Deklarime dhe mesazhe: Vdekja e Presidentit Rugova na preku thellë në zemër dhe na la një zbraztësi të madhe

Deklarime dhe mesazhe: Vdekja e Presidentit Rugova na preku thellë në zemër dhe na la një zbraztësi të madhe

Prishtinë, 23 janar 2006 /TN /QIK - Komiteti Kosovar i Helsinkit me seli në Prishtinë: Me dhembje të thellë morëm lajmin për vdekjen e Presidentit të Kosovës, dr. Ibrahim Rugova. KKH është i vetëdijshëm për dhimbjen e madhe që bashkëndjejnë të gjithë qytetarët e Kosovës për vdekjen e Presidentit Rugova, si dhe për zbrazëtinë politiko-institucionale udhëheqëse, që në këtë periudhe shume te rëndësishme të përcaktimit të statusit të Kosovës është krijuar me këtë humbje të madhe. KKH fton qytetarët dhe veçanërisht klasën politike të Kosovës, që sfidën serioze të humbjes së Presidentit ta tejkalojmë me unitet dhe me pjekuri e përgjegjësi të plotë politike e qytetare.
KKH vlerëson lart angazhimin dhe veprën historike të presidentit të ndjerë Rugova dhe shprehë bindjen se edhe strukturat institucionale dhe politike pasardhëse, do të dijnë të punojnë me përkushtim dhe pjekuri të lart politike për përmbushjen e aspiratave të popullit për realizimin e pavarësisë dhe ardhmënisë demokratike evro-atlantike të Kosovës, thotë në deklaratë e tij Dr.Gazmend Pula, kryetar i këtij asociacioni për Kosovë.

Shoqata e gruas ”Kosovarja” në Malmë të Suedisë: Lajmi për vdekjen e Presidentit Ibrahim Rugova na preku thellë në zemër dhe na la një zbraztësi të madhe! Shpresojmë që të gjithë popolli i Kosovës së bashku me Prsidencën por edhe me shqitarët në diasporë të jemi të bashkuar dhe të fortë për të punuar në rrugën e vizioneve të dr. Ibrahim Rugovës për një Kosovë të lirë dhe demokratike, thotë në këtë ngushëllim, Lirije Latifi, kryetare.
Aziz Salihu: Presidenti Rugova është i pazëvendësueshëm
Klubi i Boksit "Prishtina": Humbem njeriun e urtë, bujar, një President të zotin dhe mençur. Me këtë rast nuk keni humbur vetëm ju njeriun e shpirtit, por ka humbur e gjithë Kosova në momentet më vendimtare për Kosovën.Ai e përkrahu sportin kosovar, duke na mbështetur në të gjitha përpjekjet tona, për ta përfaqësuar në mënyrë të denjë sportin kosovar para syve të botës. Presidenti Rugova është i pazëvendësueshëm, thuhet në mesazhin e Aziz Salihut, kryetar.
Një telegram ngushëllimi ka arritur edhe nga Unioni Shoqatave Shqiptare në Suedi.