Isanollu: "Doktor Rugova do të mbahet në mend për udhëheqjen e tij"

Isanollu: "Doktor Rugova do të mbahet në mend për udhëheqjen e tij"

Ankara, 25 janar 2006 /TN /QIK - Ekmedin Isanollu, në emër të Organizatës së Konferencës Islamike, i ka shprehur ngushëllime familjes Rugova dhe popullit të Kosovës, duke vlerësuar lart fogurën e Presidentit Rugova.
"Kam qenë shumë i pikëlluar kur mësova lajmin për vdekjen tragjike të liderit legjendar të Kosovës, doktor Ibrahim Rugovës.

Në emër të Organizatës së Konferencës Islamike dhe në emrin tim personal do të dëshiroja t'ia shpreh ngushëllimet e mia më të sinqerta vëllezërve dhe motrave tona kosovare dhe, posaçërisht, familjes së Presidentit.
Doktor Rugova do të mbahet në mend për udhëheqjen e tij me përkushtim dhe udhëheqjen e mençur, duke mbrojtur kauzën legjitime të popullit të Kosovës.
Unë shpresoj se liderët politikë të Kosovës do të jenë në gjendje që në këtë kohë kaq të ndieshme për Kosovën, do ta vazhdojnë politikën e tij, e cila përkrahet aq shumë nga komuniteti ndërkombëtar.
Duke shprehur solidaritetin tim me popullin e Kosovësnë në këto ditë të vështira, unë i dëshiroj Kosovës sukses në bisedimet për statusin final.