Poduujevë: Kryesia e Degës së LDK-së mbështetë kandidaturën e Fatmir Sejdiut për postin e Presidentit

Poduujevë: Kryesia e Degës së LDK-së mbështetë kandidaturën e Fatmir Sejdiut për postin e Presidentit

Podujevë, 3 shkurt 2006 /TN

Kryesia e Degës së LDK-së në Podujevë po vazhdon pritjen e të gjithë qytetarëve, anëtarëve dhe simpatizantëve që po vizitojnë zyrën e LDK-së për ngushëllime me rastin e ndarjes fizike nga jeta të Presidentit Rugova.

Mijëra qytetarë llapjanë dhe sish që kanë ardhur nga mërgata shqiptare, kanë vizituar zyrën e Degës , kanë ngushëlluar Kryesinë e LDK-së dhe janë nënshkruar në Librin e pikëllimit.

Takimi i qytetarëve, anëtarëve dhe simpatizantëve të LDK-së me Kryesinë e Degës në këto ditë zie, dhembje e pikëllimi po tregon se anëtarësia e gjerë, janë të përkushtuar që të vazhdojnë angazhimet dhe aktivitetet në rrugën që e trasoi Presidenti Ibrahim Rugova.

Ata kanë deklaruar se Llapi përjetësisht do të vazhdojë rrugën e lirisë e të pavarësisë, me emrin e Presidentit të parë dhe historik, amanetin e të cilit do ta qojnë deri në fund për ta bërë pavarësinë e Kosovës, për të cilën bashkërisht punuan dhe iu përkushtuan tash e 16 vjet.

Megjithë dhembjen e madhe që po mbretëron në mesin e anëtarësisë së gjerë të LDK-së në Podujevë për humbjen fizike të njeriut që i dha emër Kosovës dhe pavarësisë së saj, Kryesia e Degës e LDK-së, duke qenë e vetëdijshme për aktualitetin e përgjithshëm politik dhe përkrahjen ndërkombëtare që statusi final i Kosovës të zgjidhet gjatë këtij viti, ka përkrahur fuqishëm kandidaturën e z. Fatmir Sejdiu për postin e Presidentit të Kosovës.

Kryesia e Degës konsideron se z. Sejdiu ka dhënë kontribut njerëzor e profesional në të gjitha proceset dhe zhvillimet që e bënë Republikën e Kosovës si dhe pavarësinë e saj.

Kryesia e LDK-së në Podujevë, vlerëson lart angazhimin e Fatmir Sejdiut, që në arsimin e lartë në Kosovë e ka bërë ate profesor të çmuar në mesin e studentëve dhe bashkëpunëtorëve.

Angazhimi i tij kombëtar e profesional në partinë e parë antikomuniste dhe nacional-demokratike, në LDK, si dhe kontributi e përkushtimi i z. Sejdiu për lirinë dhe pavarësinë e Kosovës, përkrah Presidentit Rugova, e bëjnë Degën e LDK-së në Podujevë që t’i jap mbështetje të plotë kandiaturës së tij për President, thuhet në komunikatën për opinion të nënshkruar nga Kryetari i Degës së LDK-së z. Agim Veliu.