| KULTURË | HISTORI

Telegrame të shumta dhembjeje e ngushëllimi (1)





22. janar 2006 /TN


Telegram ngushlimi: Bashkesise Shqiptare ne Slloveni
Nga Adem Dodolli

22 janar 2006 /TN Nga Xhafer Leci ish kryetar i Aktivit të LDK-së, Kirchheim-Teck-Gjermani

22. janar 2006 / TN
Bashkatdhetarë nga Obendorfi i Gjermanisë
Telegram ngushëllimi

- Familjes së nderuar të Presidentit Rugova,
- Kryesisë së nderuar të LDK-së,
- Qytetarëve të dashur të Kosovës,

Lajmi për vdekjen e kryetarit tonë të dashur, na pikëlloi thellë. Ju lutemi pranoni ngushëllimet tona - të bashkatdhetarëve që jetojmë në qytetin Obendorf me rrethinë në Gjermani.

Dr.Ibrahim Rugova ishte dhe mbeti sinonim i rrugës së mirëfilltë që Kosovën dhe qytetarët e saj i shpie drejt paqes, lirisë së përhershme dhe sovranitetit e prosperitetit të gjithëmbarshëm, në familjen e madhe Evropiane
dhe Verioantlantike.

Ai ishte dhe mbeti për ne mërgimtarët personalitet i spikatur që me virtytet e tij shembullore-paqësore na mundësoi të jemi të nderuar në vendin ku jetojmë,vendin mik të Kosovës-Gjermanisë.

Bashkatdhetarë nga Obendorfi i Gjermanisë
Adem Dodolli

22. janar 2006 / TN

Nga Prof dr Muhamet Shatri, kryetar dhe
Nue Oroshi, sekretar

Telegram ngushëllimi

Presidencës së Kosovës
Kuvendit, Qeveris, dhe Institucioneve shtetërore
Lidhjes Demokratike te Kosovës
Familjes se Presidentit dr Ibrahim Rugova
Mbar popullit Shqiptarë në Përgjithësi

Me një pikllim të thellë në zemër, të prekur në shpirt, dhe të lënduar në palcë morëm lajmin për vdekjen e Presidentit,,dr Ibrahim Rugovës.

Presidenti Rugova mbeti një dritë e pashuar i cili i bën roje Pavarësisë së Kosovës. Aji ishte arkitekti i Shtetit te Kosovës. Vepra e ti ishte vepër madhështore ku Kosova e shumëvuajtur pati për fat të mirë që në momentet më kyçe të historisë së saji ta ketë në krye të saji një burrë të Shekujve, i cili me nje ndërgjegje të lartë Kastriotase i priu popullit shqiptarë për dy dekada më radhë.

Presidenti Rugova në rrugën e ti të pavarësisë krijoji miq të shumtë.

Pasi që njihte mirë rrethanat kohore politike, si dhe dallonte miqtë e vërtet të shqiptarëve aji na bëri mikë dhe aleatë më shtetin me te fortë në Botë me Amerikën.

Aji përmes shumë veprimtarëve kombëtarë që vepronin ne Amerikë, e ku në mesin e të cilëve do ta veçojmë mikun e ti më të ngushtë atdhetarin dom Anton Kqirën, depërtoji thellë tekë administrata Amerikane, dhe nxori sheshazi për herë të parë të vërtiten historike se populli shqiptarë nuk është popull fundamentalistë si që trumbetonin borit pansllaviste te Beogradit, por është një popull i civilizuar, me një kulturë të lartë Evropiane dhe më një miqësi të pashoqë me Shtetet e Bashkuara të Amerikës.

E nderuara Familje e Presidentit Rugova

Te nderuar Institucione te Kosovës

Duhet të bëheni te fortë në këto momente të zisë dhe pikëllimit, në këto momente kur nga ju dhe ne u nda burri i besës e burrnisë, burri i madh i kombit i cili prej fillimit e deri sa shkoi në jetën e pasosur punonte për një Kosovë të pavarur dhe demokratike, duke mos lënë anash edhe opsionet tjera të mëvonshme për Bashkim Kombëtarë.

Madje ky bashkim kombëtarë i trojeve etnike dhe demokratike për një Shqipëri Etnike, e la jetim Presidentin tonë qysh në moshën njëvjeçare, sepse për këtë ideal të shenjët kombëtarë ju flijuan babai Uke Rugova, dhe gjyshi Rrustem Rugova.

Në këto qaste të dhimbjes krenare duhet të jemi të fortë, të bashkuar si kurrnjëherë më parë, për të quarë në vend amanetin e Presidentit historik të Kosovës dr Ibrahim Rugova.

Ne këto qaste te pikëllimit të thellë edhe ne historianët,studiuesit dhe veprimtarët kombëtarë që kemi marrë përsipër ndriçimin e historisë tonë ju premtojmë se të vërtetën historike do të punojmë që t’ia shkruajmë dhe lëmë brezave, ku do të kenë rastin të lexojnë se ne fundshekullin e njëzet dhe fillim shekullin e njëzet e një ishte një burrë i madh i cili me mençuri, vizion të qartë kombëtarë, përmes miqve të jashtëm, bëri që t’ia hapë rrugën pavarësisë se Kosovës, dhe më vonë bashkimit të trojeve Etnike Shqiptare e aji atdhetarë ishte dr Ibrahim Rugova.

I qoftë i lehtë dheu i tokës së Atdheut Presidentit të Kosovës dr Ibrahim Rugovës.

Në emër të Këshillit Organizues për Ndriçimin e Historisë Shqiptare
Prof dr Muhamet Shatri Kryetar
Nue Oroshi Sekretar

22. janar 2006 / TN

Nga Arif Molliqi - Hamburg (Gjermani)

Në Hamburg, me rastin e vdekjes se Presidentit të Kosovës u mbajt mbledhje komemorative

Dr. IBRAHIM RUGOVA ISHTE DHE MBETI FRYMËZIM I ATDHEDASHURISË DHE I PAVARËSISË SE GJITHË SHQIPTARISË

Sot në Hamburg, me të dëgjuar lajmin për vdekjen e Presidentit të Kosovës Dr. Ibrahim Rugova, para Klubit Shqiptar “Verrat e Llukës” në Hamburg, ishin mbledhur me qindra mërgimtarë për të shprehur njëri-tjetrit dhimbje dhe pikëllim për vdekjen e njeriut më të nderuar, jo vetëm të popullit të Kosovës, por edhe të mbarë kombit shqiptar.

Të tubuarit nuk mund ta besoni sy ky lajm ishte i vërtetë, sado që vdekja e Presidentit u konfirmua edhe nga zyrat e presidencës. Andaj, gjatë gjithë pasditës mërgimtarët të tubuar në lokalet e Klubit Shqiptar “Verrat e Llukës”, i përcjellnin lajmet e dhimbshme që vinin nga Kosova, pastaj informatat nga agjencitë e botëror të lajmeve.

Në mbrëmje Nëndega e LDK-ës në Hamburg dhe KSH “ Verrat e Llukës” mbajtën një tubim komemorativ. Në këtë tubim mes tjerash u tha: “Lajmi i hidhur që dëgjuam, na bëri me dije që humbëm njeriun më të madh të historisë se re të popullit shqiptar.

Çdo humbje është e vështirë në çdo kohë që të ndodhë, por koha e ndarjes së Rugovës nga Kosova dhe nga gjithë shqiptarët, kur Kosova ndodhet në prag të pavarësisë e bën vdekjen e tij veçanërisht të dhimbshme.

Presidenti Rugova do të mbahet mend si njeri i përbetuar i idesë së një Kosove plotësisht demokratike dhe të pavarur. Deri në fund Ai i shërbeu popullit të Kosovës me përkushtim. Ai u shndërrua në mishërimin e aspiratave, shpresave, idealeve më fisnike të qytetarëve të Kosovës, të cilat i mbrojti me një përkushtim të jashtëzakonshëm, me një qëndresë epike...

Në fund të mbledhjes komemorative, për mes një telegrami mërgimtarët e tubuar shprehen ngushëllimet më të sinqerta, së pari familjes Rugova, presidencës, qeverisë dhe mbarë qytetarëve të Kosovës.
Bashkohemi me lutjen e gjithë popullit të Kosovës që shpirti i Presidentit Rugova të prehet në paqe, thuhet në fund të telegramit i nënshkruar nga: Klubi Shqiptar “Verrat e Llukës “, dhe LDK-ës, Nëndega në Hamburg.


22. janar 2006 /TN FORUMI RINOR I LDK-së DEGA NË ZVICËR
Remzi Durmishi, Kryetar
Më 21 janarë 2006. Olten (Zvicër)

- PRESIDENCËS SË KOSOVËS
- KRYETARIT TE KUVENDIT TE KOSOVËS Akademik Nexhat Daci
- KRYEMINISTRIT TE KOSOVES z. Bajram Kosumi
- KRYESISË SE LDK-së në KOSOVE
- FAMILJES SË Dr. IBRAHIM RUGOVES


Telegram ngushëllimi

Sot,kishim ftuar këtu në këtë tubim në Olten bashkatdhetarë tanë për të shënuar njërin nga manifestimet më të rëndësishme-kushtuar dëshmorëve të rënë për Lirinë dhe pavarësinë e Kosovës.

As më së pakut nuk kishim pritur se sot kështu pabesisht do ta merrnim lajmin më të hidhur për vdekjen e Presidentit te Kosovës Dr.Ibrahim Rugova dhe që ky manifestim i yni i sotëm të shndërrohet në TUBIM KOMEMORATIV kushtuar Dr.Ibrahim Rugovës.


JO, AI NUK KA VDEKUR……….POR KA SHKUAR NE AMSHIM PER TE MBETUR PERGJITHMONE I GJALLE,ASHTU SI QE ISHTE:

I aftë, që ngjallte dhe shtynte në lëvizje si gjeneratorë, Ai secilin njeri që e donte Kosovën, Paqen, Lirinë dhe mirëqenien njerëzore pa kufij;

I fortë sa që i ipte secilit forcën të cilën ia merrte gurit dhe e shndërronte në energji për ta bërë të fortë si që dinte dhe donte Ai vetë Kosovën, Paqen,Lirinë të kalitur si qeliku;

I gjerë në zemër,edhe më i gjerë se vetë Kosova, më i gjerë se trojet tona etnie i shtrirë gjerë e gjatë andej tej Evrope;

Trim, i cili guxoi ti ja qesë përpara gjoksin e tij të hapur Kulqedrës serbe për më shumë se dy decenie pa u trembur dhe pa u lëkundur asnjëherë nga stuhi të fuqishme që dridhnin dhe tmerronin qenien njerëzore;

I ngritur,i drejtë,krenarë e ballëhapur Ai punoi tërë jetën për të mirën e vendit të vetë - Kosovës, pa u gjunjëzuar asnjëherë para tmerreve të cilat i shkaktuan popullit te tij hordhitë serbo-sllave.

Kolosi, kur nuk u frikësua dhe as nuk u dorëzua nga sëmundja e cila tinëzisht e sulmoi, nuk u dorëzua për asnjë çast sepse Ai kishte prore për të bërë shumë për lirinë dhe mirëqenien e popullit te vetë dhe për ta shndërruar në realitet vullnetin e popullit për Pavarësinë e Kosovës - arkitekt i së cilës ishte Ai vetë.

Fryma e tij është prore në zemrat tona, ajo nuk do të shuhet kurrë sepse ajo është pranuar nga një popull i tërë dhe më gjerë dhe do të jetë frymëzim dhe amaneti i tij i fundit për gjeneratat që vijnë.

I qoftë i lehtë dheu i Kosovës të cilin Ai e deshi më shumë se çdo gjë tjetër,më shumë se vetë veten.
I bekuar qoftë në amshim dhe i përjetshëm shpirti i tij, emri i tij - Dr. Ibrahim Rugova.

Në këto qaste të gjithë jemi me ju dhe ju lutemi që gjithmonë të llogaritni në ne, sepse as Ai vetë kurrë nuk na ndau nga zemra.

22 janar 2006 /TN

Nga Emin Fazlija alias Emil Kastrioti
Gjermani

Telegram ngushëllimi

Ne emër te Besëlidhjes Kombëtar Demokratike Shqiptare ju shprehim ngushëllimet tona me te sinqerta dhe dhimbjen tone me rastin e vdekjes se Presidentit te Kosovës, Dr. Ibrahim Rugova.

Konsiderojmë se kjo është një humbje e madhe për Kosovën ne momentet me te rëndësishme te saj, por i dëshirojmë familjes dhe bashkëpunëtoreve te tij force për te përballuar ketë humbje dhe kuraja për te shkuar me tutje, për te kurorëzuar me sukses përpjekjet e Dr. Rugovës përgjatë gjithë kohës sa qëndroi ne krye te proceseve politike te Kosovës.

Me Respekt:
Emin Fazlija alias Emil Kastrioti
Gjermani

22 janar 2006 /TN

Nga Fatmir Terziu

Telegram ngushëllimi

SHQIPTARIA HUMB “PROFETIN”*

Kryesia e Bashkësisë Shqiptare “ Faik Konica “ në Britani të Madhe, i shprehu ngushëllimet më të sinqerta për humbjen e hershme të Kryetarit Dr. Ibrahim Rugova, njeriut shumë të respektuar, humanistit të madh të përmasave botërore, arkitektit të shtetit të pavarur të Kosovës mbrojtësit të popullit të Kosovës, Familjes , Presidencës, Kryesisë së Kuvendit dhe të LDK –së, Shokëve dhe Kolegëve të Dr. Ibrahim Rugovës..

“Vdekja e hershme e Dr. Ibrahim Rugovës është dhimbje, humbje e madhe për familjen Rugova, për shokët për vëllezërit e idealit, për qytetarët e Kosovës, për Lidhjen Demokratike të Kosovës dhe popullin e Kosovës nga se humbi Veprimtarin dhe Atdhetarin e Shquar Demokrat, përkrahësin këmbëngulës të një shoqërie, të një Kosove dhe të një Shqipërie demokratike” – thuhet në deklaratën dhe telegramin e kësaj Bashkësie.

Dr. Ibrahim Rugova do të kujtohet si njeriu që iu përkushtua arritjes së pavarësisë së Kosovës me mjete paqësore. Në një farë mënyre, vdekja e tij i ngjan humbjes së një profeti: ai parashikoi me kohë një protektorat ndërkombëtar për Kosovën si hapi i parë drejt pavarësisë. Gjatë vitit 2005, Kosova hyri në një fazë të rëndësishme për përcaktimin e statusit të saj përfundimtar dhe ideja e Dr. Rugovës që ky status të jetë pavarësia ndodhet tani para një sfide.

“Të jesh bashkëkohës dhe bashkëpunëtor i patriotit dhe atdhetarit të shquar, Ibrahim Rugova, i cili e flijoi shëndetin dhe rininë për liri dhe demokraci, është sa krenari, privilegj dhe mburrje po aq edhe obligim tepër i vështirë. Ngase Dr. Ibrahim Rugova ishte nga ata burra të mëdhenj shteti, të cilët u angazhuan me tërë qenien për çështjen pavarësisë se Kosovës”, thotë Kryetari i Bashkësisë Talat Pllana.

I matur në kuvendime e i qetë në bisedë me urtësinë e tij i binte të tjerët ta dëgjonin me ëndje por edhe kishte një dashuri, një mirëkuptim, një respekt të veçantë për t’i dëgjuar bashkëbiseduesit.

Me të gjitha dhuntit dhe virtytet e larta që kishte dhënë Zoti ai pati edhe mbështetjen e fuqishme nga familja dhe shokët e idealit për aspiratat e tij liridashëse.

“Me vullnetin dhe energjinë që kishte për punë dhe udhëheqje ishte i veçantë, ishte për Lakmi” shton zoti Pllana. Qëndrimet dhe parashikimi i tij ka krijuar bindjen e një vizionari që shumë herët kishte kuptuar peshën e kohës.

Mërgimtarët Shqiptare e në veçanti ata që patën rast të takohen me të e kanë për nder t’a kujtojnë me respekt Dr. Ibrahim Rugovën.

Sipas Kryesisë se kësaj Bashkësie mësohet se janë marrë te gjitha masat për të nderuar me tej jetën dhe veprën e Dr. Rugovës. Do te mbahet një tubim sot rreth orës 14 dhe nesër e deri ne ditën e varrimit do te ketë homazhe ne një salle me foton e Dr. Rugovës. Një delegacion i Bashkësisë pritet të marrë pjesë në ceremoninë e lamtumirës se njeriut të zemrave mbarëshqiptare, njeriut tek i cili pushon trimëria, zgjuarsia, mençuria dhe urtia e kalibrit tejnjerëzor.

*Bashkësia Shqiptare “Faik Konica “
në Britani të Madhe
300 Old Brompton Road
SW5 9JF
21/01/2006
Londër.

22 janar 2006 /TN

Klubi Shqiptarë “ Bashkimi Kombëtar”
me seli ne Julich: 21.01.2006

Telegram ngushëllimi
Me dhembje të thellë morëm lajmin e pikëlluar me rastin e vdekjes së kryetarit të Kosovës
Dr. Ibrahim Rugova.

Vdekja e presidentit tonë në këto momente vendimtarë për popullin e Kosovës, fizikisht krijoi një zbrazësi por duke shpresuar në popullin e Kosovës dhe inteligjencën shqiptare shpresoj se do të vazhdohet rruga dhe vendosmëria e popullit të Kosovës për arritjen e Pavarësisë së Kosovës.

Pranoni ngushëllimet tona ma të sinqerta familjes së Presidentit Dr. Rugova, Presidenca, Parlamenti, Qeveria, LDK dhe mbarë shqiptarëve.

Ngushëllime nga Julichi
Klubi “ Bashkimi Kombëtar”
Kryetari : Hamit Halili
22 janar 2006 /TN
Nga Afrim VOCA
Mitrovicë, 21 janar 2006
Telegram ngushëllimi

Me keqardhje mora lajmin për vdekjen e PRESIDENTIT RUGOVA dhe desha t’i shprehi ngushëllimet e mia.

Te gjithë kemi humbur ka ky rast po qe zoti e deshti dhe e mori tani ku me se shumti iu deshtë Kosovës.

Vdiq pa ju plotësua ëndrra për pavarësi.
I letë i qofte dheu i Kosovës nënë që aq shumë e deshti.
Simbol i paqes, i triumfit e bashkimit.

Nga Afrim VOCA - Mitrovicë