Deklarata e Kryetares së Kuvendit, Jozefina Topalli, pas ndarjes nga jeta të Presidentit Rugova

Deklarata e Kryetares së Kuvendit, Jozefina Topalli, pas ndarjes nga jeta të Presidentit Rugova

Tiranë, 21 janar 2006 /TN /QIK - "Jam këtu për të shprehur në emër të Kuvendit të Shqipërisë dhimbjen e fortë për ndarjen nga jeta të Presidentit të Kosovës, Ibrahim Rugova, këtij shqiptari të madh, politikani vizionar, humanisti, që i kalon përmasat e vendit dhe të kohës në të cilën jetojmë.

Si shqiptarë ndjehemi krenarë që e patëm mes nesh dhe ndiejmë dhimbje për humbjen e këtijrilindasi të shek. XX, si politikanë do të ndiejmë përherë boshllëkun që Presidenti Rugova me mençurinë, maturinë, bonsensusin e pashoqtë tij për paqe dhe demokraci, lë në skenën poolitike në rajon dhe më gjerë. Si qytetarë do të ndiejmë mungesën e humanistittë madh.
Ai ishte frymëzuesi më i madh i paqes, të lirisë në zemrën e rajonit më të trazuar të Europës, të cilat i ktheu në misione të jetës së tij. Ndaj me të gjithë bindjen time se ky shqiptar i madh, ky hero i paqes, i përmbushi me sukses.

Mbetet e pashlyer mbresa e takimit që pata me Presidentin Rugova vetëm 1 muaj më parë, mbetet e pashlyer tek unë optimizmi forca e madhe e shpirtit të tij, dëshira, impenjimi i tij për një Kosovë të pavarur dhe demokratike.

Në këtë moment hidhërimi ndaj dhimbjen e thellë me popullin e Kosovës, familjarët e Presidentit Rugova, miqtë dhe të afërmit e tij, bashkohem me lutjen e Kosovës që shpirti i Presidentit Rugova të prehet në paqe".



Kuvendi i Shqipërisë të hënën nderon me seancë homazhi Presidentin Rugova

Prishtinë, 21 janar 2006 /TN /QIK - Kuvendi i Republikës së Shqipërisë të hënën në ora 17:00, do të zhvillojë një seancë homazhi në nderim të kujtimit të Presidentit të Kosovës, z. Ibrahim Rugova, i cili u nda nga jeta të shtunën pas një sëmundjeje të rëndë në mushkëri.