Telegrame urimi drejtuar Presidentit të Kosovës, Fatmir Sejdiut

11 shkurt 2006 /TN

Telegram Urimi

Presidentit të Kosovës
Dr. Fatmir Sejdiut

Me kënaqësi të veçantë dhe mbështetje të plotë prita vendimin e deputetëve të Parlamentit të Kosovës për ta konfirmuar zgjedhjen tuaj për president të Kosovës dhe kështu të ruhet uniteti dhe të punohet në drejtim të vullnetit të popullit për një Kosovë të lirë demokratike dhe të pavarur, duke u zotuar që Kosovën ta bëj shtet në përmasa të tilla duke i ruajtur standardet e parimeve demokratike për zënien e vendit në familjen e kombeve të lira dhe demokratike.

Uroj për shëndet të plotë me dëshirë për vazhdimin e trashëgimisë në rrugën që na trasoj vizionari dhe arkitekti i pavarësisë së Kosovës Dr. Ibrahim Rugova.

Majori: Nazif RAMABAJA


Telegram urimi

Ne emër te Bashkësisë Shqiptare ne Slloveni dhe ne emrin tim personal, urojë zotit dr. Fatmir Sjediut postin e presidentit të Kosovës.

Lubjanë (Slloveni), 10 shkurt 2006
Kryetari
Qazim Xani


Telegram urimi Urime e përgëzime

I dashur President i Ri i Kosovës – Dr Fatmir Sejdiu
E dashur, e nderuar dhe gjithmonë e respektuar Familja Rugova
I dashur Kryeministër i Kosovës
I dashur Kryetar i Kuvendit të Kosovës
Të dashur deputetë të Kuvendit të Kosovës
Të dashur shqiptarë, kudo që jeni

Mbas zisë kombëtare dhe dhembjes së madhe, sot më 10 shkurt të gjithë ne fara arbërore përjetuam një ditë gëzimi, sepse Kosova fitoi edhe një President të denjë, çfarë i nevojitet në këtë periudhë vendimtare historike, fitoi njeriun, i cili – siç paralajmëroi në fjalën përshëndetëse – do të çojë në vend denjësisht amanetin e Presidentit të ndjerë historik Ibrahim Rugova, për të vulosur nga mbarë bota demokratike një Kosovë të pavarur, sovrane, demokratike dhe paqësore me vetveten dhe me të gjithë fqinjët e popujt që e çmojnë lirinë dhe barabarësinë kombëtare dhe individuale!!!

Ne përfaqësuesit e shoqatave të bashkuara shqiptare në Itali – të Bashkimit të Shoqatave Shqiptare dhe Arbëreshe dhe të Lidhjes Shqiptare në Botë, në emër të mbi 500 mijë shqiptarëve dhe të mbi 200 mijë arbëreshëve në Itali, urojmë dhe përgëzojmë me gjithë zemër Presidentin e Ri të Kosovës – Dr Fatmir Sejdiun, duke i dëshiruar shëndet të plotë dhe suksese të plota e të dëshirueshme nga mbarë shqiptarët, në drejtimin e vendit, në këtë periudhë jetike dhe vendimtare të historisë sonë!

Njëherit shprehim fuqishëm përkrahjen tonë të gjithanshme dhe gatishmërinë tonë për të kontribuuar kudo e kurdo që e kërkon nevoja për Kosovën tonë dhe përgjithësisht për çështjen kombëtare, me të gjitha format dhe mjetet e mundshme!

Vlerësojmë lartë Betimin dhe Fjalën Solemne të Presidentit të Ri, para deputetëve dhe mysafirëve në Kuvendin e Kosovës, vlerësojmë me notën më të lartë urimin e parë dhe historik që i erdhi nga Familja e Nderuar dhe e Dashur Rugova dhe Homazhin e Presidentit Sejdiu para varrit të Presidentit të Ndjerë Rugova.

Të gjitha këto i dhanë një vulë historike garancisë për vazhdimin e paluhatshëm të punës deri në realizimin e Amanetit të ish Presidentit Rugova, për përmbushjen e aspiratave tona kombëtare, të drejta dhe të natyrshme!

Zoti e Bekoftë Familjen Rugova!
Zoti e bekoftë Presidentin e Ri të Kosovës – Dr Fatmir Sejdiu-n!
Zoti e bekoftë Kosovën dhe Popullin e Saj!
Zoti e bekoftë mbarë Kombin Shqiptar!
Zoti e bekoftë mbarë Botën Demokratike!

Firencë, 10 shkurt 2006
Për Bashkimin e Shoqatave Shqiptare dhe Arbëreshe në Itali
Engjëll Koliqi – bashkëkryetar
Agron Berisha - nënkryetar
Për Lidhjen Shqiptare në Botë – Kuvendi Italisë
Xhafer Berisha – kryetar
Arsim Berisha – zëdhënës

Telegram urimi

Presidencës së Kosovës
Presidentit, dr. Fatmir Sejdiut,

Shumë i respektuari zotëri President,

Me rastin e zgjedhjes Tuaj president të Kosovës,

Ju lutem që ti pranoni urimet më të përzemërta të nxënësve, të prindërve të nxënësve dhe të mësuesit të Shkollës Shqipe të Mësimit Plotësues në qytetet Hof, Bamberg, Höchstadt, Coburg dhe Bayreuth të Bavarisë në Gjermani.

Zotëri president, nxënësit, arsimtari dhe prindërit e tyre të Shkollës Shqipe të Mësimit Plotësues të qyteteve të përmendura, janë me bindje të thellë që urimet e përhershme të Presidentit të parë të Kosovës, dr. Ibrahim Rugova, kanë gjetur mbështetje të fuqishme te Zoti i madhëruar dhe fryma e dashurisë, e gëzimit, e paqes, durimit, mirëdashjes, mirësisë, besimit dhe zemërbutësisë kanë zbritur në nën qiellin e Kosovës sonë të dashur dhe do të Ju përcjellin në çdo hap Juve, president i dashur, dhe bashkëpunëtorët Tuaj që do T´ju mbështesin në përditshmërinë për realizimin e suksesshëm të detyrave sa të vështira aq edhe madhështore për sendërtimin e aspiratave për shtetin e Kosovës dhe anëtarësimin e saj në familjen e madhe evropiane dhe Aleancën Veri-atlantike.

Ne jemi me Ju zotëri president!

Zoti Ju bekoftë Juve dhe Kosovën!

Nxënësit, prindërit e tyre dhe arsimtari i Shkollës Shqipe në Bavarinë Veriore të Gjermanisë. Bayreuth,10 shkurt 2006
Hamza Halabaku,


Telegram urimi


Prishtinë, 11 shkurt 2006 – Kryesia e Forumit të Rinisë të Lidhjes Demokratike të Kosovës përgëzon Prof.dr.Fatmir Sejdiun ne rastin e zgjedhjes së tij Kryetar i Kosovës.

Kryetari Sejdiu do ta ketë mbështetjen e fuqishme të organizatës më të madhe politike rinore në vend në realizimin e detyrave të tija dhe në radhë të parë në finalizimin e procesit të Pavarësisë së Kosovës.

Kryesia e FR të LDK-së


Telegram urimi

I nderuari prof. dr. Fatmir Sejdiu,

në emër të kryesisë, anëtarësisë dhe bashkatdhetarëve me banim në Norvegji, përshëndesim zgjedhjen tuaj për President të Kosovës, njëherit urojmë suksese në punën tuaj kombëtare dhe shtetërore në rrugën tashmë të trasuar nga Presidenti i shenjtë i Kosovës, tashmë i ndjerë dr. Ibrahim Rugova."

Dega e LDK-së po ashtu falënderon bashkatdhetarët për urimet e shumta që janë dërgu në adresë të degës me rastin e zgjedhjes së Presidentit të Kosovës.

Dega e LDK-së në Norvegji 11.02.2006
Kryetari, Daut Haxhaj