Kryesia e LDK-së uron Presidentin Rugova me rastin e Vitit të Ri 2OO6

Kryesia e LDK-së uron Presidentin Rugova me rastin e Vitit të Ri 2OO6

Prishtinë, 3O dhjetor 2005 /TN /QIK - Kryesia e Lidhjes Demokratike të Kosovës (LDK) në këtë ditë të ndërrimit të motmoteve, shpreh urimet më të përzemërta për Presidentin e Kosovës, Dr.Ibrahim Rugova, duke uruar që viti që vjen të jetë vit i kurorëzimit final të punës së madhe që bëri për jetësimin e Pavarësisë së Kosovës.
Ky projekt politik, i udhëhequr nga Presidenti Rugova dhe i akseptuar nga i gjithë populli i Kosovës, solli këtë rezultat, falë vizionit largpamës të Presidenti Rugova, të cilit i urojmë suksese të mëtejme dhe kapërcim të suksesshëm të disa problemeve që janë paraqitur në shëndetij e Tij - thuhet në urmet e Kryesisë së LDK-së drejtuar Presidentit Rugova.
Edhe Kryesia e Forumit të Gruas të LDK-së, në takimin festiv përmbyllës të këtij fundviti i uron shëndet të plotë Presidentit të Kosovës, Dr.Ibrahim Rugova dhe uron të gjithë qytetarëve të Kosovës që ky vit të jetë vit i njohjes së Pavarësisë së Kosovës.


Kryesia e LDK së u ka drejtuar një mesazh urimi qytetarëve të Kosovës

Prishtinë, 30 dhjetor 2005 /TN /QIK - Kryesia e LDK së u ka drejtuar një mesazh urimi qytetarëve të Kosovës, me rastin e Vitit të Ri 2OO6.
"Kryesia e LDK së në natën e gëzimit e të haresë të Vitit të Ri, kur të gjithë ne qytetarët e Kosovës dhe miqtë e dëshmuar të Kosovës nga vendet e ndryshme të botës, gjendemi në frymën e festës, Ju shpreh urimet më të përzemërta me dëshirat më të sinqerta për lumturinë Tuaj dhe të Familjeve Tuaja.

Në këtë natë gëzimi t'i bëjmë bashkë dëshirat, vullnetin e mirë dhe veprimet për një Kosovë me prosperuese, më të fortë e më të lumtur për të gjithë qytetaret e saj.
Dhashtë Zoti që Vitin tjetër të Ri, ta kremtojmë si vit i ndritur i pavaresisë së vendit tonë të shtrenjtë, Kosovës".