Robertson: "Presidenti Rugova qëndroi i palëkundur edhe në rrethanat më të vështira"

Robertson: "Presidenti Rugova qëndroi i palëkundur edhe në rrethanat më të vështira"

Londër, 25 janar 2006 /TN /QIK - Ish sekretari i përgjithshëm i NATO s, lordi Xhorxh Robertson, në një telegram dërguar Kryetarit të Kuvendit të Kosovës, Nexhat Dacit, shpreh vlerësimet më të larta për figurën udhëheqëse të Presidentit Rugova.
"Dëshiroj të shpreh nderimin tim për Presidentin Rugova dhe dhembjen time të madhe për humbjen e tij.
Z. Rugova ka qenë inspirim për popullin e tij shumë vite me radhë, në kohën kur populli i Kosovës përballej me probleme dhe persekutim. Ai mbajti gjallë shpresën, duke mos e komprometuar asnjëherë dinjitetin dhe integritetin e tij. Për botën e jashtme, ai ka përfaqësuar ndershmërimin dhe parimësinë, derisa luftonte për të drejtat e popullatës shumicë në Kosovë.
Gjatë konfliktit të vitit 1999, në konfrontim me Millosheviqin, ai qëndroi i palëkundur dhe e udhëhoqi popullin e tij në rrethasnat më të vështira. Ne, të cilët ndërmorën aksione ushtarake, pasi dështuan negociatat, e shihnim te ai përfaqësuesin më të denjë të Kosovës.
Kur unë erdha në krye të NATO s, menjëherë pas përfundimit të fushatës ajrore dhe çliirimit të Kosovës pata rastin të takohem me Presidentin Rugova.
Ai kishte marrë rolin e liderit dhe përmbante ndjenjat e urrejtjes, të cilat kanë mundur të jenë të dëmshme për të ardhmen e Kosovës.
?shtë shumë tragjike që Ibrahim Rugova nuk do të jetojë të shohë të definuar statusin e Kosovës, por ai ka lënë një trashëgimi për popullin e tij, e cila paraqet një themel të mirë për statusin e ardhshëm të Kosovës.
Besimi i tij në Kosovën multi etnike do të jetë një parim, i cili do të mbetet për një kohë të gjatë tek kosovarët.