Pavarësia e Kosovës ka emrin dhe emblëmën e Presidentit Rugova

Pavarësia e Kosovës ka emrin dhe emblëmën e Presidentit Rugova

Prishtinë, 21 janar 2006 /TN /QIK - Vdekja e presidentit të Kosovës dr.Ibrahim Rugovës, është lajmi më i pikëllueshëm që kam marrë në jetën time.
Vdekja e presidentit të Kosovës dr.Ibrahim Rugova është plaga ime më e madhe shpirtërore që kam marrë në jetën time.
Vdekja e presidentit të Kosovës dr.Ibrahim Rugova është humbja më e madhe që kam përjetuar në jetën time.
Ne që ishim bij besnikë të këtij personaliteti të madh të historisë e të politikës jemi tepër të pikëlluar, për vdekjen e më të dahsurit tonë, presidentit Rugova.
Ne që punuam e luftuam për realizimin e idesë madhore të presidentit Kosova për Pavarësinë e Kosovës, jemi të plagosur në trup e në zemër me rastin e vdekjes së burrshtetasit të madh të Kosovës - thuhet në ngushëllimet e ministrit të Kulturës Astrit Haraçia.
Presidenti Rugova ishte arkitekt i pavarësisë së Kosovës dhe burrështetas me cilësi të larta njerëzore e kombëtare.
Në telegramngushëllimi e MSHP-së me rastin e vdekjes së presidentit Rugova thuhet se ai ishte ishte arkitekt i pavarësisë së Kosovës dhe burrështetas me cilësi të larta njerëzore e kombëtare.
“Ishim krenar që patëm President dr. Ibrahim Rugovën, i cili kultivoi frymën e tolerancës të paqes dhe unitetit. Ai do të kujtohet përherë si udhëheqës i urtë që ka dhënë kontribut të pazëvendësueshëm për pavarësinë e Kosovës dhe të ardhmes së saj”, thuhet në telegramin e Ministres Melihate Tërmkolli

Kryetari i Partisë Demokratike Turke të Kosovës Mahir Jagullar thekson se kontributi i Presidentit Ibrahim Rugova për Kosovën është i pazëvendsushem.

Presidenti Rugova ishte dhe mbetet emblema e përjetshme e synimeve tona shekullore
Në telegramin e kryetarit të Kuvendit Komunal të Gjilanit, Xhemajl Hyseni theksohet se Presidenti Rugova ndërroi jetë në krye të detyrës, në përpjekjet e tija të parreshtura për bërjen e Kosovës shtet të pavarur dhe Sovran.Ai ishte dhe mbetet emblema e përjetshme e synimeve tona shekullore. Kemi jetuar me dëshirën dhe gjakimin që Presidenti Ynë të jetë edhe nënshkruesi formal i këtij vullneti,në ballë të të cilit qëndroi me dekada..
Një telegram ngushëllimi ka arritur edhe nga kryetari i Kuvendit komunal të Mamushës, Arif Butuq, i cili thekson se vdekja e Presidentit Rugova është humbje e madhe për Kosovën.
Telegram ngushëllimi ka dërguar edhe Partia Demokratike e Boshnjakëve- Koalicioni “Vakat” me seli në Prizren.
Dega e LDK-së në Gjilan, bashkë Forumin e Gruas dhe të Rinisë si dhe me nëndegët dhe aktivet e saja, thuhet në telegram , nuk mund ta pranojë kumtin më të hidhur në historikun e saj, vdekjen e Njeriut të Lirisë,Pavarësisë dhe Demokracisë së Kosovës. Presidenti Ynë, Dr. Ibrahim Rugova ka ndërruar vetëm mënyrën e angazhimit të tij për pavarësinë dhe sovranitetin e Kosovës, emblemë e së cilës u bë dhe, mbeti përjetësisht.
Dega e LDK-së në Gjilan, beson se anëtarësia e saj , elektorati dhe qytetarët e komunës së Gjilanit po edhe të tërë Kosovës, do të gjejnë forcë dhe kurajo për të vazhduar mëtutje realizimin e projektit të prijësit të saj, dr. Rugovës, që ishte dhe mbeti projekti më i besuar, më i votuar dhe më kuptimplotë ndonjëherë në historinë e Kosovës.