Rashiti pezullohet dekani i Fakultetit të Edukimit, në vend të tij Vedat Kiseri

Rashiti pezullohet dekani i Fakultetit të Edukimit, në vend të tij Vedat Kiseri

Prishtinë, 9 shkurt 2006 /TN /QIK - Zyrtarët e lartë të Universitetit të Prishtinës, sot më shkurt 2006, suspenduan nga posti i dekanit të Fakultetit të Edukimit Prof. Dr. Sadik Rashitin.
Suspendimi i dekanit bëhet me qëllim të krijimit të kushteve për punë të papenguar të Komisionit për vërtetimin e të dhënave të konstatuara nga kryeinspektori i MASHT it lidhur me shkeljet në Fakultetin e Edukimit të UP së.
Gjithashtu konform nenit 71, pika 5 e Statutit të Universitetit të Prishtinës prodekanëve të Fakultetit të Edukimit iu pushon mandati me 9 shkurt 2006.
Me këtë rast zyrtarët e lartë të Universitetit të Prishtinës kanë marrë vendim për emërimin e Prof. Dr. Vedat Kiserit udhëheqës të përkohshëm të Fakultetit të Edukimit deri në marrjen e vendimit të plotfuqishëm nga ana e organit kompetent, përkatësisht deri në organizimin e zgjedhjeve në këtë Fakultet.
Prof. Dr. Vedat Kiseri, mësimdhënës në Fakultetin e Filologjisë dhe në Fakultetin e Edukimit, do të propozojë bashkëpunëtorët e vet në afatin sa me të shkurtër.