Vdekja e Presidentit Rugova humbje e madhe për të gjithë shqiptarët

Vdekja e Presidentit Rugova humbje e madhe për të gjithë shqiptarët

Prishtinë, 21 janar 2006 /TN /QIK - Presidencës së Kosovës, Parlamentit, Qeverisë, Lidhjes Demokratike të Kosovës dhe familjes RUGOVA, me rastin e vdekjes se Presidentit të Kosovës, Ibrahim Rugova po i arrijnë telegrame ngushëllimi nga personalitete politike e publike anëmbanë botës shqiptare, në taë cilat shprehet tronditje e thellë për humbjen e kësaj figure të madhe kombëtare.

Ndarja nga jeta e Presidentit Rugova në kohën kur pritej të realizohej Pavarësia e Kosovës është humbje e madhe
Në telegramin e Asociacionit të Komunave të Kosovës, të nënshkruar nga kryetari Ismet Beqiri thuhet se pushteti Lokal i Kosovës shprehet i vendosur në ndjekjen e rrugës së palëkundshme të Presidentit Rugova për Pavarësinë e Kosovës. Presidenti Rugova për ne si edhe për popullin e Kosovës njihet si artikuluesi dhe arkitekti i projektit të Kosovës dhe popullit të tij për Pavarësi dhe Shtet Sovran të Kosovës.
Ndarja nga jeta e Presidentit Rugova në kohën kur pritej të realizohej Pavarësia e Kosovës është humbje e madhe për Kosovën, mirëpo duhet të gjejmë forcë, që duke çmuar veprën e tij të tejkalojmë këtë dhembje të madhe në mënyrë që së bashku të dërgojmë në vend idenë dhe projektin e Presidentit Rugova për Pavarësinë e vendit tonë, Kosovës së tij të dashur.
PVD: Vepra jetësore e Presidentit Rugova ka trasuar rrugën e Pavarësisë së Kosovës dhe prosperitetit të të gjithë shqiptarëve
Shqiptarët e Bujanocit konsiderjnë se vdekja e Prezidentit Rugova paraqet një humbje të madhe jo vetëm por popullin e Kosovës por edhe mbarë shqiptarët kudo që janë, thuhet në telegram ngushëllimin e kryetarit të Kuvendit Komunal të Bujanocit, Nagip Arifi.
Në telegramin e Riza Halimit, Kryetar i Partisë Për Veprim Demokratik në Preshevë thuhet: “PVD konsideron se vdekja e Presidentit Rugova është një humbje e madhe. Vepra jetësore e Prezidentit Rugova ka trasuar rrugën e Pavarësisë së Kosovës dhe prosperitetit të të gjithë shqiptarëve. Në këtë aspekt vepra e tij është udhërrëfim për punën e mëtejshme të institucioneve aktuale të Kosovës dhe gjeneratave të ardhshme që do të punojnë për çështjen e shqiptarëve”.

PPD: Pavarësia e Kosovës për Presidentin Rugova ishte synim që dëshironte Ai dhe populli i Kosovës të arrihej me çdo kusht
Në telegram ngushëllimin e Kryetarit të Partisë për Prosperitet Demokratik në Tetovë, Abdyladi Vejseli, thuhet: “Urtësia, toleranca, mirëkuptimi dhe diplomacia e Prezidentit Rugova, gjykojnë se ishin virtytet me të cilat ky personalitet i mundësoi Kosovës dhe shqiptarëve në pëgjithësi të bëjnë për vehte shumë miq dhe mbështetës në mbarë botën të idealeve të tyre. Pa hezitim jemi të bindur se Pavarësia e Kosovës për Prezidentin Rugova ishte synim që dëshironte Ai dhe populli i Kosovës të arrihej me çdo kusht.
Fatkeqsisht, nga sëmundja e rëndë e Presidentit Rugova nuk mundi të mbijetoi edhe këtë vit për të shijuar Pavarësinë e Kosovës me njohjen ndërkombëtare, ideal për të cilin kaloi një rrugë të gjatë me shumë sfida. Jemi të bindur se Prezidenti Rugova ishte një prej vlerave politike me të cilën gjatë një dekade e gjysmë u identifikua Kosova dhe populli shqiparë në pëgjithësi”, konstaton PPD.
Karizma e Presidentit Rugovës do të mbetet pjesë e historisë më të re të popullit shqiptarë me të cilin përgjithmonë do të identifikohet njohja ndërkombëtare e Pavarësisë së Kosovës”, thuhet në këtë telegram.
Në telegramin e Kryetarit të Kuvendit Komunal të Ferizajit, Faik Grainca, thuhet se "rër të gjithë qytetarët e Kosovës dhe për anëtarësinë e LDK-së, Prezidenti Rugova do të mbetet udhëheqësi shpitëror, figura më markante e historisë sonë kombëtare.”
Në telegramin e ish-nënkryetarit të Forumit të Rinisë të LDK-së, Dega në Zvicër, Nuhi Fetahu, thuhet: “U nda nga ne Presidenti Rugova, simboli i paqes, simboli i triumfit, simbol i bashkimit, që barazohet me prijësit më të mëdhenj kombëtarë dhe ndërkombëtarë“.
Kryetari i klubit të gazetarëve “Beqir Musliu”- Gjilan, Musa Sabedini në teleframin e tij thekson se Presidenti Rugova ishte dhe do të mbetet shembull se si duhet të luftohet për interesat e popullit të vet. Politika e tij disa vjeçare shënon epokën e paharruar të popullit shqiptarë. Edhe në momentet më të rënda të jetës së tij u gjend përballë interesit të popullit, dhe përballë çmimit të madh drejtë pavarësisë së Kosovës.
Presidenti Rugova ishte arkitekti i pavarësisë dhe shtetit modern të Kosovës
Bashkimi i Sindikatave të Pavarura të Kosovës, me pikëllim dhe dhembje të thellë mori lajmin për vdekjen e presidentit të Kosovës, dr. Ibrahim Rugova, arkitektit të pavarësisë, të shtetit modern të Kosovës, i cili në vitet më të rënda për Kosovën ishte në krye të lëvizjes gjithëpopullore për lirinë dhe pavarësinë e Kosovës, me gjithë vështirësitë dhe sakrificat që e përcillnin në çdo kohë", thuhet në telegram ngushëllimin e kryetarit të BSPK-së, Bahri Shabani.