U mbajt mesha e drites per kryetarin Rugova!

U mbajt mesha e drites per kryetarin Rugova!

2 shkurt 2006 /TN Informoi: Marjan PERA,
për Misionin Katolik Shqiptar në Austri, filiala në Graz

Të dielën e kaluar më 29.01.2006 në orën 15.00 në kishën St. Leonhard në Graz të Austrisë, u mbajt "Mesha e Dritës" në gjuhën shqipe për shpirtin e të ndjerit kryetarit tonë të Kosovës Dr. Ibrahim Rugovës. Në kishën e përmbushur plot e përplotë me besimtar katolik e musliman, të gjithë i kishin të drejtuara sytë ka qielli duke e lutur Zotin për shpirtin e kryetarit dhe duke e lutur Zotin për të ardhmën e Kosovës me qytetarët e saj.

Meshën e celebroi Mag. Don Kolë Gjergji, prift në famullinë Bruck an der Mur dhe njëkohsisht përgjegjës për shqiptarët që jetojnë në Steirmark me seli në Graz.

Në aspektin muzikor në zmadhimin e kësaj meshe ia vlenë të përmenden motrat tona të nderit shqiptare që jetojnë në Graz: m. Rita Marjakaj me gitare, m. Lumnie Frrokaj, m. Angjelina, si edhe Agneza Marjakaj dhe shumë besimtar që iu bashkangjitën këngëve kishtare.

Besimtarët katolik dhe qytetarët e pranishëm ishin prezent nga gjithë Kosova, Shqipëria dhe nga Maqedonia. Fotografia e të ndjerit kryetar ishte vënë para alterit në kishë me plotë lule e stolisur dhe më një qiri të ndezur duke u shkrirë sikur qe e shkriu jeten e vet me pune vet kryetari.

Meshtari ynë, Don Kolë Gjergji, në rastin e pretkut ndër të tjera theksoi:

Të dashur besimtar, të dashur bashkatëdhetar, të dashur të rinjë të dashur fëmijë!

Ky muaj janar i kobshëm, vit i pikëllimit mu në fillim: humbja me përshpejtësi e Ipeshkvit të Kosovës Imzot Mark Sopit dhe presidentit të Kosovës dr. Ibrahim Rugovës, na bëri që të jemi të dëshpëruar dhe të pikëlluar në jetën tonë. Jeta e secilit prej nësh është "kryq".

Jeta me kryq dhe për kryq të lirisë dhe ngadhënjimit! Kosova, apo më mirë të thoja populli ynë shqipëtar, gjatë shekujve të tëra të historisë së vet u shëndrrua në Golgotën e mundimeve duke përjetuar luftëra, mundimë, tortura, vdekje. Tokat shqiptare u mbuluan me gjakë për liri, drejtësi e kulturë, paqe.

Rugova, kryetari i Kosovës ishte njeri i durimit, që pati durim me shekuj, njeri i paqes, që i tregoi botës definicionin se çka është paqa dhe si ajo duhet të duet dhe të jetohet, njeri i qëndresës, i trimërisë, i tolerancës,i guximit, i urtisë, i butësisë, i mençurisë, i maturisë dhe i konstruktivitetit njerëzor, kulturor, letrar e politik, pra ai ishte një njeri universal për të gjithë, me të gjithë dhe i të gjithëve. Miku më i madh i miqësisë dhe dashurisë gjithënjerëzore.

Njeriu që me kohë e mësoi mirë atë fjalën e urtë popullore se “miqët janë krahët e njeriut!” dhe të cilën e bëri bazament dhe filozofi e jetës dhe veprimtarisë së tij. Njeriu që fliste pak, por jehona e tij njerëzore e kulturore për paqë, shpresë e dashuri arriti të të gjithë njerëzit e rruzullit tokësor!

Kosova e humbi Rugoven, por fitoi miq, tash e pamë se kush ishte ai, sepse e gjithë bota ishte me ne për të. "Pa miq bota është e shkretë", bota ndaj neve nuk është më indiferente, është me ne dhe për ne, këtë e përjetuam këtyre ditëve! Gjithë bota ishte me ne dhe tek ne.

Kur vdiq Nënë Tereza, një kardinal hungarez thoshte për të: "Populli shqiptar nuk mund të jetë një popull i vogël që i dha botës një nanë kaq të madhe"!, edhe sot "Populli shqiptar nuk mund të jetë një popull i vogël që i dha botës një njëri, një babë kaq të madh të ditëve tona".
Të dashur besimtar, të mundohemi që këto momente të historisë sonë, t'ia paraqesim vet Zotit që ai neve të na ndihmon dhe që të qëndrojmë me të dhe në rrugën e tij, sepse vet Jezu Krishti tha: : “Unë jamë Udha, e Vërteta dhe Jeta. Të qëndrojmë në të, ta këmi të vërtetën e tij dhe të jetë në jetën e tij! Një shprehje amerikane është: "Njeriu vdes vetëm atëhërë kur ne i harrojmë ata"!

A do ta harrojmë ne presidentin apo jo mvarret prej nesh! Jam i bindur se ky njeri nuk është për tu harruar por për tu përkujtuar gjithmonë sepse bëri dhe veproi shumë për ne dhe për të ardhmën e popullit shqiptar! Pushoftë në paqe! Amen