Ministria e Transportit ka realizuar mbi 90 për qind të projekteve për vitin 2005

Ministria e Transportit ka realizuar mbi 90 për qind të projekteve për vitin 2005

Prishtinë, 23 dhjetor 2005 /TN /QIK - Ministria e Transportit dhe Postë- Telekomunikacionit ka realizuar mbi 90 për qind të projekteve të planifikuara për vitin 2005, duke e përmbyllur këtë vit me sukses të plotë, tha kreu i kësaj ministrie Qemajl Ahmeti në një takim me gazetarë.
Gjatë vitit 2005, tha ai, janë asfaltuar 174 kilometra rrugë në mbarë Kosovën, është bërë rikonstruktimi dhe ndërtimi i 12 urave në rrugët magjistrale.

Gjithashtu MTPK ka realizuar edhe 22 projekte të mbetura nga viti 2004 në vlerë prej 18 milion eurosh, si dhe 11 projekte të vitit 2005, në vlerë prej 8 milion eurosh, ndërkohë që ajo ka investuar 730 mijë euro për ngritjen e rrugëve lokale bashkë me disa komuna.
"Buxheti i ministrisë ka qenë rreth 30 milion euro dhe Ministria e Transportit ka realizuar 90.12 % të mjeteve që i janë dedikuar", ka thënë ministri Ahmeti.
Mirëpo si një projekt kapital që ministri Ahmeti e ka përmendur për realizim gjatë viteve të ardhshme është ai i ndërtimit të autostradës Prishtinë-Durrës, dke premtuar se MTPK do të angazhohet maksimalisht që gjatë vitit 2006 të fillojë realizimi i këtij projekti.