|  KULTURĖ  |  HISTORI  |   POLITIKĖ  |  OPINIONE  |  ADRESARI  |  ARKIVI 

 

 OPINIONE

   
 

Profeti dhe testamenti

 
 

 
Prishtinė, 25 janar 2006 /TN /QIK
 
Shkruan: Agron TUFA

Ibrahim Rrugova, njė ndėr mitet e pakta shqiptare pa asnjė ngarkesė negative, u largua pėrgjithmonė, siē besojmė ne tė gjithė – pėr nė Pėrjetėsi. Ai u largua nė momentin kur i duhej mė shumė se kurrė Kosovės dhe kauzės shqiptare nė Ballkan.
 
Ėshtė i hidhur madje edhe vetė rregulli gjuhėsor qė na detyron tė flasim pėr tė me folje tė kohės sė shkuar, folje tė cilat na ndėrmendin ne vdektarėve se jemi tė pafuqishėm mbi “veprėn e pandreqshme tė vdekjes”.
 
Nuk e di (dhe pak rėndėsi ka) se ē‘pėrfaqėsoi qenia e tij nė botėn tragjike shqiptare: - domosdoshmėri historike? (sipas gjuhės sė filozofisė materialiste); vullnesėn hyjnore (“i dėrguari i Zotit pėr Kosovėn”, sipas Mero Bazes) apo “ndėrhyrjen e Zotit” nė histori (sipas Baton Haxhiut).
 
Por trajektorja e tij e qetė politike pėr 16 vjet nė sfondin e pėrndezur tė gjenocidit serb mbi Kosovėn, kthjelltėsia e tij apostolike nė situatat makabre dhe sidomos filozofia largpamėse – krejtėsisht profetike – na kthejnė edhe njė herė nė meditimet mbi madhėshtinė e ndikimit tė individit nė histori.

Tė zotėrosh kthjelltėsinė dhe durimin, tė ngrihesh mbi pasionet, klithmat e gjakut dhe dhimbjet e pėrmasave apokaliptike tė popullit tėnd qė po masakrohet njėsoj si nė kasaphanat e mėdha, me tė cilat ėshtė e tejngopur historia e njerėzimit dhe, pėr mė tepėr, tė mos e braktisėsh asnjėherė besimin, se liria i ka parashikuar edhe kėto rrugė tė flijimit masiv – kjo do tė thotė tė jesh i pajisur me veti jashtėnjerėzore, tė kesh atributet e hyjnisė brenda njėsisė njerėzore.
 
Ja pse merr vlerė konkrete metafora e Mero Bazes pėr Rugovėn “I dėrguari i Zotit pėr Kosovėn”. Sepse tek Rugova u gėrshetuan nė njė mėnyrė dhe ekuilibėr mbinjerėzor, tė gjitha dėshirat dhe pengjet shpirtėrore tė shqiptarėve tė Kosovės. Vetė Rugova ishte njeriu qė e pėrktheu dhe e finalizoi gjithė kaosin e vuajtjeve kosovare, gjithė lėngatėn dhe protestėn instinktive tė shqiptarėve nė gjuhė e gjeste tė thjeshta, tė qarta, tė sinqerta.

Hyrja e Rrugovės nė politikė, efekti dhe toni i qetė i ligjėrimit tė tij profetik te shqiptarėt e Kosovės, tė ndėrmend fjalėt e ēuditshme me tė cilat iu drejtua Papa Gjon Pali II turmės sė besimtarėve nė sheshin e Vatikanit: “Tutus tuus! (Mos kini frikė!)”. E gjithė veprimtaria e tij, edhe nė momentet e kasaphanės sė 1999-ės, ndikoi nė ngjalljen e besimit dhe, nė tė vėrtetė, ai diti ta mbajė gjallė kėtė besim reciprok deri ditėn kur mbylli sytė.

Shqiptarėt e Kosovės kishin nevojė pėr fli, kishin nevojė pėr tė vrarėt e tyre, kishin nevojė pėr mitet e tyre dhe, natyrisht, kishin nevojė pėr njė mit qendror qė t’u shėrbejė si gur themeli pėr ngrehinėn e shtetėsisė dhe identitetit kombėtar. Ibrahim Rrugova ishte i zgjedhuri pėr ta mbajtur peshėn e kėsaj vepre mesianike.
 
Nėse i referohemi njė analogjie tė misioneve profetike, Rugova ishte Moisiu profetik i kosovarėve, duke i udhėhequr ata pėrmes sprovash tė vėshtira tė mbijetesės deri sa i nxori nga shkretėtira e gjenocidit nacionalist serb.

Por largpamėsia e Rugovės, pėrveē pėrmbushjes sė misionit mesianik nė historinė e kosovarėve, ka njė rėndėsi thelbėsore nė emancipimin e madh vizionar qė i dha kulturės shqiptare nė tėrėsi me veprėn e tij voluminoze kritike dhe studimore.
 
Vepra e tij qė u prezantua para botės shkencore –filologjike me rastin e Panairit Kombėtar tė Tiranės nė nėntor 2005, pėrveē vėllimeve me tė ashtuquajturėn “kritikė klasifikuese” tė zhanreve, kahjeve e rrjedhave letrare nė krijimtarinė e shkrimtarėve shqiptarė, pėrfshinte, tė paktėn 3 vepra pėrcaktuese nė modelet e mėvonshme tė kritikės letrare nė Kosovė e Shqipėri: “Strategjia e (mos)kuptimit”, “Refuzimi estetik”, “Kozmogonia e Bogdanit”.

Kritiku dhe Filologu Ibrahim Rrugova, ithtar dhe recepient i hollė i strukturalizmit dhe poststrukturalizmit francez, - disertant i njėrit prej perėndive tė kritikės strukturale e poststrukturale franceze, Rolan Bartit – solli nė letrat shqipe pėr herė tė parė njė metodologji tjetėr studimore, larg modeleve socrealiste.
 
Kundrimi i produktit letrar si shkencė, pa sensibilitetin dhe romantikėn demode nacionalkomuniste, hapi njė seri tė begatė hulumtimesh mbi autorėt shqiptarė tė traditės dhe modernitetit. Rugova qe pionieri i parė qė solli nė shkencėn e studimeve kritike qasje themelore, principiale, duke vėnė njė vijė ndarėse dhe duke shėnuar divorcin nga ideologjia nė veprėn letrare.
 
Roli emancipues i Rugovės qėndron jo vetėm nė qasjen strategjike ndaj veprės letrare-artistike si formacion, mė sė pari letrar, gjuhėsor e stilistikor, por Rrugova solli nė procedetė e kritikės sonė moderne njė instrumentar terminologjie, nocionesh e konceptesh, tė afta tė organizojnė lėndėn letrare sipas principesh artistike, nė njė kohė kur qasjet ideologjike e sociologjizmi vulgar po shpinin nė njė keqkuptim tė madh midis anės estetike dhe banalitetit interpretativ.
 
Veprat e Rugovės qenė fatpėrcaktuese pėr shumė studiues e filologė mė tė rinj, nė thelb dishepuj tė metodės sė Rugovės, duke krijuar njė seri studimore ku plekseshin metodat strukturale me ato hermeneutike.
 
Bazė e kėtyre modeleve u bėnė veprat e Rugovės “Strategjia e (mos)kuptimit”, “Refuzimi estetik”, “Vepra e Bogdanit” etj., qė patėn njė ndikim vendimtar nė pėrvijimin e shkencave filologjike, kryesisht nė Prishtinė. Mjaftojmė tė pėrmendim bashkėmendimtarėt dhe pasuesit e Rrugovės nė kėtė drejtim si Mensur Raifi, Rexhep Ismajli, Gani Bobi, Sabri Hamiti – deri tek mė tė rinjtė – Basri Ēapriqi, Milazim Krasniqi, Abdulla Konushevci, Kujtim Shala etj..

Duke zhvilluar nė kulturėn shqiptare strategjinė e kundrimit tė sė bukurės si kategori estetike, distancėn e pastėr me veprėn, tė pamanipuluar nga ideologjia nacional-komuniste dhe sociologjizmi vulgar, Rugova pėrgatiti me veprat dhe shkollėn e tij njė lexues tė thellė e aktiv, i cili tė kėrkojė nė artin letrar jo utilitarizmin dhe marrėdhėnien e pėrkohshme koniukturale, por vlerat e pėrjetshme tė sė bukurės qė trashėgohen dhe u transmetohen brezave si testament qė pėrcakton konstitucionin shpirtėror, estetik dhe etik.
 
Pa njė konstitucion tė tillė, nuk formohen elitat dhe vetėdija kombėtare e inteligjencies, jashtė dogmatizmave dhe klisheve ideologjike dhe rrjedhimisht, pa pėrgatitjen e kėsaj vetėdije, nuk do ta kishim vetėdijėsimin e elitės kulturore e politike tė inteligjencies kosovare sot. Si pėr njėrėn, ashtu edhe pėr tjetrėn, Rrugova ėshtė Ati dhe pagėzuesi.
 
Ai ėshtė mėsuesi dhe profeti qė e pėrgatiti popullin e vet pėr t’ia kthyer civilizimit europian – aty ku i ka rrėnjėt Kosova dhe gjithė shqiptarėt. Ky ėshtė dhe testamenti i Rrugovės: ai pret tė lexohet qartė. Ēdo keqlexim, ėshtė devijim fatal nga kauza e profetit.

Tiranė, 24 janar 2006

 


 |  KULTURĖ  |  HISTORI  |   POLITIKĖ  |  OPINIONE  |  ADRESARI  |  ARKIVI 


                              Copyright©2000-2005 Trepca.net - Tė gjitha tė  drejtat e rezervuara.