|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Kosova e diskriminuar …

26 dhjetori 2005 /TN

 

Shkruan: dr.Besnik R. BARDHI

 

Shtrohet pyetja: A e meriton Kosova dhe populli i saj nje tretman kaq jo human kur është në pyetje përcaktimi i fatit dhe ardhmërisë së saj. Populli shqiptarë në Kosovë, doli i stresuar dhe i dërmuar nga lufta e vitit 1999. Humbjet në njerëz ishin jashtëzakonisht të  mëdha. Zhdukja  e një numri të madh të njerëzve mbetët ende plagë e hapur dhe e pa shëruar.

 

Dëmet materiale  që shkatoj Serbia në Kosovë, ende askush nuk i llogariti me saktësi. Të mirat materialeu plaçkitën pa mëshirë nga okupatorët serbë.Aktualisht Kosova kalon një krizë të rëndë ekonomike, popullata e saj që moti ballafaqohet me varfëri të skajshme.

 

Gjashtë vite që pasuan, kishin në vehte elemente të diskriminimit kolektiv dhe provokime nga më të ndryshmet. U zhvillua një politikë hipnotizuese e cila kishte për qëllim zbehjen dhe frenimin e kërkesave vitale të popullit shqiptar për realizimin e synimevetë tyre. Dhunohej në mënyrë të vazhdueshme dhe institucionale dëshira dhe kërkesa e drejtë për vetëvendosje.

 

Si gjithnjë, për çdo problem në Kosovë, akuzohej pala shqiptare pa asnjë argument. Edhe pse resorët kryesor  te pushtetit nuk i mbanin shqiptarët, ata ishin adresa ku drejtoheshin akuzat e fajësisë !. Pas gjithë asaj çka ndodhi në Kosovë  gjatë shekullit të kaluar, janë të tmerrshme dhe neveritëse shantazhet që u bëhën  shqiptarve si mazhorancë, në emër të disa “ standardeve ” që kinse duhet plotësuar !!!.

Në këtë rast, viktimës (lexo: shqiptarëve) i bëhej presion i madh  që të lëshoj pe ndaj bandave jashtë insitucionale  serbe që veprojnë lirshëm në Kosovë. 

 

Kosova ka kaluar çaste të tmerrshme gjatë historisë 600 vjeçare, së pari nën perandorinë otomane dhe sidomos në 100 vjetët e fundit, nën thundrën e egër dhe primitive sllave. Gjatë gjithë kësaj kohe ky popull luftoj në formë permanente për të realizuar synimet e veta për liri dhe shtetësi. U sakrifikuan gjenerata të tëra në një luftë të pa barabart me fuqi ushtarake okupatore.Të gjitha ato projekte  që shkojnë ndesh me aspiratat e popullit shqiptarë në Kosovë do të dështojnë dhe sërish do të hapen problemet e vjetra në Ballkan.

 

Qështja e Kosovës, duhej të zgjidhej menjëherë pas përfundimit të luftës në Kosovë në vitin 1999. Gjashtë vite ishin shumë të gjata dhe të pa nevojshme për të zgjidhur  statusin e Kosovës. Për popullin e Kosovës, kjo pritje ishte e pakuptimtë.

 

Serbia, edhe një herë dëshmoj aftësinë e saj intrigante në politikën ndërkombëtare. Si gjithnjë, manipulimet me të pa vërteta dhe prezantimi i të dhënave fallso, ishin kontinuitet i politikës serbe në raport me Kosovën. Për këto vite të pasluftës, ajo  kthej “vetëbesimin” dhe sërish ngreu kokën lartë me paturpësi, dhe kërkon të “vendos” për fatin e Kosovës.

 

Si  ish okupatore e Kosovës, ajo ka shumë për të paguar për luftën e vitit 1999. Masakrat ndaj mijëra njerëzve të pa fajshëm, pastrimi etnik dhe dëbimi I afër 1 milion shqiptarëve nga trojet e veta , djegiet dhe  plaçkitjet e të mirave materiale, e shndërruan Kosovën në një tokë të djegur dhe të shkatërruar tërësisht.

 

Provokimi më i  rëndë aktualisht është kërkesa imponuese  që të ulemi dhe të bisedojmë me kasapët e popullit tonë. Millosheviqi ndodhet ne Hagë për krimet që u bënë në kohën sa ai ishte në krye të Serbisë. Por tash, në periudhën e  “demokratëve” të rinj serbë dhe periudhën post Millosheviqiane, dihet kush luan dhe tallet me ndjenjat e familjarëve të cilët kanë shumë anëtar të  zhdukur.

 

Gjashtë vite me rradhë ato familje dhe mbarë Kosova janë në ankth për fatin e më të dashurve të tyre,ndersa  Serbia bënë spektakël nga kjo çështje ! Qeveria aktuale serbe heshtë për fatin e mijëra të zhdukurve shqiptarë gjatë agresionit serb në Kosovë në vitet 1998/99. Ende nuk u dëgjua zëri i arsyes së shëndosh nga askush në Sërbi për krimet në Kosovë.

 

Me Tadiqin, Koshtunicën, Drashkoviqin dhe klyshët e tërbuar dhe primitiv të Sheshelit, nuk mund të bisedohet në frymën e civilizuar europiane. Edhe këta si babai i tyre Millosheviqi, respektojnë vetëm argumentin  e forcës. Me vrasësit e foshnjave dhe të pleqve nuk ka sens të bisedohet,  është turp historik të ulemi në një tryezë të bisedimeve me kriminelë të tillë, e aq më tepër të presim nga ata të. pajtohen me mëvetësinë e Kosovës.

 

Është iluzion dhe pa pjekuri politike të sillemi me ta si me një palë të barabartë  në bisedime. Ne jemi ata të cilët duhet diktuar kushtet e bisedimeve, sepse ne jemi pala e dëmtuar në luftë. Ne duhet kërkuar përgjegjësi ndaj atyre që shkrumbuan Kosovën. Nëse është fjala për të drejtat e minoritarëve të cilat jetojnë në Kosovë , ky problem duhet të zgjidhet sipas normave ndërkombëtare, pa asnjë dallim.

 

Serbia si ish okupatore dhe humbëse e luftës në vitin 1999, si gjithnjë edhe tani manipulon dhe brengosët për fatin e objekteve fetare ortodokse në territorin e Kosovës. Duhet ditur se ato objekte janë pronë e Kosovës dhe si të tilla janë ruajtur nga vetë shqiptarët me shekuj. Incidentet e Marsit të vitit  2004, duhet studiuar mirë dhe të nxirren konkludime të çarta dhe të thuhet hapur kush ishin autorët e vërtetë dhe nga kush ishin të paguar. Realitetin për këto ndodhi më së miri i dinë  agjencitë e ndryshme informative që veprojnë në Kosovë!

 

Objektet e vjetra kishtare artodokse që ndodhën  në Kosovë, janë të ndërtuara mbi themelet  dhe gërmadhat e kishave autoktone, për këtë ka dëshmi të bollshme. Për këtë duhet t’i referohemi Akademik Mark Krasniqi,  i cili prezanton  dhe shtjellon në mënyrë shkencore këtë problematikë, ai thotë: “ Historia e Kosovës nuk fillon me Nemanjiqët. Manastirët ortodokse në Kosovë merren sot si  “ argumente ”  për të treguar   “ lashtësinë ” e popullatës serbe në këto vise. Por shkenca e mirëfilltë dhe e vërteta historike i hedhë poshtë edhe këto pretendime, sepse këto manastire ( kisha ) siç janë Graçanica ( Prishtinë ) dhe Shna Prenda ( Sveta Petka, Lenishka, në Prizren ) nuk i ka ndërtuar kral Millutin Nemanjiqi në shek. XIV, por ato janë aty shumë më herët, nga koha e sundimit të Bizantit ( Greqisë ) në këto vise, kurse Millutini vetëm ka bërë në to disa meremetime, shtresa e zbukurime. Mandej studiuesi serb Pero Sljepçeviq shkruan se : “ Është vertetuar se nga numri shumë i madh i kishave të vjetra serbe, emri I të cilave është shkruar në to… serbët nuk kanë pasur fare traditë të vetën as në ndërtimtari, as në artin e pikturës” ( “ Rilindja ,” e datës 2 qershor 1990, faqe 10 ).

 

“ Lotët e krokodilit ” që derdh Serbia për  trashëgiminë kulturore në Kosovë, janë  veç se një gënjeshtër e kulluar, e cila  ka për qëllim që në Kosovë të lë jo vetëm një Kalë të Trojës !. Serbisë i konvenon çdo prolongim i zgjidhjes së çështjes së Kosovës. Ajo këto 6 vite të pasluftës i shfrytëzoj në shkallën maksimale për të inskenuar dhe plasuar gënjeshtra në dëm të popullatës shqiptare në Kosovë. Kjo kohë doemos ndikoj që të bie edhe pluhuri i harresës mbi gjenocidin serb në Kosovë në vitet 1998/99.

 

Në qarqe të pa informuara si duhet, këto gënjeshtra filluan të zbehin imazhin pozitiv të shqiptarëve. Duhet pranuar faktin se pala shqiptare, për shkak të rrethanave të njohura në Kosovë, sidomos nga pa mundësia e fjalës në qendra vendim marrëse ndërkombëtare, nuk ka qenë në gjendje të kundër përgjigjët në formë adekuate ofanzivës së ashpër propagandistike serbe.

 

Mëkati më i madh që i bëhet popullit shqiptarë në Kosovë, pas vitit 1999, është trysnia që i bëhet për kompromise të ndryshme dhe bisedime të imponuara me Serbinë. Pavarësia e Kosovës është e panegociueshme, sidomos  me Serbinë si agresore, e cila  ka humbur çdo të drejtë morale  të  pyetet  për gjërat  edhe më të imta për ardhmërinë e Kosovës. Ligjvënësi amerikan Xhim Moran, këto ditë dha një intervistë ku në mes tjerash tha:

 

“ Serbët vepruan si banditë ndaj shumicës në Kosovë – prandaj Serbia nuk ka të drejtë të qeverisë në Kosovë “.

 

Serbia, për ti ikur obligimeve të kompensimit material për dëmet  dhe plaçkitjet që bëri në Kosovë, ka filluar të aktrojë rrolin e viktimës dhe kërkon sërish të ketë ndikim tutorial në Kosovë !!.

 

Shqiptarët e Kosovës e konsiderojnë si kaptinë të mbyllur të drejtën e rikthimit të ish kolonizatorëve serbë në Kosovë. Perspektiva e Kosovës është në mëvetësinë e saj.