|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Prishtinë, 1 shkurt 2006 /TN /QIK - Qëndrimet e Grupit të Kontaktit janë tepër të rëndësishme për rezultatin përfundimtar të bisedimeve për statusin e Kosovës, tha sot në Prishtinë, Albert Rohan, zëvendës i të dërguarit të Kombeve të Bashkuara për statusin e Kosovës, Marti Ahtisari.

Rohan shprehu bindjen se ekipi nga Prishtina do të jetë i gatshëm për negociata dhe së shpejti do të caktohet data për takimin, ku parashihet të diskutohet për decentralizimin.

Këto komente ai i bëri pas takimit me Grupin negociator të Kosovës. "Zgjidhja për statusin e Kosovës në fund duhet të miratohet nga Këshilli i Sigurimit, prandaj ajo që thotë dhe mendon Grupi i Kontaktit është jashëzakonisht e rëndësishme", tha Rohan.

Ndërkaq Kryeministri Bajram Kosumi tha se takimi i shtyrë i Vjenës mund të mbahet rreth 20 shkurtit.

 

---

Rohan thotë se takimi i Vjenës për decentralizimin do të mbahet në javën e fundit të shkurtit

Prishtinë, 1 shkurt 2006 /TN /QIK - Takimi i Vjenës për decentralizimin ndërmjet delegacioneve të Kosovës dhe të Serbisë mund të mbahet në dhejtëditëshin e fundit të muajit shkurt, u ka thënë përfaqësueve të serbëve të Kosovës zëvendëskryenegociatori i OKB së Albert Rohan. Ai ka nënvizuar se koha e mbajtjes së takimit të Vjenës tani mvaret plotësisht nga pala kosovare.

Rangjell Nojkiq, ka thënë se Ruhan ka kërkuar nga përfaqësuesit e Listës serbe për Kosovën që serbët marrin pjesë në institucionet e Kosovës, si dhe është diskutuar për decentralizimin. Ai ka shtuar se nga z. Ruhan në këtë takim është kërkuar që procesi i decentralizimit të nisë sa më shpejt dhe që të jetë një proces i ndarë nga statusi politik dhe juridik i Kosovës.

Nojkiq ka paralajmëruar mundësinë e hyrjes së Listës serbe në institucionet e Kosovës, të cilat i bojkotojnë tash e gati dy vjet.

Rohan dje pasdite është takuar edhe me liderin e partisë ORA Veton Surroi.

Pas takimit Surri ka thënë se po qe se kandidatura e Fatmir Sejdiut nga LDK ja për President të Kosovës bëhet publike ai gëzon përkrahjen e Partisë reformiste Ora. "Natyrisht në momentin kur Lidhja Demokratike e Kosovës të vendosë në mënyrë unanime, do të mirëpresim takimin me ta lidhur me këtë nominim", ka thënë Surroi.

---

 
Plasnik u bëri thirrje institucioneve të Kosovës për plotësimin e zbraztësirës së krijuar pas Presidentit Rugova

 
Vjenë, 1 shkurt 2006 /TN /QIK - Ministrja e Jashtme e Ausrisë, Ursula Plasnik u bëri thirrje institucioneve të Kosovës për plotësimin sa më të shpejtë të zbraztësirës së krijuar pas vdekjes së presidentit Rugova.

Ajo ka vlerësuar se perspektiva evropiane duhet të jetë element stabiliteti për rajonin e Ballkanit Perëndimor por edhe për ardhmërinë e Kosovës. Austria, tha ajo, synon që si kryesuese e radhës e BE të krijojë një atmosferë të mirë për zgjidhjen e statusit të Kosovës.

Plasnik ka përshëndetur deklaratën e mbrëmshme nga takimi i Grupit të Kontaktit.

 |  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  |