ART ka ndërprerë të gjithë operatorët e telefonisë ilegale mobile në Kosovë

ART ka ndërprerë të gjithë operatorët e telefonisë ilegale mobile në Kosovë

Prishtinë, 2 shkurt 2006 /TN /QIK - Zyrtarë të UNMIK ut deklaruan se në Kosovë ekziston vetëm një operator legal i telefonisë mobile, ai Vala 900. Ndërsa të gjithë operatorët tjerë që kanë vepruar ilegal në Kosovë janë ndërprerë nga Autoriteti Rregullativ i Telekomunikacionit.
Duke folur në konferencën e rregullt për shtyp Metilda Heneke, zëdhënëse e shtypit në Shtyllën e Katërt të UNMIK ut tha se ART i ka ndërprerë operatorët tjerë që kanë vepruar ilegalisht që një kohë të gjatë, ndërsa aty ku ka pasur nevojë për këtë ndërprerja është bërë me ndihmën e policisë së UNMIK ut dhe SHPK së.
Sipas ART shkyçja e antenave të operatorëve ilegalë do të vazhdojë dhe se ekipet profesionale të ART së janë duke vazhduar punën në mbarë territorin e Kosovës.
Por Autoriteti Rregullator i Telekomunikacionit, në pajtim me ligjin dhe kushtet e licencës, ka kërkuar nga PTK ja që në mënyrë urgjente të rikyçë centralin në Graçanicë, si dhe të gjithë centralet tjera në rrjetin e telefonisë fikse të PTK së, me qëllim që qytetarët në mbarë territorin e Kosovës të kenë qasje në shërbimet bazike telekomunikuese.