Cërvenkovski: Maqedonia është i interesuar që Kosova të ecë përpara dhe drejt integrimeve euroatlantike

Cërvenkovski: Maqedonia është i interesuar që Kosova të ecë përpara dhe drejt integrimeve euroatlantike

Prishtinë, 26 janar 2006 /TN /QIK - Kryeministri i Kosovës, Bajram Kosumi takoi sot paradite Presidentin e Maqedonisë, Branko Cërvenkovskin, i cili shoqërohej nga ministrja e Jashtme Ilena Mitreva, dhe zëvendëskryeministri Musa Xhaferi.
Presidenti Cërvenkovski tha se ka ardhur në Kosovë për të ngushëlluar popullin dhe Qeverinë e Kosovë për humbjen e presidentit Rugova dhe njëkohësisht për të shprehur respektin për atë që ai ka bërë për Kosovën dhe rajonin.

Cërvenkosvki ka shprehur besimin e tij se vdekja e Rugovës nuk do të shkaktojë në ngecjen e negociatave për statusin e Kosovës, duke shtuar se vendi i tij është i interesuar që Kosova të ecë përpara dhe drejt integrimeve euroatlantike. Në këtë kontekst, ai ka siguruar kryeministrin Kosumi se Maqedonia do të jap kontributin e saj në përforcimin e paqes në Kosovë dhe në mbylljen e çështjeve të hapura në Ballkan.
Ndërkaq, kryeministri Kosumi ka falënderuar Presidentin maqedon për pjesëmarrjen kaq reprezentative në varrimin e Presidentit Rugova, duke shtuar se klasa politike e Kosovë ka një unitet të lartë edhe në këto momente të vështira.

Në këtë kontekst, Kosumi tha se Delegacioni i Kosovës është i përkushtuar që procesi negociues të vazhdojë dhe të mos prolongohet, në mënyrë që brenda vitit 2006 të rrumbullakohet bërja e shtetit të Kosovës, thuhet në një komunikat të nga ky takim.
Cervenkovski po ashtu takoi edhe Shefin e UNMIK-ut, Soren Jesen Petersen.