Moska insiston në zbatimin e parimeve për Kosovën, Uashingtoni thotë se Kosova është rast unik

Moska insiston në zbatimin e parimeve për Kosovën, Uashingtoni thotë se Kosova është rast unik

Moskë, 3O janar 2006 /TN /QIK - Presidenti rus Vladimir Putin ka kërkuar nga ministri i Jashtëm rus Sergej Lavrov që në takimin e ministrave të jashtëm të Grupit të Kontaktit në Londër për Kosovën, të angazhohet për gjetjen e "parimeve universale" ndaj Kosovës.
"Të gjitha variantet e zgjidhjeve të propozuara, që do t'i shqyrtoni atje, ua theksoni kolegëve, se duhet të kenë karakter universal", ka thënë Putin transmeton agjencia ruse e lajmeve Itar-Tas.
Sipas Putinit, të gjitha konfliktet në hapësirën postsovjetike nuk janë zgjidhur dhe nuk është e pranueshme situata në të cilën "në një vend të zbatohen një palë parme, e në hapësirën tjetër parime të tjera".
Nga ana e tij Lavrov ka thënë se në përcaktimin e statusit të Kosovës Moska do të udhëhiqet nga pozicioni "për domosdonë e gjetjes së zgjidhjes së tillë e cila do të jetë e pranueshme edhe për Beogradin edhe për liderët shqiptarë".
Lavrov ka thënë se gjatë përgtitjeve për takimin e Londrës "disa partnerë në Grupin e Kontatit kanë tentuar që në dokumet të futet teza se Kosova është rast unik dhe se nuk do të jetë precedent".
Ndërkaq zv.sekretarja amerikane e Shtetit Rozmari di Karlo në një intervistë për gazetën "Komersant" në pyetjen nëse është e mundur që në rastin e pavarësisë së Kosovës, në mënyrë analoge të zgjidhen edhe të gjitha "konfliktet e ngrira" në hapësirën postsovjetike, ka thënë se "gjendja në Kosovë dhe vetëm në Kosovë si dukuri është unike".
Ajo ka shtuar se Kosova është unike, sepse paaqaet pasojën e "shpërbërjes së dhunshme të Jugosllavisë" dhe se bashkësia ndërkombëtare ka miratuar masat për stabilizimin e gjendjes dhe rezolutës 1244. "Kur është fjala për zgjidhjen e konflikteve të tjera sipas "modelit kosovar", në ato nuk janë zbatuar rezoluta të Kombeve të Bashkuara", është shprehur zyrtarja e Departamentit të Shtetit.

Sipas Zv/ministrit rus, vetëm negociatat prodhojnë formulën për statusin e Kosovës, me mbështetjen e KS

Moskë, 3O janar 2006 /TN /QIK - Zëvendësministri i Jashtëm rus, Vladimir Titov është shprehur se vetëm negociatat do ta prodhojnë formulën për statusin e Kosovës që do të fitonte mbështetjen e Këshillit të Sigurimit. Në një artikull të botuar sot në gazetën "Nevisimaja", ky zyrtar i lartë rus, shkruan se "Këshilli i Sigurimit do të mbështesë vendimin vetëm nëse ai arrihet me negociata, e jo njëanshëm".

Titov më tutje thekson se "gjithkush e ka të qartë se çështja e Kosovës dhe e Ballkanit janë të ndërlidhur me interesat evropiane dhe ndërkombëtare".

"Ndryshimi madhor i situatës brenda dhe jashtë territorit është i domosdoshëm për inkurajimin e administratës shqiptare të Kosovës për bashkëpunim me standardet ndërkombëtare për minoritetet", shkruan zëvendësministri i Jashtëm i Rusisë në këtë artikull.