Dagllas Aleksandër: Rugova një lider të madh dhe mik të afërt të Mbretërisë së Bashkuar

Dagllas Aleksandër: Rugova një lider të madh dhe mik të afërt të Mbretërisë së Bashkuar



Prishtinë, 26 janar 2006 /TN /QIK - Ministri britanik për Evropë, Dagllas Aleksandër, i cili mori pjesë në ceremonitë funerale për Presidentin Rugova, e ka cilësuar Dr. Rugovën njeri të mirë, lider të madh dhe mik të afërt të Mbretërisë së Bashkuar, ndërsa ka kërkuar nga liderët kosovarë që të punojnë së bashku për të çuar përpara vizionin e Presidentit Rugova.
"Isha i nderuar dhe i privilegjuar që të isha në Prishtinë në emër të Qeverisë së Britanisë që të shpreh ngushëllimet e thella dhe keqardhjen e popullit britanik për vdekjen e presidentit Rugova. Shërbimi memorial i sotëm ishte një respekt i duhur për një njeri të mirë, një lider të madh dhe mik të afërt të Mbretërisë së Bashkuar.

Vdekja e Presidentit Rugova ka lënë një boshllëk, por puna e tij jetësore gjithashtu ka lë në trashëgim vizionin për Kosovën demokratike dhe multi-etnike me të drejtën e të gjithë qytetarëve të saj që të jetojnë në paqe dhe siguri.

Ne tashmë shikojmë kah liderët kosovarë që ata të punojnë konstruktivisht së bashku që të avancojnë këtë vizion. Në muajt e ardhshëm është e rendësishme që të jetë e qëndrueshme puna drejt qëllimit tonë të përbashkët për përfundimin e suksesshëm të procesit për statusin final", ka thënë ministri Aleksander në një komunikatë për media.