmberg dhe zëvendës shefi i UNMIK ut Lari Rosin.

 

 

Në Kosovë merren masa shtesë për ndalimin e importeve nga vendet e BE së të prekura nga gripi i shpendëve

 

Prishtinë, 13 shkurt 2006 - Ministria e Bujqësisë, Pylltarisë dhe Zhvillimit Rural, përkatësisht Agjencia e Veterinës dhe e Ushqimit të Kosovës (AVUK) është e orientuar në sistemimin e ri të mbrojtjes shëndetësore të kafshëve dhe njerëzve nga sëmundjet ngjitëse (zoonotike) dhe infektive që rrezikojnë mbarë vendin.

Në një komunikatë të kësaj Ministrie thuhet se "ky sistem jep mundësinë për përcjelljen e situatës epizootiologjike në nivel botëror, me theks të veçantë në organizim dhe mobilizim të shpejtë për parandalimin e sëmundejve, që mund të jenë rrjedhojë e pandemisë së gripit të shpendëve, duke e ndaluar importin e kafshëve të gjalla dhe prodhimeve të tyre prej shteteve të cilat kanë prezente ndonjë sëmundje të kësaj natyre, siç është Avian Influenza".

Në kontekst të kësaj, Ministria e Bujqësisë që nga dita e djeshme (12 shkurt) me të dëgjuar për rastet e reja të lajmërimit të Avian Influenzës në disa shtete të rajonit, ka marrë masa shtesë për ndalimin e importeve edhe nga vendet e tjera anëtare të BE së ku është lajmëruar kjo sëmundje e shpendëve. Ministria mban edhe më tutje në fuqi ndalimin e importeve nga vendet që kanë qenë të prekura nga ky virus, por tani ndalimi i importeve është bërë edhe nga Italia, Bullgaria, Greqia dhe Sllovenia.

Siç është e ditur, për të gjitha kategorite e shpezëve të gjalla, duke i përfshirë dhe ato ekzotike, ndalime të këtyre mallrave janë bërë edhe nga e gjithë bota, me qëllim që të parandalohet kjo pandemi.

 

Po ashtu, në të gjithë territorin e Kosovës është ndaluar tregtia e shpezëve të gjalla dhe shitja e tyre nëpër tregjet e Kosovës. Për momentin mund të konstatohet se mbi bazë të raporteve që vijnë nga terreni, në Kosovë nuk është prezente kjo sëmundje, por është duke u përcjellë me vëmendje situata në terren dhe gjendja është nën kontroll.

 

 

Kryesia e LDK së mbështet Presidentin Sejdiu në vazhdimin e misionit të Presidentit Rugova për Kosovën e pavarur

 

Prishtinë, 13 shkurt 2006 - Është takuar sot Kryesia qendrore e LDK-së, por takimi ka pasur vetëm karakter përgëzimi për zgjedhjen e sekeratarit të saj të përgjitshëm Fatmir Sejdiu në postin e Presidentit të Kosovës.

 

Ndërkaq, megjithë spekulimet e mediave se në këtë takim do të diskutohet për caktimin eventualë të kandidatëve të saj në dy ministritë e reja, kjo nuk ka ndodhur. Madje, siç tha njëri nga të pranishmit në këtë takim, kjo temë nuk është përmendur fare.

Siç thuhet në një komunikatë, "Kryesia e LDK së mbajti një takim solemn me rastin e zgjedhjes së Presidentit të Kosovës Prof. Dr. Fatmir Sejdiu", ku ishte i pranishëm edhe vetë Presidenti i Kosovës.

"Kryesia e LDK së edhe njëherë rikonfirmon mbështetjen e plotë për Presidentin Fatmir Sejdiu në vazhdimin e misionit të Presidentit Rugova në procesin e njohjes ndërkombëtare të pavarësisë së Kosovës.

Kryesia e LDK së falënderon të gjithë deputetët e parlamentit të Kosovës dhe grupet parlamentare të partive politike për mbështetjen e dhanë kandidatit të LDK së për President të vendit.

Kryesia e LDK së edhe me këtë rast riafirmon unitetin e potë veprues në të gjitha strukturat e saja organizative dhe përkushtimin e plotë për jetësimin e programit politik të LDK së dhe programit nacional për shtetin e pavarur të Kosovës, miratuar nga Kuvendi zgjedhor i LDK së", thuhet në fund të komunitës.

 

 

Ministri i Jashtëm gjerman ka uruar Presidentin e ri të Kosovës dhe e fton për një takim të shpejtë

 

Berlin, 13 shkurt 2006 - Ministri i Jashtëm gjerman Dr. Frank Valter Shtajnmajer ka uruar Presidentin e ri të Kosovës, Dr. Fatmir Sejdiu me rastin e zgjedhjes së tij nga Asambleja Parlamentare e Kosovës.

"Zgjedhja juaj si President i Kosovësështë shenjë e rëndësishme për stabilitetin dhe kontinuitetin në të gjithë rajonin," shkruan ministri gjerman, i cili duke kujtuar seprocesi i statusit hyn nëfazën vendimtare me fillimin së shpejti të bisedimeve në Vjenë shton sebisedimetkërkojnë nga të dyja palët gatishmëri për të bërë kompromise, për tëmundësuarqë këtë vitnjëzgjidhje që të jetë e pranueshme për të gjitha palët.

Përpjekje të mëdha nevojiten sidomos në zbatimin e standarteve", thotë Shtajinmajer dhe thekson se qëllimi mbetet krijimi i një Kosove multietnike dhe demokratike, në të cilën të gjithë njerëzit të mund të jetojnë në siguri dhe paqe pavarësisht nga përkatësia e tyre etnike.
Bashkangjitur urimit për sukses, Shtajnnmajer shpreh edhe dëshirën për një takim të shpejtë em zotn Sejdiu për këmbim pikëpamjesh.

 

 

Presidenti Sejdiu priti sot Thaçin

 

Prishtinë, 13 shkurt 2006 - Presidenti i Kosovës Fatmir Sejdiu priti sot kryetarin e Partisë Demokratike të Kosovës, Hashim Thaçi. Me këtë rast, Presidenti Sejdiu çmoi dhe falënderoi gatishmërinë e kryetarit të PDK së, për bashkëpunim.

Në këtë takim me kishte karakter përgëzimi për z. Sejdiu në postin e Presidentit të vendit, u shpreh gatishmëria e përbashkët për shtimin e bashkëpunimit midis institucioneve dhe partive politike për përmbushjen e obligimeve të Kosovës.

Presidenti Sejdiu çmoi dhe falënderoi Thaçin për gatishmërinë e tij për bashkëpunim dhe theksoi se me angazhim të përbashkët do mund të realizohet vullneti i qytetarëve të Kosovës për shtet të pavarur e sovran.

"Kemi një mandat të përbashkët, që të realizojmë pavarësinë e Kosovës, sovranitetin e saj të plotë dhe në këtë drejtim kjo gatishmëri e shprehur nga PDK ja, jo vetëm si segment që mund të thuhet në kuptimin e opozitës, por si segment i rëndësishëm i jetës politike dhe institucionale në Kosovë është për t'u përshëndetur dhe ne do të vazhdojmë me punën e përbashkët", tha Presidenti Sejdiu.

Lideri i PDK-së vlerësoi se situata politike në Kosovë është e relaksuar si asnjëherë më parë.
"Sot kryetarit të ri z. Sejdiu i kam uruar edhe një herë zgjedhjen si Kryetar i Kosovës, si kryetar i të gjithë qytetarëve të vendit, si institucion që duhet ta kultivojë dhe ta ruajë unitetin politik dhe qytetar dhe në anën tjetër bashkëpunimin e ngushtë që do ta ketë nga opozita, si institucion mbi partitë, si një institucion që do të vazhdojë ta luajë rolin e rëndësishëm dhe udhëheqës edhe për procesin negociator", tha Hashim Thaçi.

Me këtë rast, Presidenti Sejdiu tha se pala kosovare ka rënë dakord se për takimin e Vjenës së shpejti do të bëhet e ditur edhe përbërja e delegacionit të Kosovës që do të shkojë atje.

 

 

Edhe peshkopi serb i Kosovës thotë se nëse pavarësohet, Kosova të shpallet territor i okupuar

 

Londër, 13 shkurt 2006 - Peshkopi serb Artemije ka deklaruar se Beogradi nuk guxon ta pranojë ofertën - mbrojtjen e serbëve, si zëvendësim të pavarësisë së Kosovës.

"Ne e dimë dhe e kuptojmë se bashkësia ndërkombëtare është e vendosur dhe e fuqishme, dhe se mund të bëjë ç'të dojë; ata mund të imponojnë, pavarësinë e Kosovës dhe ne këtë nuk mund ta pengojmë", është shprehur Artemie për BBC-në.

Por, sipas tij, ajo që Serbia mund të arrijë është "që këtë mos ta pranojmë dhe mos ta nënshkruajmë, por që zjidhjen e imponuar ta kuptojmë, ta përjetojmë dhe ta shpallim pjesë të okupuar të territorit tonë" ka thënë peshkopi serb Artemie, i cili drejton kishën serbe në Kosovë. Ai ka theksuar se "çdo shtet ka të drejtë të luftojë për çlirimin e territorit të saj të okupuar".

 

 

"Eshtë fatale dhe e dëmshme të krijohet atmosfera se si Kosova është humbur", thotë Gjuriq

 

Beograd, 13 shkurt 2006 - "Eshtë fatale dhe e dëmshme për interesat shtetërore të Serbisë të krijohet atmosfera se si Kosova është humbur, dhe vetvetiu imponohet si temë e vetme të cilën do ta pagëzojmë me emrin grabitje të pjesës ë territorit të vendit tonë", është shprehur Sëgjan Gjuriq, shef i Zyrës për media të Qeverisë serbe.

Sipas tij, Qeveria e Serbisë, në prag të fillimit të negociatave, bën të ditur se Kosova është, ka qenë dhe do të jetë Serbi. "Qeveria do të bejë çmos që është në mundësinë e saj të sigurojë qëndrim unik në Serbi në mënyrë që ta ruajmë Kosovën sikurse që nuk do të marrë pjesë në asnjë mënyrë në atmosferën e defetizmit se Kosova është humbur, që ditët e fundit mund të dëgjohet nga individ që po paraqiten në opinion", ka thënë Gjuriq, i cili nuk ka pohuar as mohuar se kryeministri serb Koshtunica ka rënë dakord me liderin e radikalëve serbë Tomisllav Nikoliq që në rast se Kosova shpallet e pavarur, ky territor të konsiderohet i okupuar. Gjuriq ka shtuar se Serbia hedh poshtë çdo mundësi të imponimit të zgjidhjes për Kosovën.

 

 

Pavarësinë e Kosovës nuk mund ta pengojmë, por nuk mund të pajtohemi me këtë, ka thënë radikali Nikoliq

 

Beograd, 13 shkurt 2006 - Zv/kryetari i Partisë Radikale Serbe Tomisllav Nikoliq ka thanë dje se ka rënë dakord me kryeministrin Vojisllav Koshtunica se shpallja e pavarësisë së Kosovës nënkupton okupimin, duke shtuar se kryeministri nuk po deklarohet publikisht rreth kësaj çështje "për shkak të anëtarëve të qeverisë së tij të cilët janë tradhtarë".

Si duket Nikoliq i ka zbutur pak fjalët. Ndryshe nga deklarata e tij e parë kur thotë se "Kosovën do ta mbrojmë me të gjitha mjetet", tani thotë se "askënd nuk po e thërras në luftë".
"Nëse bashkësia ndërkombëtare do të thoshte se shqiptarët mund ta shpallin pavarësinë e Kosovës, ne këtë nuk mund ta pengojmë, por nuk mund të pajtohemi me këtë", ka thënë Nikoliq.

Ai ka theksuar se shpallja e okupimit nuk do të nënkuptonte luftë në Kosovë veçse shteti me rrugë diplomatike duhet të luftojë kundër kësaj. "Nuk mund të luftoni nëse okupatorit i nidihmon NATO, domethënë jo ushtria, por diplomacia, refuzimi i bashkëpunimit por edhe lidhja me miq të fortë të cilët nuk e pranojnë këtë", ka thënë Nikoliq.

Nikoliq thotë se Kisha Ortodokse Serbe e para ka marrë qëndrimin se shpallja e pavarësisë së Kosovës nënkupton okupim. "Pse nuk nuk e sulmojnë hirësinë e tij patrikun Pavle", pyet ai.

 

 

Hiqet taksa e automjeteve me targë të Kosovës për ditët e qëndrimit në Shqipëri

 

Tiranë, 13 shkurt 2006 - Që nga data 10 shkurt makinat me targa të Kosovës nuk do të paguajnë më taksën e qëndrimit në Shqipëri. Drejtori i Përgjithshëm i Doganave, Përparim Dervishi, ka dërguar në të gjitha vendkalimet kufitare të Shqipërisë me Kosovën udhëzimin në bazë të të cilit urdhërohet që nga data 10 shkurt e këtij viti, të gjitha automjeteve me targë KS me pronar shtetas nga Kosova nuk do t'u merret taksa për ditë qëndrimi në Shqipëri me rastin e daljes nga territori i Shqipërisë.

Udhëzimi i Drejtorisë së Përgjithshme të Doganave ka gjetur zbatim pas miratimit të ligjit nr. 9455 neni 2 datë 21.12.2005. Me anë të këtij ligji të miratuar nga Parlamenti, shtetasit nga Kosova nuk do të paguajnë taksë automjeti kur kalojnë kufirin me Shqipërinë për automjetet që janë regjistruar në Kosovë me targë 'KS'.

 

Për heqjen e kësaj takse është folur në takimin midis ministrave të Telekomunikacionit të Shqipërisë, Lulzim Basha, dhe atij të Kosovës, Qemajl Ahmeti, mbajtur në Tiranë me 25 tetor të vitit të kaluar.

Qytetarët e Shqipërisë nuk paguanin taksë kur hynin në Kosovë, ndërkaq ata nga Kosova që kanë hyrë në territorin e Shqipërisë me makina, deri më tash kanë qenë të detyruar të paguajnë një taksë të quajtur "taksë qarkullimi e automjeteve për ditë qëndrimi në Shqipëri".

 

 

Përfaqësues politikë, të organizatave dhe shoqatave përgëzojnë Presidentin e ri të Kosovës

 

Prishtinë/: - PSHDK ja, duke qenë aleate e përhershme dhe e natyrshme e LDK së përkrah dhe përshëndet zgjedhjen e prof.Fatmir Sejdiut për president të Kosovës dhe shpreson se ai do të ndjekë rrugën kombëtare të dr.Ibrahim Rugovës për krijimin e shtetit të pavarur të Kosovës, thuhet në urimin e akad.Mark Krasniqi, kryetar i PSHDK së.

Preshevë: "Puna Juaj e deritanishme, e përbashkët me udhëheqësin tonë historik Dr. Ibrahim Rugovën është garancë e fortë se me konsekuencë do të vazhdojë realizimi i projektit të pavarsisë së Kosovës.

Nga zemra Ju uroj mbarësi dhe sukses të plotë në punën Tuaj me rëndësi të posaçme në udhëheqjen e institucionit më të lartë të Kosovës demokratike dhe në realizimin e objektivave legjitime të shqiptarëve në tërësi", thuhet në urimin e kryetarit të PVD së Riza Halimi.

Tetovë: "Përfaqësuesit e popullit të Kosovës me procedurë demokratike, me vullnet të lirë dhe vlerësim të qartë e mbështetën propozimin e LDK së, dhe ju zgjodhën pa u vonuar President të Kosovës", thuhet në përgëzimin e Arbër Xhaferit, kryetar i PDSH-së, drejtuar Fatmir Sejdiut, President i ri i Kosovës.

Xhaferi shpreh bindjen se zoti Sejdiu do të angazhohet për realizim të aspiratave të popullit të Kosovës për pavarësi, për krijim të marëdhënieve sa më harmonike në mes të subjekteve politike, në krijim të raporteve të besimit të ndërsjelltë në mes të qytetarëve të përkatësive të ndryshme etnike dhe religjioze në krijim të sigurisë dhe mirëqenies së qytetarëve.

 

Firencë: Përfaqësuesit e shoqatave të bashkuara shqiptare në Itali - Bashkimit të Shoqatave Shqiptare dhe Arbëreshe dhe të Lidhjes Shqiptare në Botë, në emër të mbi 500 mijë shqiptarëve dhe të mbi 200 mijë arbëreshëve në Itali, urojnë dhe përgëzojnë me gjithë zemër Presidentin e ri të Kosovës - Dr. Fatmir Sejdiun, duke i dëshiruar shëndet të plotë dhe suksese të plota në drejtimin e vendit, në këtë periudhë jetike dhe vendimtare të historisë sonë!

 

Njëherit ata shprehin fuqishëm përkrahjen e tyre të gjithanshme dhe gatishmërinë për të kontribuuar kudo e kurdo që e kërkon nevoja për Kosovën tonë dhe përgjithësisht për çështjen kombëtare, me të gjitha format dhe mjetet e mundshme!

"Vlerësojmë lart betimin dhe fjalën solemne të Presidentit të ri, para deputetëve dhe mysafirëve në Kuvendin e Kosovës, vlerësojmë me notën më të lartë urimin e parë dhe historik që i erdhi nga Familja e Nderuar dhe e dashur Rugova dhe Homazhin e Presidentit Sejdiu para varrit të Presidentit të Ndjerë Rugova!

 

Të gjitha këto i dhanë një vulë historike garancisë për vazhdimin e paluhatshëm të punës deri në realizimin e Amanetit të ish Presidentit Rugova, për përmbushjen e aspiratave tona kombëtare, të drejta dhe të natyrshme", theksojnë përfaqësuesit e shoqatave të bashkuara shqiptare në Itali: për Bashkimin e Shoqatave Shqiptare dhe Arbëreshe në Itali Engjëll Koliqi, për Lidhjen Shqiptare në Botë - Kuvendi i Italisë, Xhafer Berisha.

Bruksel: "Juve dr.Fatmir Sejdiu keni patur fatin që të zgjidheni kryetar i Kosoves, për të jetësuar amanetin e Presidentit Rugova, për Kosovën shtet të pavarur dhe sovran. Në emër të anëtarëve dhe simpatizantëve të LDK-së, Dega për Beneluks, si dhe të të gjithë mërgimtarëve shqiptarë në Belgjikë Holande dhe Luksemburg, Ju urojmë zgjedhjen në postin e Kryetarit të Kosovës dhe Ju dëshirojme shëndet dhe suksese në udhëheqjen e vendit tonë në këtë periudhe historike", shkruan kryetari i degës së LDK-së për Beneluks Gani Azemi.

Oslo: "Në emër të kryesisë, anëtarësisë dhe bashkatdhetarëve me banim në Norvegji, përshëndesim zgjedhjen tuaj për President të Kosovës, njëherit ju urojmë suksese në punën tuaj kombëtare dhe shtetërore në rrugën tashmë të trasuar nga Presidenti i Kosovës, tashmë i ndjerë Ibrahim Rugova", thuhe në urimin e Degës së LDK së në Norvegji, e cila po ashtu falenderon bashkatdhetarët për urimet e shumta që kanë dërguar në adresë të degës me rastin e zgjedhjes së Presidentit të Kosovës.

Prizren: "Me mbështetje të plotë pritëm zgjedhjen Tuaj Kryetar të Kosoves, duke shprehur urimet më të sinqerta për Ju dhe Lidhjen Demokratike të Kosovës.

Në personalitetin tuaj ne shohim garancen e vazhdimit të ndërtimit tëe shtetit demokratik e të lirë të Kosoves dhe njohjen e pavarësisë sëe saj.

Përgëzojme gjithashtu, Kryesine e LDK se, e cila manifestoi seriozitet dhe përgjegjësi të plotë karshi anëtaresisë së LDK se, popullit dhe vetë proceseve ne te cilat po kalon Kosova", theksn në mesazhin e saj dega e LDK së në Prizren.

 

 

Jehona e zgjedhjes së Fatmir Sejdiut President i Kosovës në Amerikë

 

Nju Jork, 13 shkurt 2006 - Zgjedhja e Dr. Fatmir Sejdiut, President i Kosovës, në Komunitetin shqiptaro amerikan dhe ndër miqtë amerikanë u mirëprit me optimizëm të madh.

Të gjitha organizatat dhe shoqatat e këtushme e mirëpritën dhe filluan të dërgojnë telegrame urimi institucioneve të Kosovës dhe Kryetarit të sapozgjedhur Dr. Fatmir Sejdiut.

Miku shumëvjeçar i Presidentit Rugova, senatori Bob Dol dhe Përfaqësuesi i Presidentit Rugova për Amerikë Elmi Berisha thanë se janë shumë të kënaqur me zgjedhjen e Dr. Fatmir Sejdiut Kryetar i Kosovës.

 

"Zgjedhjen e Dr. Sejdiut Kryetar të Kosovës e vlerësojnë lartë dhe e cilësojnë si më të mirën të mundshmen, i cili si bashkëpuntor i ngushtë i Presidentit Rugova shquhet me një karakter, dinjitet dhe intelekt të fortë dhe i tëri është i dedikuar ndaj kauzës kombëtare si dhe ka vision të njejtë me vizionin e Presidentit Rugova.

 

S'do mend se Dr. Sejdiu do të vazhdoj kursin e njejtë me atë të Gandit të Kosovës, Martin Luter Kingut të Kosovës, të Abraham Linkolnit të Kosovës, Presidentit të ndjerë Ibrahim Rugova".

"Më gëzon fakti që Parlamenti i Kosovës e zgjodhi Presidentin e Ri të Kosovës", thotë në prononcimin e tij miku i madh i shqiptarëve, kongresisti Eliot Engel dhe vazhdon: "Presidentin e sapozgjedhur Fatmir Sejdiun e njoh për shumë vite dhe jam i bindur se do të kemi një bashkëpunim të mirë në realizimin dhe promovimin e Pavarësisë së Kosovës.

 

Presidentit të ri Dr. Fatmir Sejdiut i uroj fat dhe punë të mbarë dhe i këshillojë të gjithë kosovarët që ta përkrahin dhe të rreshtohen prapa vizionit që ai ka e ai është vizioni i Presidentit Rugova për një Kosovë Sovrane, të Pavarur, Demokratike dhe të lirë për të gjithë popujt e saj për një Kosovë multietnike".

Edhe Kongresistja republikane nga Nju Jorku, përkrahësja e madhe e Lirisë, Demokracisë dhe Pavarësisë së Kosovës dhe mike e Presidentit Rugova, Sju Kelli, që njëherit kryeson së bashku me kogresistin demokrat nga Nju Jorku Eliot Engel, Komitetin për Shqiptarë pranë Kongresit të SHBA ve, përgëzon Kosovën dhe Institucionet e Kosovës për këtë hap shumë të rëndësishëm, zgjedhjen e Presidentit të të ri të Kosovës i cili medoemos se do të vazhdoj rrugën e tashmë Presidentit të ndjerë, Ibrahim Rugova, i cili ishte një shembull impozant i dinjitetit për kolegët e tij duke pasqyruar një besnikëri dhe lojalitet shembullor ndaj popullit të vet dhe kauzës së drejtë Kosovës së Pavarur dhe Sovrane për të cilën luftoi dhe punoi tërë jetën e Tij.

Unë shpresoj dhe jam e bindur se Presidenti i Ri i Kosovës si dhe bashkëkombasët dhe admiruesit e shumtë të Presidentit Rugova rreth e rreth botës do të vazhdojnë vizionin e Presidentit Rugova dhe do ta finalizojnë njohjen e Kosovës së Pavarur dhe Sovrane".

Ambasadori William Walker tha: "Lajmi për zgjedhjen e Dr. Fatmir Sejdiut, Kryetar i Kosovës më gëzoi shumë dhe është shumë i mirpritur për mua. Dr. Sejdiu po e merr këtë detyrë në një kohë shumë të rëndësishme për Kosovën dhe rajonin.

 

Jam i besueshëm se Presidenti I sapozgjedhur Dr. Fatmir Sejdiu më përkrahjen e të gjithëveqë dëshirojnë një ardhmëri të sigurtë dhe prosperitet për Kosovën e tyre të dashur, do të punojë më tërë qënjen, talentin dhe enërgjinë e vet në realizimin e vizionit të Presidentit të ndjerë Dr. Ibrahim Rugova Kosovën e Pavarur dhe Sovrane. I uroj shumë sukses dhe punë të mbarë".

Kryetari i shoqatës më të vjetër shqiptare në Amerikë Federatës Panshqiptare "Vatra", Agim Karagjozi në prononcimin e tij tha se uron Kosovën për zgjedhjen e Kryetarit të Ri z. Fatmir Sejdiu, për të cilin tha se jam a i bindur se do ta kryej punën me nderë, dinjitet dhe pjekuri duke ndjekur rrugën e kryetarit të ndjerë të madhit Dr. Ibrahim Rugova.

Urimet e mia më të përzemerta Dr. Fatmir Sejdiut për zgjedhjen e tij në detyrën e Presidentit te Kosoves, në këtë kohë shumëtë rëndësishmeper Kosovën, uron drejtori ekzekutiv i KKSHA së Fran Shkreli dhe vazhdon: "Zoti Sejdiu zë vendin e një ikone kombëtare, vendin e të ndjerit President Rugova.

 

Urimet e mia edhe Asamblesë së Kosovës dhe të gjitha forcave politike te vendit, që si gjithmonë edhe sot ditën te bashkohen e të zgedhin presidentin e ri me consensus. Kjo tregon pjekuri politike si dhe gatishmerinë e ketij vendi për të vendos vet për fatin e vet. Presidenti Sejdiu është angazhuar për të vazhduar vijen politike të Presidentit Rugova, për t'a çuar Kosoven sa më parë drejtë pavaresise dhe sovranitetit, ashtu siç e kërkon vullneti i popullit. Me shumë se kurrë pra, tani është momenti që të gjitha forcat demokratike të punojnë e veprojnë se bashku drejt qellimit madhor të përbashkët per te bere Kosoven e pavarur e demokratike ku çdo e drejtë e çdo qytetari do te respektohet dhe do te mbrohet".

Për zgjedhjen e Presidentit të Ri të Kosovës kryetari i LDK së për Amerikë Agim Rexhaj, tha se beson se Fatmir Sejdiu është personi i qëlluar për këtë post.

"Jam i bindur se Kryetari i sapozgjedhur Dr. Sejdiu do ta kryejë këtë detyrë me nder dhe dinjitet si dhe do ta vazhdojë rrugën e trasuar nga Presidenti Rugova për një Kosovë sovrane, të pavarur e demokratike, një Kosovë të integruar në NATO, në BE dhe në miqësi të përhershme me SHBA të. Uroj Institucionet e Kosovës për punën e tyre të mbarë dhe apeloj tek ta dhe tek populli që ta thellojnë bashkëpunimin dhe ta ruajnë unitetin në këtë kohë shumë të rëndësishme për Kosovën", thotë Rexhaj.

Në emër të Komunitetit Shqiptaro Amerikan në shtetin Ilinois me në Çikago, Ilaz Kadriu shkruan se me gëzim është pritur lajmin për zgjedhjen Fatmir Sejdiut President i dytë i Kosovës.
"LDK ja bëri propozimin me konstruktiv, kurse anetaret e Parlamentit te Kosoves treguan pjekuri dhe maturi politike duke ju zgjedhur Juve.

Para Jush dhe para institucioneve të Kosovës gjendet sfida më e madhe historike pavarësia e Kosovës - të cilen së bashku duhet ta realizoni. Rekomandimi i anëetarësise dhe simpatizanteve nga ky komunitet eshte bashkepunimi Juaj me institucionet e Kosoves dhe me partitë politike dhe atyre te opozites me qellim te ralizimit te Pavaresise, shtetesise, demokracise dhe prosperitetit ekonomiko social te Kosoves", tuhet në mesazhin e Komunitetit Shqiptaro Amerikan në Çikago.

 

 

Rusia do ta respektojë vullnetin e popullit shumicë të Kosovë për statusin, thotë shefi i Zyrës ruse në Prishtinë

 

Prishtinë, 13 shkurt 2006 - Rusia do ta respektojë vullnetin e popullit shumicë të Kosovë për statusin, por kërkon të respektohen edhe të drejtat e minoriteteve, para së gjithash të atij serb. Kështu është shprehur shefi i Zyrës ruse në Prishtinë Sergej Bazdnikin.

Ai ka thënë për radion gjermane "Dojçe vele" se qëndrimi i Rusisë lidhur me statusin e Kosovës është jashtëzakonisht i qartë dhe preciz.

"Ne mbështesim dhe pajtohemi me rekomandimet që përmbajnë dokumentet e Grupit të Kontaktit. Këtu mendoj në të ashtuquajturat parime bazë, të cilat janë aprovuar në nëntor të vitit të kaluar, por natyrisht edhe në deklaratën e Grupit të Kontaktit, të bërë në Londër javën e kaluar. Aty shkruan bukur dhe qartë, se procesi për statusin e Kosovës duhet të zhvillohet dhe ne natyrisht se e mbështesim këtë proces".

Do të ishte e dëshirueshme që ky proces të përfundojë deri në fund të këtij viti, thotë Bazdnikin, por megjithatë sipas tij, Moska e konsideron me shumë rëndësi që gjatë procesit të arrihet një zgjidhje kualitative, të cilat do të ishin të pranueshme për të dyja palët negociatore, tha diplomati rus.

Duke komentuar deklaratën e Grupit të Kontaktit, në të cilën thuhet se gjatë procesit për zgjidhjen e statusit përfundimtar duhet marrë në konsideratë vullnetin e popullit shumicë të Kosovës, Bazdnikin tha se sa i përket dëshirës së popullit shumicë të Kosovës, Rusia konsideron se do të respektohet ky qëndrim i Grupit të Kontaktit, por duhet të respektohen edhe të drejtat e bashkësive minoritare në Kosovë.

Në një pyetje hipotetike nëse Perëndimi e njeh pavarësinë e Kosovës, a mund të ndodhë që Rusia të përdorë të drejtën e vetos në Këshillin e Sigurimit kundër këtij vendimi, Bazdnikin nuk deshi të përgjigjet, por tha se "në Grupin e Kontaktit punojmë të gjithë së bashku dhe nuk ka ndarje të tillë të themi midis perëndimit në njërën anë dhe Rusisë në anën tjetër".

"Ne besojmë se lidhur me statusin final të Kosovës do të vendosin palët që do të negociojnë për këtë çështje". Ai shtoi se ka edhe shumë punë për t'u bërë derisa në Këshillin e Sigurimit të shqyrtohet statusi përfundimtar.

Diplomat rus theksoi se "paralelisht me zhvillimin e proceseve për statusin janë edhe obligimet për plotësimin e standardeve, të cilat përfshijnë shumë fusha të jetës dhe natyrisht për plotësimin e tyre duhet të punojnë edhe Qeveria e Kosovës edhe të gjitha palët tjera".

 

 

Sllovakia do të hapë një mision diplomatik në Kosovë

 

Bratisllavë, 13 shkurt 2006 - Sllovakia thotë se do të hapë misione të reja dipolomatike në botë pas anëtarësimit të vendit në Bashkimin Evropian dhe në Këshillin e Sigurimit të OKB së. Ministrria e Jashtme në Bratisllavë tha se ndër misionet e reja diplomatike do të jetë edhe Zyra e Sllovakisë në Prishtinë.

 

 

Një grup i shqiptarëve që jetojnë në Findlandë ka filluar lobimin për realizimin e pavarësisë së Kosovës

 

Finlandë, 13 shkurt 2006 - Një grup i shqiptarëve që jetojnë në Findlandë prej nga vjen ish presidenti dhe Kryenegociatori për statusin e Kosovës Marti Ahtisari, ka filluar lobimin në përkrahje të realizimit të pavarësisë së Kosovës. Sipas lobistëve shqiptarë, opinioni finlandez është i njohur problemin politik të Kosovës, ndërkaq lobistët do të mundohen të krijojnë opinione se Kosova duhet të jetë shtet sovran dhe i pavarur.

 

 

"Rilindja" i bënë thirrje autoriteteve për kompensimin e dëmeve që janë shkaktuar

 

Prishtinë, 13 shkurt 2006 - Gazeta tradicionale kosovare "Rilindja" në 61 vjetorin e themelimit i bënë thirrje të hapur autoriteteve për të drejtën legjitime të kompensimit të dëmeve që janë shkaktuar për dëbimin e padrejtë nga ndërtesa e saj. Sipas kryeredaktorit Behlul Jashari, "Rilindjes" vazhdojnë t'i shkilen rëndë të drejtat legjitime për mbrojtjen e të cilave kjo gazetë ka ngritur edhe tri padi në gjyq.

 

 

Vetëm një e treta e rrugëve të Prishtinës me mirëmbajtje dimërore

 

Prishtinë, 13 shkurt 2006 - Për shkak të buxhetit të limituar Kuvendi i Komunës së Prishtinës nuk ka mundësi që të bëjë finacimin e mirëmbajtjes të gjitha rrugëve në Prishtinë në kushte dimri. Kryeqendra e Kosovës ka mbi 450 rrugë, ndërsa mirëmbajtja dimërore bëhet vetëm në një të tretën e tyre, në ato më frekuentuese. Kështu ka bërë të ditur Kuvendi komunal i Prishtinës.

 

 

Ivanoviq e ka quajtur deklaratën e Nikoliqit për riokupimin e Kosovës si patriotizëm të tepruar

 

Prishtinë, 13 shkurt 2006 - Përfaqësuesit e serbëve të Kosovës nuk janë unikë ndaj deklaratës së kreut të Partisë Radikale Serbe, Tomisllav Nikoliqit lidhur me pavarësin eventuale të Kosovës. Bartësi i Listës serbe për Kosovën Oliver Ivanoviq e ka quajtur deklaratën e Nikoliqit si patriotizëm të tepruar. Ndërkaq, kryetari i të ashtuquajturit "Këshilli kombëtar serb", Jovanoviq përshëndeti deklaratën e zëvendëskryetarit të Partisë Radikale Serbe, i cili ditë më parë pati deklaruar se çdo pavarësi e Kosovës do të thotë shtyrje e Serbisë për riokupimin e saj.

 

 

Referendumi për pavarësinë e Malit të Zi është e pamundur të mos jetë i suksesshëm, thotë Vllahoviq

 

Vjenë, 13 shkurt 2006 - Ministri i Jashtëm malazez Miodrag Vllahoviq ka thënë se referendumi për pavarësinë e Malit të Zi do të mbahet më 30 prill. Ai theksoi se data duhet formalisht të përcaktohet nga Parlamenti i këtij vendi, por shtoi se referendumi do të mbahet javën e fundit të prilli.

??shtë pothuaj e pamundur të mendohet se referendumi nuk do të jetë i suksseshëm, ndërsa Bashkimi Evropian duhet të përgatitet që të përballet me një situatë të re?, ka thënë Vllahoviq në një konferencë të organizuar nga Instituti Ndërkombëtar për Paqe me selin në Vjenë.

Ndërkohë në Podgoricë presidenti malazez Filip Vujanoviq ka deklaruar se edhe pjesëmarrja prej të paktën 41 për qind e personave me të drejtë vote do të duhej të ishte e mjaftueshme që referendumi të jetë i vlefshëm. Vujanoviq ka thënë se ky kufi do t[i motivonte të dyja palët për dalje më masive në referendum.

 

 

Ushtria nuk do të ndërhyjë në procesin e referendumit në Mal të Zi

 

Beograd, 13 shkurt 2006 - Ushtria nuk do të ndërhyjë në procesin e referendumit në Mal të Zi, ka deklaruar ministri serbo malazez i Mbrojtjes Zoran Stankoviq. Ai ka theksuar se nëse Mali i Zi bëhet i pavarur, asgjë e keqe nuk do të ndodhë. "Mali i Zi duhet të vendosë se çfarëdo të bëhet me atë pjesë të ushtrisë që është në terrritorin e saj", ka thënë Stankoviq për të theksuar se ushtria do ta respektojë vullnetin e qytetarëve të Malit të Zi.

 

 

Gjatë një proteste në Pakistan vritet një mjek

 

Lahore, Pakistan, 13 shkurt 2006 – Një mjek pakistanez, një herë i burgosur nën dyshimin për lidhje me Al Kaidën, është vrarë në një protestë të qindra islamistëve, që shpërtheu sot (e hënë) kundër mungesës së sigurisë, ka bërë të ditur policia, njofton Rojter.

 

Mjeku Ahmed Javed Havaja po shkonte në klinikën e tij në qytetin Lahore, kur u qëllua në shpinë nga një person i armatosur me motoçikletë. Havaja ishte arrestuar më 2002 nën dyshimin për lidhje me Al Kaidën, por në mungesë të provave u lirua në qershor 2003.

 

 

Në Spanjë mbahet një konferencë ndërkombëtare të viktimave të terrorizmit

 

Madrid, 13 shkurt 2006 - Delegatët e qindra të mbijetuarve nga sulmet terroriste në mbarë botën janë tubuar sot (e hënë) në një konferencë ndërkombëtare të viktimave të terrorizmit në Spanjë, njofton BBCWorld.

 

Në këtë konferencë marrin pjesë të mbijetuarit në rrethimin e shkollës në Beslan, në bombëvëniet në trenat e Londrës dhe të Madridit dhe të sulmeve të 11 shtatorit në SHBA. Në këtë tubim, ata do të shkëmbejnë mendimet dhe përvojat e tyre dhe do të marrin udhëzime psikologjike.

 

 

Në një sulm vetëvrasës me bombë në Bagdad janë vrarë 7 persona

 

Bagdad, 13 shkurt 2006 – Shtatë persona janë vrarë dhe 47 të tjerë janë plagosur kur një sulmues vetëvrasës me bombë ka kryer sot (e hënë) shpërthimin e brezit me lëndë shpërthyese afër një banke, kanë bërë të ditur burimet policore, njofton Rojter.

 

Shpërthimi ndodhi në distriktin lindor të kryeqytetit Bagdad, ku irakianët e varfër ishin në radhë për të marrë kompensimet për racionet e ushqimit, të cilat qeveria nuk ua kishte dhënë nga viti i kaluar. Trupat e përgjakur të viktimave janë shpërndarë nëpër rrugët e qytetit.

 

 

Ish-udhëheqësi i zyrës dhe ish-shefi i zbulimit të Sadam Hyseinit pritet të dëshmojnë sot në gjykim

 

Bagdad, 13 shkurt 2006 – Ish-udhëheqësi i zyrës dhe ish-zyrtari i zbulimit të Sadam Hyseinit pritet të dëshmojnë në gjykimin e liderit të përmbysur irakian, kanë bërë të ditur burimet gjyqësore, njofton Rojter. Ahmed Kudajir, që ushëhiqte zyrën e Sadamit dhe Hasan al-Obeidi, ish-shef i shërbimit të zbulimit të jashtëm do të dëshmojnë në gjykimin, që vazhdon sot (e hënë).

 

 

Nënpresidenti Dik Çejni plagos aksidentalisht kolegun e tij me saçme të pushkës së gjahut

 

Uashington, 13 shkurt 2006 – Nënpresidenti Dik Çejni ka plagosur aksidentalisht kolegun e tij me saçme të pushkës së gjahut gjatë gjuetisë së thëllëzave të fundjavës në Teksas, ka bërë të ditur zyra e tij, njofton Rojter. Kolegu i Çejnit, avokati Hari Uiotington (Harry Whittington), 78-vjeçar, tash është në gjendje stabile në një spital të Teksasit, ku ishte sjellë aty të shtunën.

 

 

Mbreti i Nepalit Gjenedra duhet të shkojë menjëherë në ekzil ose do të ekzekutohet

 

Nju Delhi, 13 shkurt 2006 – Mbreti i Nepalit Gjenedra duhet të shkojë menjëherë në ekzil ose do të ekzekutohet pasi ai ka mbyllur derën për çfarëdo kompromisi politik, që kur e ka marrë pushtetin absolut një vit më parë, ka thënë sot (e hënë) lideri i kryengritësve maoistë, njofton Rojter.

 

Maoistët po luftojnë që nga vitit 1996 për përmbysjen e të vetmes monarki indiane në botë dhe të instalojnë regjimin komunist me revolucion, i cili deri tash ka marrë jetën e 13 mijë njerëzve.

 

 

Ibrahim al-Xhafari emërohet kryeministër i ri i Irakut

 

Bagdad, 13 shkurt 2006 - Në Irak, aleanca shiite në fuqi zgjodhi kryeministrin e tanishëm Ibrahim al-Jaafari për të drejtuar qeverinë e re.

Ai mori 64 vota në grupin e deputetëve shiitë duke mundur rivalin e tij, nënpresidentin Abel Abdul-Mahdi me vetëm një votë më tepër. Aleanca shiite fitoi shumicën në zgjedhjet parlamentare të dhjetorit.

Emërimi i kryeministrit është një hap me rëndësi në procesin e formimin e një qeverie të re irakiane, qeveria e parë me mandat katërvjeçar në periudhën e pas Sadam Huseinit.

 

 

Stuhi të fuqishme dëbore në SHBA

 

Uashington, 13 shkurt 2006 - Stuhi të fuqishme dëbore kanë goditur Shtetet e Bashkuara lindore duke lënë mijëra vetë të bllokuar dhe pa energji elektrike.

Mijëra fluturime me avion janë anuluar ndërsa aeroportet janë mbyllur, përfshirë edhe aeroportin J F Kenedi në Njujork.

Shërbimet Kombëtare Meterolgjike të Amerikës thonë se në Njujork ka rënë afër shtatëdhjetë centimetra dëbore - lartësia me e madhe e dëbores që nga vitit 1869.

Situatën e kanë vështirësuar erërat e fuqishme me shpejtësi deri 96 kilometra në orë.

Shumë rrugë janë bërë të pakalueshme ndërkohë që mijëra fluturime të bredshme dhe të jashtme janë anuluar.

Shumë fluturime tejoqeanike që kanë patur Njujorkun si destinacion janë dërguar në aeroporte të Kanadasë.

 

 

Raporti rreth Katrinës fajëson Shtëpinë e Bardhë

 

Uashington, 13 shkurt 2006 - Fragmente nga një hetim i kongresit amerikan rreth shkatërrimeve të shkaktuara nga uragani Katrina që ka rrjedhur në disa media thotë se ka patur dështime të mëdha sa i përket reagimit në të gjitha nivelet që nga presidenti e poshtë.

Një komision i kongresit amerikan i dominuar nga anëtarë të partisë republikane të Presidentit Bush ka nxjerrë një raport 600 faqesh si kundërpërgjigjje zyrtare për uraganin Katrina.

Komisioni dënon të gjitha nivelet e qeverisjes që nuk arritën të përballen siç duhet me sfidat e uraganit Katrina.

Raporti gjithashtu sugjeron se vendimet e vonuara rreth evakuimit të zyrtarëve lokalë kanë çuar në vdekje të shumta dhe zgjatje të vujatjve për shumë vetë.