Ministrja Tërmkolli nga Enti Statistikave kërkoi ngritjen e kapaciteteve në punë

Ministrja Tërmkolli nga Enti Statistikave kërkoi ngritjen e kapaciteteve në punë

Prishtinë, 2 shkurt 2006 /TN /QIK - Ministrja e MSHP së Melihate Tërmkolli vizitoi sot Entin e Statistikave të Kosovës për të biseduar lidhur me riorganizimin dhe ristrukturimin e këtij institucioni me qëllim të shtimit të efikasitetit në punë.
"Jemi në fazën e përgatitjeve për regjistrimin e përgjithshëm të popullsisë, ekonomive familjare dhe banesave prandaj duhet një punë më e madhe në këtë Ent", tha ministrja Tërmkolli në takim me udhëheqësit e këtij institucioni.

Ajo kërkoi nga udhëheqësit e Entit ngritje të kapaciteteve në punë në mënyrë që ky mekanizëm të jetë funksional dhe të eliminohen të gjitha mangësitë në punë që e kanë shoqëruar këtë institucion deri më tani. Ministrja kërkoi më shumë profesionalizëm në punë nga se Enti i Statistikave është një institucion shumë vital i Kosovës.
Ajo vuri në dukje edhe raportet e organizatave ndërkombëtare që kanë rekomanduar funksionalizim më të madh të Entit. Ministrja tha se mirëpret ndihmën e mëtejshme të organizatave ndërkombëtare për ngritjen e kapaciteteve në këtë institucion dhe sidomos për të ndihmuar përgatitjet për Regjistrimin e Përgjithshëm.
Ministrja Tërmkolli pohoi se duke rritur cilësinë e punës në këtë Ent në bazë të kritereve profesionale ne mundësojmë që ky institucion të integrohet në institucionet evropiane e perendimore në fushën e statistikave.
Udhëheqësit e Entit të Statistikave premtuan shtim të angazhimit në punë dhe profesionalizëm më të madh për të plotësuar standardet që kërkohen në fushën e statistikave.