Shqipëria shpall tri ditë zie kombëtare në nderim dhe homazh të Presidentit të Kosovës Ibrahim Rugova

Shqipëria shpall tri ditë zie kombëtare në nderim dhe homazh të Presidentit të Kosovës Ibrahim Rugova

Tiranë, 21 janar 2006 /TN /QIK - Këshilli i Ministrave të Qeverisë së Shqipërisë vendosi të shtunën, në një mbledhje të jashtëzakonshme, të shpallë tre ditë zie kombëtare në nderim dhe homazh të Presidentit të Kosovës, z.Ibrahim Rugova, i cili u nda nga jeta të shtunën në mesditë.
Zi kombëtare janë shpallur në datat 23, 24 e 25 janar 2006, në shenjë dhimbjeje, respekti e mirënjohjeje për të ndjerin Ibrahim Rugova, President i Kosovës, i cili ndërroi jetë, pas një sëmundjeje të rëndë. Në ceremoninë e varrimit, që do të organizohet në Prishtinë, të marrë pjesë një delegacion zyrtar i nivelit të lartë.
Në ditët e zisë kombëtare, në të gjitha institucionet, shtetërore dhe publike, të ulet flamuri kombëtar në gjysmështize.
Të gjitha veprimtaritë artistike, kulturore dhe sportive, të planifikuara për ditën, kur do të zhvillohet ceremonia e varrimit, të pezullohen dhe të shtyhen për një datë të mëvonshme.
Ftohen të gjitha stacionet radiotelevizive, publike dhe private, që, ditën kur do të zhvillohet ceremonia e varrimit, të transmetojnë muzikë funebër.
Ditën e mërkurë, datë 25.1.2006, , kur arkivoli me trupin e të ndjerit do të vendoset në banesën e°°ora 12 fundit, të ndërpritet çdo veprimtari, të mbahet 1 (një) minutë heshtje dhe të bien boritë dhe sirenat e të gjitha mjeteve të lëvizshme në mbarë vendin, në nderim të kujtimit të të ndjerit.