Daci: 2OO6 vit i pavarësisë së Kosovës dhe i vendimeve më të mëdha historike

Daci: 2OO6 vit i pavarësisë së Kosovës dhe i vendimeve më të mëdha historike

Prishtinë, 3O dhjetor 2005 /TN /QIK - Kryetari i Kuvendit të Kosovës Nexhat Daci nëpërmjet një mesazhi uron të gjithë qytetarë të Kosovës Vitin e Ri, me dëshirat më të mira që këtë festë ta kalojnë me gëzime dhe në harmoni me familjet, me të afërmit, miqtë, shokët dhe dashamirët.

Poashti Daci uron që Presidenti Ibrahim Rugova ta mposhtë sëmundjen dhe të prijë në proceset vendimtare për të mirën e gjithë popullit të Kosovës.
Në këtë mesazh thuhet:
"Viti që e lamë pas ishte një vit i rëndësishëm, një vit i sprovave të cilat Kosova dhe populli i saj i kaluan me sukses. Viti që po vjen është vit i pavarësisë së Kosovës, është vit i vendimeve më të mëdha historike, vit i kthesës për të hyrë në periudhën e prosperitetit dhe zhvillimit të përgjithshëm ekonomik dhe në të gjitha fushat e tjera.
Kosova aspiron të jetë një vend i Unionit Evropian, një vend demokratik i sundimit të ligjit, një vend në të cilin të gjithë qytetarët pa dallim, në kushtet normale të jetës, punës, mësimit, veprojnë dhe angazhohen që të ndërtojnë ardhmërinë e lumtur për vete dhe për brezat që vijnë.
Uroj që viti 2006 të na gjejë të gjithëve të bashkuar rreth qëllimeve dhe synimeve tona për Kosovën shtet të pavarur e sovran.
Urojmë që Presidenti i Kosovës, Ibrahim Rugova, ta mposhtë sëmundjen dhe ashtu, si edhe deri më tash, të na prijë në proceset vendimtare për të mirën e gjithë popullit të Kosovës", thuhet në këtë mesazh urimi për Vitin e Ri 2OO6, të Kryetarit të Kuvendit të Kosovës Nexhat Daci.