Kryeministri Kosumi u ka drejtuar një mesazh urimi qytetarëve të Kosovës, me rastin e Vitit të Ri 2OO6

Kryeministri Kosumi u ka drejtuar një mesazh urimi qytetarëve të Kosovës, me rastin e Vitit të Ri 2OO6

Prishtinë, 3O dhjetor 2005 /TN /QIK - Kryeministri i Kosovës Bajram Kosumi, me rastin e festës së Vitit të Ri 2OO6, u ka drejtuar një mesazh urimi qytetarëve të Kosovës, me bindjen e plotë se ky vit "do të jetë vit i realizimit të shpresave të mëdha, vit i ndërtimit të shtetit të lirë e demokratik të Kosovës". Ai shprehet se "viti 2006 do të jetë vit i vendimeve historike dhe i ndryshimeve".
Në mesazhin e Kryeminstrit të Kosovës thuhet:
"Pas vetes po lëmë vitin e shpresës së madhe dhe punëve të mëdha.
Viti 2005 ka hapur derën për statusin final të Kosovës.
Viti që po lëmë pas ka përmbledhur gjithë mundin, punën dhe heroizmin tonë në vënien e themeleve të shtetit të Kosovës.
Viti 2006 do të jetë vit i vendimeve historike dhe i ndryshimeve. Do të jetë vit i realizimit të shpresave të mëdha, vit I ndërtimit të shtetit të lirë e demokratik të Kosovës.
Por, ky vit kërkon angazhim edhe më të madh, punë, vetëmohim dhe rezultate më të mëdha.
Në këtë vit ne do ta shkruajmë faqen më të rëndësishme të historisë sonë.

Kosova është në Evropë dhe aty e ka vendin e vet.
E ardhmja jonë varet nga ne dhe ne vetë duhet ta krijojmë atë. Si gjithmonë para vendimeve historike, na duhet më shumë besim në vetveten, respekt dhe bashkëpunim me njëri tjetrin, të jemi të bashkuar në qëllimin tonë.
Qëllimi ynë kërkon bashkimin tonë, tolerancë e mirëkuptim.
Vendi i ynë është i vogël, por shumë i madh për të dashur. Le ta bëjmë lirinë, paqen dhe të ardhmen tonë së bashku", thuhet në fund të mesazhit të Kryeministrit Kosumi me "urime për këtë mot dhe për shumë mot"!