Shqiptari humb simbolin e urtisëShqiptari humb simbolin e urtisë

Shqiptaria humb simbolin e urtisë

23 janar 2006 /TN

Nga Fatmir TERZIU

Kryesia e Bashkësisë Shqiptare “ Faik Konica “ në Britani të Madhe, i shprehu ngushëllimet më të sinqerta për humbjen e hershme të Kryetarit Dr. Ibrahim Rugova, njeriut shumë të respektuar, humanistit të madh të përmasave botërore, arkitektit të shtetit të pavarur të Kosovës mbrojtësit të popullit të Kosovës, Familjes , Presidencës, Kryesisë së Kuvendit dhe të LDK –së, Shokëve dhe Kolegëve të Dr. Ibrahim Rugovës.

“Vdekja e hershme e Dr. Ibrahim Rugovës është dhimbje, humbje e madhe për familjen Rugova, për shokët për vëllezërit e idealit, për qytetarët e Kosovës, për Lidhjen Demokratike të Kosovës dhe popullin e Kosovës nga se humbi Veprimtarin dhe Atdhetarin e Shquar Demokrat, përkrahësin këmbëngulës të një shoqërie, të një Kosove dhe të një Shqipërie demokratike” – thuhet në deklaratën dhe telegramin e kësaj Bashkësie.

"Dr. Ibrahim Rugova do të kujtohet si njeriu që iu përkushtua arritjes së pavarësisë së Kosovës me mjete paqësore. Në një farë mënyre, vdekja e tij i ngjan humbjes së një profeti: ai parashikoi me kohë një protektorat ndërkombëtar për Kosovën si hapi i parë drejt pavarësisë. Gjatë vitit 2005, Kosova hyri në një fazë të rëndësishme për përcaktimin e statusit të saj përfundimtar dhe ideja e Dr. Rugovës që ky status të jetë pavarësia ndodhet tani para një sfide" thuhet me tej.

“Të jesh bashkëkohës dhe bashkëpunëtor i patriotit dhe atdhetarit të shquar, Ibrahim Rugova, i cili e flijoi shëndetin dhe rininë për liri dhe demokraci, është sa krenari, privilegj dhe mburrje po aq edhe obligim tepër i vështirë. Ngase Dr. Ibrahim Rugova ishte nga ata burra te mëdhenj shteti, të cilët u angazhuan me tërë qenien për çështjen e pavarësisë së Kosovës”, thotë Kryetari i Bashkësisë Talat Pllana.

I matur në kuvendime e i qetë në bisedë me urtësinë e tij i binte të tjerët t’a dëgjonin me endje por edhe kishte një dashuri, një mirëkuptim, një respekt të veçantë për t’i dëgjuar bashkëbiseduesit.

Me të gjitha dhuntitë dhe virtytet e larta që kishte dhënë Zoti ai pati edhe mbështetjen e fuqishme nga familja dhe shokët e idealit për aspiratat e tij liridashëse.

“Me vullnetin dhe energjinë që kishte për punë dhe udhëheqje ishte i veçantë, ishte për Lakmi” shton zoti Pllana. Qëndrimet dhe parashikimi i tij ka krijuar bindjen e një vizionari që shumë herët kishte kuptuar peshën e kohës.

Mërgimtarët Shqiptare e në veçanti ata që patën rast të takohen me të e kanë për nder t’a kujtojnë me respekt Dr. Ibrahim Rugovën.

Sipas Kryesisë së kësaj Bashkësie mësohet se janë marre te gjitha masat për te nderuar me tej jetën dhe veprën e Dr. Rrugores. Do te mbahet një tubim sot rreth orës 14 dhe nesër e deri në ditën e varrimit do te ketë homazhe në një salle me foton e Dr. Rrugores.

Nje delegacion i Bashkësisë pritet te marre pjese ne ceremoninë e lamtumirës se njeriut te zemrave mbarëshqiptare, njeriut tek i cili pushon trimëria, zgjuarsia, mençuria dhe urtia e kalibrit tejnjerëzor.
Me dhjetëra e qindra njerëz vazhdojnë homazhet dhe lënë shënime kujtimi ne një libër te veçante, qe do te mbetet përherë në faqet e historisë shqiptare.


*Bashkësia Shqiptare “Faik Konica “
në Londër, Britani të Madhe