Mesazhe ngushëllimi: Me pikëllim të thellë në zemër morën lajmin për vdekjen e

Mesazhe ngushëllimi: Me pikëllim të thellë në zemër morën lajmin për vdekjen e Presidentit Rugova

23 janar 2006 /TN Telegram ngushëllimi

- Familjes së nderuar të Presidentit Dr. Ibrahim Rugova,
- Presidencës së Kosovës
- Kryetarit të Kuvendit të Kosovës Akademik Nexhat Daci,
- Kryeministrit të Kosovës z. Bajram Kosumi,
- Kryesisë së LDK-së në Kosovë ,
- Qytetarëve të dashur të Kosovës,


Me dhembje dhe pikëllim të thellë morëm lajmin e hidhur për ikjen nga kjo jetë e Presidentit tone të dashur Dr. IBRAHIM RUGOVA. Largimi i Presidentit tonë nga kjo jetë është një humbje e madhe për popullin e Kosovës dhe shqiptarët në përgjithësi, sidomos në këto momente vendimtare të aktit final të njohjes formale të pavarësisë së Kosovës që tërë jetën Ai ia kushtoi.

Ne anëtarët dhe simpatizuesit e LDK-së në Nyon të Zvicrës zotohemi se vepra, mençuria, urtësia, dhe vizioni i Tij do të jetë udhrrëfim dhe inspirim për të gjithë ne për ndërtimin e Kosovës shtet të pavarur dhe demokratik ashtu siç Presidenti ynë i dashur e deshti.

Lavdi jetës dhe veprës së Presidentit Rugova.
I qoftë i lehtë dheu i Kosovës së lire.
Zoti e bekoftë Familjen Rugova.
Zoti e bekoftë Kosovën.

Kryesia e nëndegës së LDK-së në Nyon të Zvicrës
Sadik Krasniqi Kryetar

Telegram ngushëllimi

Familjes Rugova
Presidencës
Kryesisë së LDK
Prishtinë – Kosovë


Me pikëllim të thellë në zemër morën lajmin për vdekjen e Presidentit Rugova.
Kjo është humbje e madhe për të gjithë ne.
Pranoni ngushëllimet tona më të sinqerta.

Për Unionin e Shoqatave Shqiptare në Suedi
Ahmet Bella, sekretar
Për Rrethin e Shoqatave Shqiptare për Regjionin e Skones,

Ragip Recica, kryetar
Për Shoqatën Kolegium-Muzicum, Malmö
Ahmet Bella,

Për Qendrën ”Besa” Malmö
Ramadan Reshitaj,
Për Shoqatën ”Viktoria”
Ahmet Muslijaj


Telegram ngushëllimi

Drejtuar :
- Kryetarit të Kuvendit të Kosovës,
- Kryeministrit të Kosovës,
- Kryesisë së nderuar të LDK-së,
- Familjes së nderuar të Presidentit Rugova,
- Qytetarëve të dashur të Kosovës,
- Shqiptarëve në të katër anët e globit, dhe
- Gjithë Miqve të dashur të Presidentit në botë.
Me rastin e ndërrimit jete të zotit Ibrahim Rugova, Presidentit të Kosovës, Ju lutemi pranoni ngushëllimet e mia më të thella dhe të gjithë anëtareve te familjes së Naser AZIZIT
Në këto momente të dhembjes, ndihemi krenar që patëm një President aq të dashur, të vyer e të nderuar nga populli shqiptar dhe gjithë bota mbarë.
Si në momentet më të vështira ashtu edhe në ato më të mira, Ai gjithmonë ishte në gjirin e popullit të Tij. Në mendje kishte vetëm një ideal, Kosovën e pavarur. Largpamësia e Tij politike e para 17 vjetësh, sot po mahnitë politikën botërore.
Familja e nderuar e Rugovës, Kosova, Ballkani, Evropa dhe Bota po ndahen nga një Burrështetas bujar e atdhetar i një shteti të vogël në formësim e sipër. Jeta dhe vepra e Tij do të nderohet e kujtohet brez pas brezi.
Dashtë zoti që ëndrra e Tij e madhe dhe jona, Shpallja e Pavarësisë së Kosovës të kurorëzohet sa më shpejtë.
I falemi kujtimit të Tij të përjetshëm.
Lavdi jetës dhe veprës së Presidentit Rugova. I qoftë i lehtë dheu i Kosovës së lirë.
Zoti e bekoftë Familjen Rugova.
Zoti e bekoftë Kosovën dhe gjithë popullin shqiptar.
LAVDI !
Naser AZIZI me familje nga Amerika