|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Takim i rregullt i Kryetarit të Kuvendit Komunaltë Kamenicës, z. Shaip Surdulli, me Komandantin e Kampit Monteith në Gjilan, LTC Charles “Chuck” Aris

9 shkurt 2006 /TN / Arsim Keka

 

Në takimin e sotëm të Kryetarit të Kuvendit Komunal të Kamenicës me Komandantin e Kampit Monteith LTC Charles “Chuck” Aris, përveç problemit tashmë të njohur në këto anë e sidomos rreth brezit kufitar me Serbinë rreth futjes ilegale të kafshëve gjë që Komandanti i Kampit Monteith LTC Charles “Chuck” Aris, siguroi se edhe në bashkëpunim me SHPK-ën, janë duke punuar edhe më me përkushtim rreth parandalimit të kësaj dukurie jo të mirë.

 

Kryetari Surdulli, në fillim të këtij takimi e njoftoi Komandanti Aris rreth hapjes së disa rrugëve nga bora e cila ra këto ditë, sidomos në vendbanimet kodrinoro-malore të Komunës sonë, punë të cilën e ka bërë një firmë private nga komuna jonë, mirëpo edhe KFOR-i ka dhënë kontributin e vet, për të cilën u jemi mirënjohës, pasi që edhe në vitet e kaluara ndihma e tyre nuk ka munguar.

 

Në vazhdim, Kryetari Surdulli e njoftoi Komandantin Aris lidhur me takimit i cili ishte mbajtur të martën më 08.02.2006,  me KFOR-in Amerikan për Çështje Civile, TMK-ën dhe me përfaqësues të fshatit Topanicë, takim ky i cili kishte të bënte rreth ndërtimit të urës në këtë fshat, urë e cila është me rëndësi për të gjithë.

 

Me këtë rast, përveç kontributit të Komunës e cila nga nda 12.000 € dhe kontributit të fshatarëve nga Topanica të cilët do të marrin pjesë me mjete financiare dhe fuqi punëtore. Kryetari Surdulli, nga KFOR-i Amerikan kërkoi që edhe ata të marrin pjesë në këtë projekt. Komandanti Aris, me këtë rast siguroi se edhe KFOR-i Amerikan do të jep kontributin e vet sidomos në zgjerimin, nivelizimin e trasimin e rrugës, mirëpo do të shikohen edhe mundësi tjera që ky projekt të kryhet me sukses.

 

Lidhur me projektin e rrugës së Graxhenikut, Kryetari Surdulli tha se është hapur tenderi për zgjedhjen e një kompanie e cila do të punojë në këtë rrugë, andaj procedurat e tenderimit janë në vazhdim.

 

Edhe ndihma e KFOR-it nuk do të mungojë. Së shpejti në teren do të angazhohen disa inxhinier të KFOR-it, të cilët do të dalin në teren, dhe për së afërmi do të njoftohen dhe të shikohen mundësitë se çfarë ndihme mund të ofrojë KFOR-i rreth ndërtimit të kësaj rruge, u shpreh në fund Komandanti i Kampit Monteith, LTC Charles “Chuck” Aris.