|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Lajmet e ditës

10 shkurt 2006 /TN /QIK

• Kuvendi i Kosovë sot në një mbledhje solemne pritet ta zgjedhë presidentin e ri
• Shtajnmajer e ka cilësuar ambicioz planin e Ahtisarit për të zgjidhur statusin e Kosovës
• Skefer thotë se NATO do ta mbajë praninë e KFOR it në Kosovë
• Një delegacion i komunës së Mitrovicës për vizitë zyrtare në Korçë të Shqipërisë
• Berisha e Ryker janë për eliminimin e veprimtarisë së operatorëve ilegalë
• Valoto tha se Istogu është njëra nga komunat më të qeta në Kosovë
• Ekonomia e Kosovës gjendet brenda një rreth vicioz, thotë Ryker
• Serbët e Kosovës protestuan në Beograd kundër diplomatit britanik që ka mbështetur pavarësinë e Kosovës
• U bëhet thirrje romëve që të kalojnë në banesat e propozuara nga Kombet e Bashkuara
• Kryeshef i ri në Komunën e Gjakovës u zgjodh Hajdar Grezda
• SHBA-të i kanë dhënë Shqipërisë rreth 14 milionë dollarë për ta luftuar korrupsionin
• Buçkovski kundërshton propozimin për nxjerrjen e ligjit që do të rregullonte statusin e ish pjesëtarëve të UÇK së
• Kryengritësit maoistë kanë vrarë 8 pjesëtarë të sigurimit indianë
• Bush: Bashkëpunimi ndërkombëtar, jetik për të fituar luftën kundër terrorizmit
• Klima 'më e ngrohta për mijëvjeçarin'
• Në Falluxha janë vrarë 2 marinsa amerikanë
• Nga shpërthimet e bombave janë vrarë 8 ushtarë afganë
• Myslimanët shiitë dhe sunitë kanë shkëmbyer zjarr raketor dhe armësh të vogla në qytetin Hangu

---

 
  
Kuvendi i Kosovë sot në një mbledhje solemne pritet ta zgjedhë presidentin e ri

 

Prishtinë, 1O shkurt 2006 - Kuvendi i Kosovë sot në orën 11.OO në një mbledhje solemne pritet ta zgjedhë presidentin e ri të vendit.

Kandidati i vetëm zyrtar për postin më të lartë është Fatmir Sejdiu, sekretar i përgjithshëm i LDK-së.
 
Z.Sejdiu pritet të marrë përkrahjen e shumicë së deputetëve pasi tashmë kandidatura e tij ka marrë përkrahjen e koalicionit qeverisës si dhe partisë opozitare ORA. Opozita nuk ka dalë me ndonjë kandidat të saj.

Sipas Kornizës Kushtetuese presidenti zgjidhet me një votim të fshehtë, me dy të tretat e votave apo të 81 të deputetëve. Por nëse dy raunde kandidati nuk fiton votat e shumicës, atëherë në raundin e tretë nevojiten votat e shumicës së thjeshtë që do të thotë 61 vota, nga 12O sa ka Kuvendi.

 

 

Shtajnmajer e ka cilësuar ambicioz planin e Ahtisarit për të zgjidhur statusin e Kosovës

 

Berlin, 1O shkurt 2006 - Ministri gjerman i Punëve të Jashtme, Frank Valter Shtajnmajer e ka cilësuar ambicioz planin e Ahtisarit për të zgjidhur statusin e Kosovës brenda vitit 2006

Shtajnmajer në një takim me gazetarët e huaj në Berlin është shprehur optimist se zgjidhja për statusin do të përfundojë brenda këtij viti. Ai tha se gatishmëria për mirëkuptim brenda kosovarëve është rritur.

"Në kuadër të varrimit të Presidentit Rugova, pata rastin të bisedoja me gati të gjitha grupet politike që luajnë rol në Kosovë. Në përgjithësi vura re, se gatishmëria për mirëkuptim brenda kosovarëve është rritur, ndoshta edhe për shkak të shokut që ka shkaktuar vdekja e zotit president Rugova", tha Shtajnmajer gjatë takimit tradicional me korrespondentët e mediave të huaja.

Shtajnmajer nuk hyri në hollësi për rezultatin përfundimtar të zgjidhjes së statusit.

 

 

Skefer thotë se NATO do ta mbajë praninë e KFOR it në Kosovë

 

Taormina/Itali, 10 shkurt 2006 - Sekretari i Përgjithshëm i NATO s, Jap De Hop Shefer ka thënë se Aleanca është e vendosur që ta ruajë praninë e KFOR it në Kosovë. Këtë deklaratë ai e bëri në takimin e ministrave të mbrojtjes të vendeve anëtare të NATO s, që ka filluar dje pasdite në Taormina të Sicilisë. Ministrat do të fokusohen në rritjen e rolit global të Aleancës. Shefer tha se NATO ja është e vendosur që t'i zgjerojë operacionet e veta.

Ministrat e vendeve anëtare të Aleancës Veriatlantike pritet që gjatë takimit dyditor të rikonfirmojnë se roli i misionit paqeruajtës të KFOR it është paqësor, andaj edhe duhet të ruhet kapacitetet aktuale ose racionale gjatë tërë vitit.

 

Sipas zyrtarëve të NATO s ky vendim i ministrave ka të bëjë me faktin se të gjithë e dijnë se ky vit në Kosovë është jashtëzakonisht pozitiv. Ndonëse fillimisht ishte planifikuar që takimi të trajtojë çështjet që kanë të bëjnë me operacionet paqeruajtëse të Aleancës në botë, megjithatë mbledhja ministrore do t'i kushtojë rëndësi të veçantë zhvillimeve politike në Kosovë.

 

 

Një delegacion i komunës së Mitrovicës për vizitë zyrtare në Korçë të Shqipërisë

 

Mitrovicë, 1O shkurt 2006 - Kryetari i Kuvendit të Komunës, Mursel Ibrahimi, kryeshefi i Ekzekutivit, Sadri Ferati dhe drejtori i Drejtorisë për Arsim, Murteza Berisha, kanë udhëtuar për një vizitë zyrtare në Korçë të Shqipërisë.

Vizita e kryetarit Ibrahimi dhe bashkëpunëtorëve të tij në Korçë realizohet në kuadër të bashkëpunimit të ndërsjellë të të dyja komunave dhe është bërë me ftesën e kryetarit të Bashkisë së Korçës, Robert Damo.

Në mars të vitit 2003, në Mitrovicë është nënshkruar nga kryetari i Bashkisë së Korçës, Gjergj Duro dhe kryetari i ndjerë i Kuvendit të Komunës së Mitrovicës, Faruk Spahija, një protokoll bashkëpunimi në fushën e arsimit, kulturës, artit dhe sportit që parashihte realizimin e disa binjakëzimeve midis shkollave të qytetit të Korçës dhe të Mitrovicës, realizimin e eskpozitave të pikturës dhe skulpturës të artistëve të Mitrovicës dhe të Korçës, vizitat e ndërsjella të teatrove të qytetit, ansambleve artistike, etj.

Në kuadër të bashkëpunimit midis Bashkisë së Korçës dhe komunës së Mitrovicës me protokoll është paraparë shkëmbimi reciprok i informacioneve dhe specialistëve në fushën e administrimit publik lokal, turizmit dhe komercit.

Në atë kohë u realizua një vizitë e një delegacioni prej 24 anëtarësh i Bashkisë së Korçës në Mitrovicë, me ç'rast u organizuan edhe shumë manifestime dhe takime të parpara me protokol.

 

 

Berisha e Ryker janë për eliminimin e veprimtarisë së operatorëve ilegalë

 

Prishtinë, 1O shkurt 2006 - Shefi i Autoritetit Rregullator të Telekomunikacionit, Anton Berisha dhe shefi i Shtyllës IV të UNMIK ut, Joakim Ryker, kanë zhvilluar një takim pune.

Çështjet themelore që janë diskutuar kanë qenë bashkëveprimi në eliminimin e veprimtarisë së operatorëve ilegalë, përmirësimi i efikasitetit në PTK, veprimet praktike në liberalizimin e tregut, sidomos në telefoninë mobile dhe në përgjithësi implementimi i ligjit për telekomunikacionin.

Ndonëse janë shprehur disa dallime në mënyrën e qasjes për të arritur këto objektiva ka pasur një dakordim të plotë për një bashkëpunim konstruktiv me qëllim të zhvillimit dhe rregullimit të sektorit të telekomunikacionit.

 

 

Valoto tha se Istogu është njëra nga komunat më të qeta në Kosovë

 

Istog, 10 shkurt 2006 - Komandanti i KFOR it Xhuzepe Valoto gjatë një vizite në komunën e Istogut, me kryetarin e komunës Fadil Ferati ka biseduar për gjendjen aktuale dhe bashkëpunimin e pushtetit lokal me KFOR in.

Pas takimit, komandanti i KFOR it Valoto tha se komuna e Istogut është njëra nga komunat më të qeta në Kosovë dhe kjo është arritur në saje të bashkëpunimit të mirë ndërmjet të pushtetit lokal, KFOR it, SHPK së, si dhe me poullatën e kësaj ane. Kjo komunë për këtë arsye gjithnjë do ta ketë përkrahjen e KFOR it, është shprehu Valoto.

Ndërkaq duke folur për takimin me gjeneralin Valoto, kreu i Istogut Fadil Ferati tha se komandantin e KFOR-it e ka njoftuar për gjendje aktuale në komunë për implementimin e standardeve dhe për gjendjen ekonomike të popullatës. Kryetari Ferati falënderoi me këtë rast edhe kontigjentin spanjoll të KFOR it, i cili vepron në Komunën e Istogut, duke theksuar se ushtarakët spanjoll kanë dhënë kontribut të komunale.

Z. Ferati theksoi se në komunën e Istogut, në shenjë nderimi për Presidentin e ndjerë Ibrahim Rugova do të vazhdojë zija edhe për 15 ditët e ardhshme. Në këtë mënyrë flamujt nëpër ente dhe institucione të këtushme do të valojnë në gjysmë shtize, ndërkaq KK i Istogut gjatë 15 ditëve të ardhshme të zisë nuk do të organizojë anjë manifestim kulturor dhe artistik.

 

 

Ekonomia e Kosovës gjendet brenda një rreth vicioz, thotë Ryker

 

Prishtinë, 10 shkurt  2006- Ekonomia e Kosovës pavarësisht nga disa të arritura gjendet brenda një rreth vicioz për shkak të shkallëssë lartë të papunësisë dhe tregtisë të pabalancuar me jashtë.

 

Këshut u shpreh, shefi i Shtyllës së Katërt të UNMIK ut, Joakim Ryker gjatë takimit me menaxhmentin e Odës Ekonomike të Kosovë. Sipas tij statusi përfundimtar, integrimi në ekonominë evropiane dhe zhvillimi i përparësive krahasimore të Kosovë ndikojnë që të dilet nga ky rreth.

Ryker ka thënë se duhet të punohet në drejtim të zhvillimit të sektorit të minierave dhet ë energjisë, si dhe në bujqësi. Ai ka theksuar se duhet fokusuar në investimet në infrastrukturën publike dhe në investimet private.

Një tjetër problem, që u trajtua në këtë takim ishte bllokimi i aksit rrugor që lidhë Kosovën me Maqedoninë dhe që po u shkakton shumë pobleme biznismenëve vendorë dhe importuesve të shumtë.

 

 

Serbët e Kosovës protestuan në Beograd kundër diplomatit britanik që ka mbështetur pavarësinë e Kosovës

 

Beograd, 10 shkurt  2006- Disa qindra serbë të zhvendosur nga Kosova kanë protestuar para Ambasadës britanike në Beograd për shkak të deklaratës së diplomatit britanik Xhon Sauers se Grupi i Kontaktit ka vendosur që Kosova të fitojë pavarësinë. Protestuesit serbë thanë se i ka zemëruar qëndrimi i Drejtorit Politik të Ministrisë së Jashtme të Britanisë, Xhon Sauers, i cili u kishte thënë zyrtarëve serbë se duhet ta pranojnë pavarësinë e Kosovës.

Diplomati britanik Xhon Sauers në fillim të javës e ka vizituar Prishtinën dhe Beogradin.
Një protestë e ngjashme e një grupi serb ka ndodhur edhe në pjesën veriore të Mitrovicës. Tubimi zgjati rreth 15 minuta, kurse atyre nuk u foli askush. Gjatë kohës sa zgjati protesta në rrugët e pjesës veriore të Mitrovicës ishte ndërprerë trafiku.

 

 

U bëhet thirrje romëve që të kalojnë në banesat e propozuara nga Kombet e Bashkuara

 

Prishtinë, 10 shkurt - Autoritetet ndërkombëtare në Kosovë u kanë bërë thirrje romëve që jetojnë nëpër kampe afër hapësirave të ndotura të kalojnë në banesat e propozuara nga Kombet e Bashkuara. Kjo është një kërkesë emergjente për sigurinë e shëndetit të personave të zhendosur dhe sidomos për fëmijët e tyre. Kështu thuhet në një deklaratë të përbashkët të lëshuar nga UNMIK u, Organizata Botërore e Shëndetësisë dhe UNICEF i.

 

 

Kryeshef i ri në Komunën e Gjakovës u zgjodh Hajdar Grezda

 

Gjakovë, 10 shkurt 2006 - Kryeshef i ri në Komunën e Gjakovës u zgjodh Hajdar Grezda. Kryesuesi i panelit intervistues Anton Shala bëri të ditur se paneli kishte proopozuar vetëm Hajdar Grezdën për kandidat në këtë post. Megjithatë me këtë propozim nuk ishin të kënaqur të gjithë kuvendarët të cilët kishin kërkuar që të ketë edhe kundër kandidat.

 

 

SHBA-të i kanë dhënë Shqipërisë rreth 14 milionë dollarë për ta luftuar korrupsionin

 

Tiranë, 10 shkurt 2006 - Shtetet e Bashkuara të Amerikës i kanë dhënë Shqipërisë rreth 14 milionë dollarë për ta luftuar korrupsionin. Ambasada amerikane në Tiranë njoftoi se ndihma dyvjeçare për administrimin e taksave, prokurimin publik dhe regjistrimin e bizneseve është miratuar në kuadër të sfidës së njëvjeçarit me iniciativë të Qeverisë amerikane.

 

 

Buçkovski kundërshton propozimin për nxjerrjen e ligjit që do të rregullonte statusin e ish pjesëtarëve të UÇK së

 

Shkup, 10 shkurt 2006 - Kryeministri i Maqedonisë Vllado Buçkovski është shprehur kundër propozimit të partisë shqiptare në pushtet ? Bashkimit Demokratik për Integrim për nxjerrjen e një ligji me të cilin do të zgjidhej statusi i ish ushtarëve të Ushtrisë Çlirimtare Kombëtare.

 

Ai ka shtuar se kjo çështje tash për tash nuk është në agjendën e Qeverisë maqedonase dhe nënvizoi se në takimin me Kryetarin e BDI së Ali Ahmetin nuk kanë biseduar për kthimin e katër rasteve nga Tribunali i Hagës.

Kryeministri Buçkovski ka paralajmëruar se Ligji për përdorimin e gjuhëve në Parlamentin maqedonas do të miratohet pas zgjedhjeve parlamantare në këtë vend.

 

 

Kryengritësit maoistë kanë vrarë 8 pjesëtarë të sigurimit indianë

 

Nju Delhi, 10 shkurt 2006– Kryengritësit e dyshimtë maoistë kanë vrarë tetë pjesëtarë të sigurimit indianë në një sulm në një depo qeveritare të lëndëve shpërthyese, njofton BBWorld. Kryengritësit kanë sulmuar depon gjatë natës në shtetin Çatisgar.

 

Policia ka thënë se sulmuesit e tjerë kanë ikur me një sasi të madhe mjetesh shpërthyese pas një shkëmbim zjarri me forcat e sigurimit. Gjatë luftimeve janë plagosur edhe nëntë pjesëtarë të forcave të sigurimit. Nuk dihet nëse forcat maoiste kanë pësuar viktima.

 

 

Bush: Bashkëpunimi ndërkombëtar, jetik për të fituar luftën kundër terrorizmit

 

Uashington, 10 shkurt 2006- Presidenti amerikan Xhorxh Bush tha se bashkëpunimi ndërkombëtar është jetik për të fituar luftën kundër terrorizmit. Në fjalimin e tij në Uashington, Presidenti dha hollësi rreth përpjekjeve ndërkombëtare që i prenë rrugën një komploti për të rrëmbyer një avion, i cili do të përdorej për të sulmuar Los Anxhelosin:

Ekzistencën e këtij komploti të parandaluar, Presidenti e bëri për herë të parë publik tetorin e kaluar. Këtë herë ai dha edhe hollësi, në përpjekje, siç shpjeguan zyrtarët e Shtëpisë së Bardhë, për të vënë në dukje rolin që po luan bashkëpunimi ndërkombëtar në luftën kundër terrorizmit.

 

 

Klima 'më e ngrohta për mijëvjeçarin'

 

Studime të reja mbi ngrohjen globale bëjnë të ditur se hemisfera veriore është më e ngrohtë tani sesa ka qenë në 1200 vitet e fundit.

 

Duke shkruar në gazetën "Science", (Sajens) studiuesit thanë se ndryshimi i madh nga fundi i shekullit të 20-të e më pas, ishte se rajone të ndryshme ngroheshin në të njëjtën kohë.

Shkencëtarët i morën provat e tyre nga mostra të thellësisë së akullit, fosile nga vende të ndryshme si Amerika e Veriut, Skandinavia dhe Siberia.

Obrej Mejer, drejtor i Institutit Global, një grup i pavarur që merret me mbrojtje të sistemit klimaterik global,tha se marrëveshja e Kjotos nuk ishte e mjaftueshme.

"Është e dobishme në luftën ndaj gabimit - gabimi këtu është se ndryshimi i klimës nuk është një problem i proporcioneve të mëdha. Në të vërtetetë është në proporcione të mëdha dhe ne na duhet të veprojmë urgjentisht.

 

Kështu që përgjigja ime ndaj kësaj duhet të jetë- faleminderit shumë, studimi është i dobishëm, por çështja ka të bëjë me çështje politikash. Tani është e nevojshme të krijohet një marrëveshje globale racionale, jo vetëm një marrëveshje frymëzuese, por një marrëveshje me angazhime të vërteta."

 

 

Në Falluxha janë vrarë 2 marinsa amerikanë

 

Bagdad, 10 shkurt 2006 – Dy marinsa amerikanë janë vrarë kur patrulla e tyre ka shkelur në një bombë skaj rrugës në qytetin perëndimor irakian Falluxha, ka bërë të ditur në një kumtesë ushtria amerikane, njofton Rojter. Vrasja e tyre ngre në 2.263 numrin e ushtarëve amerikanë të vrarë në Irak që nga marsi 2003, kur forcat amerikane ndërhynë në këtë vend për të përmbysur Sadam Hyseinin.

 

 

Nga shpërthimet e bombave janë vrarë 8 ushtarë afganë

 

Asadabad, Afganistan, 10 shkurt 2006 – Nga shpërthimet e bombave skaj rrugës janë vrarë sot (e premte) tetë ushtarë afganë, ka bërë të ditur guvernatori provincial dhe këto janë incidentet më të fundit të dhunës derisa anëtarët e NATO-s po përgatiten të zgjerojnë një forcë paqeruajtëse afgane, njofton Rojter.

 

Ushtarët po udhëtonin në një autokolonë ushtarake. Gjashtë ushtarë janë vrarë në një nga shpërthimet, kurse dy ushtarë të tjerë janë vrarë në një shpërthim tjetër. Shtatë ushtarë janë plagosur në dy shpërthime të veçanta në provincën Kunar, që është në kufi me Pakistanin, ka thënë guvernatori në fjalë.

 

 

Myslimanët shiitë dhe sunitë kanë shkëmbyer zjarr raketor dhe armësh të vogla në qytetin Hangu

 

Kohat, Pakistan, 10 shkurt 2006 – Myslimanët shiitë dhe sunitë kanë shkëmbyer sot (e premte) zjarr raketor dhe armësh të vogla rreth qytetit pakistanez Hangu, ku dje qenë vrarë 36 njerëz në sulmet vetëvrasëse me bombë dhe forma të tjera të dhunës në ditën festive të shenjtë të ashureve të minoritetit shiit, që përkujton martirizimin e nipit të profetit Muhamed, njofton Rojter.

 

Askush nuk e ka marrë përgjegjësinë, por për sulme sektare me dekada janë fajësuar militantët sunitë si dhe dhuna islamiste e lidhur me Al Kaidën.