Në Prishtinë është duke u mbajtur Turneu Përkujtimor “Hasan Zemaj” i organizuar nga FR-LDK

27 dhjetor 2005 /TN

- DEGA I-rë, FINALISTI I PARË I TURNEUT

Prishtinë, 27 dhjetor 2005 / Jeta RAFUNA - Në Prishtinë ka filluar Turneu Përkujtimor në Futboll të Vogël “Hasan Zemaj” me pjesëmarrjen e 22 ekipeve nga të gjitha qytetet e Kosovës. Garat me sistem eliminimi janë zhvilluar me datën 18 dhe 25 Dhjetor.

Të gjitha ndeshjet janë zhvilluar në mënyrë korrekte dhe pa ndonjë problem të theksuar. Duhet përmendur se befasia e Çerekfinales në këtë edicion garash ishte humbja e Kampionit të Vitit të kaluar “Qyeteti i Vjetër”, pasi që ata ishin favoriti kryesor në këtë Turne.

Finalisti i Parë është kualifikuar Dega I (Kodra e Trimave), ndërsa Finalisti i dytë do të kualifikohet pas gjysmëfinales ndërmjet Klinës dhe Istogut.

Finalja e Turneut do të mbahet me datën 4 Janar, në përvjetorin të vrasjes së Hasan Zemajt, me ç‘rast atë ditë do të ndahen shpërblimet për fituesit. Me këtë rast do të përmbyllet ky Turne mjaft i suksesshëm i organizuar nga Forumi i Rinisë i LDK-së.