Ministria e Bujqësisë përmbyll vitin me rritje buxhetore

Ministria e Bujqësisë përmbyll vitin me rritje buxhetore

Prishtinë, 29 dhjetor 2005 /TN /QIK - Ministria e Bujqësisë ka arritur që për vitin e ardhshëm ta rrisë buxhetin për 25 për qind, ndërsa që buxhetit të Kosovës i ka sjellë më shumë se 3 milionë euro, bëri sot të ditur Tomë Hajdaraj, zëvendësministër.
Hajdaraj, në raportin e punës vjetore të këtij dikasteri, tha se kjo ministri ka bërë përpjekje të mëdha që brenda programit të qeverisë, por edhe të ministrisë të realizojë objektivat e parapara, si në krijimin e legjislacionit në bujqësi, e të politikave bujqësore, të aktiviteteve të departamenteve dhe agjensioneve, të cilat veprojnë në kuadër të ministrisë sonë, komponentat e standardeve si dhe aktivitete të tjera.
"Sa i përket planit legjislativ për vitin 2005 ka përpiluar, hartuar dhe rrumbullaksuar të njëjtin në tërësi dhe atë me 6 ligje bazike, 30 udhëzime administrative dhe këtë vit janë nënshkruar edhe 10 udhëzime administrative për stafin ciliv", tha zvëndësministri Hajdaraj.
Ai tha se në krijimin e politikave bujqësore, ministria ka pasur peripeci të shumta, qoftë në hartimin e planeve për krijimin e masave subventive për disa artikuj të caktuar. Sipas tij, kësaj radhe është tentuar me linjat e qumështit, për çka është përgatitur një projekt shumë serioz, i cili ka kaluar në Ministrinë e bujqësisë, ka kaluar në qeveri, në këshillin ekonomik fiskal dhe është ndalë te stadi pak më i lartë për arsye të panjohura.

"Por, ne nuk do të rrimë, edhe gjatë vitit të ardhshëm do të kërkojmë që prodhimet tona të subvencionohen dhe të mbrohen. Por ne kemi arritur që 14 produkte bujqësore ti mbrojmë gjatë tërë vitit me 8 për qind, të cilat vitet e kaluara nuk kanë qenë të mbrojtura", tha ai.
Një të arritur tjetër ai përmendi faktin se bërë lirimi i importit të agroimputeve për sferën agrare. "Mendojmë që sa i përket këtij viti, në këtë sferë nuk kemi mundur të arrijmë atë që e kemi dëshiruar, por e kemi nxjerrë të mundshmen”, tha ai.
Hajdaraj çmoi lart punën e Agjencisë së Veterinës dhe Ushqimit të Kosovës, i cili tha ka bërë të pamundurën në kushtet tona, pas përfshirjes së rajonit nga sëmundja avioinfluenca.
Hajdaraj tha se Ministria e Bujqësisë poashtu është përballur edhe me disa probleme, të cilat e kanë përcjellë në fazën e implementimit të ligjeve në mungesë qoftë të disa pjesëve të rezervuara, por edhe të mungesës së mjeteve financiare të cilat për fat të keq ministria jo që nuk ka pasë bazë të kërkesave të cilat janë paraqitë, por buxheti ka qenë thjeshtë buxhet shpenzues.