Kosovës i mungon legjislacioni për sigurinë, u tha në një tryezë në Prishtinë

Kosovës i mungon legjislacioni për sigurinë, u tha në një tryezë në Prishtinë

Prishtinë, 22 dhjetor 2005 /TN /QIK - Në një tryezë të organizar nga Forumi Rinor i LDK-sa sot në Prishtinë, u diskutua ne temën: "Vlerësimi analitik të gjendjes së sigurisë në fazën e zhvillimit për përgatitjen e bisedimeve për statusin final të Kosovës".
Nisma për organizimin e tryezës, sipas Kryetarit të Forumit Rinor të LDK-së Sejdë Tolaj, është mbështetur në vizionin e Forumit, "shoqëria e zhvilluar dhe demokratike e Kosovës e integruar në Evropën e bashkuar".

Ai tha se për t'u realizuar ky qëllim, integrimi në strukturat euroatlantike dhe evropiane, do të varet nga shkalla e reformimit të brendshëm në raport me kushtet e Kopenhagës dhe të NATO-s, të cilat tha se përfshijnë reformat demokratike, shtetin ligjor, ekonominë e tregut, të drejtat e njeriut dhe të minoriteteve, harmonizimin e legjislacionit si dhe reformimin e sistemit të mbrojtjes.
Deputeti Agim Krasniqi, anëtar i Kryesisë së LDK-së, tha se Kosova sapo ka marrë disa kompetenca në fushën e sigurisë.
Gjendja e sigurisë është e mirë, edhe pse në kohën e negociatave kërkohet një stabilitet më i madhë, ndërsa edhe janë ndërmarrë masa shtesë. Ai tha se aspekti i sigurisë tashmë është veçanërisht i rëndësishëm duke pasur parasysh se Kosova po i kalon muajt e fundit drejt pavarësimit. Ai veçoi rolin e Ministrisë së Punëve të Brendshme të sapothemeluar, e cila tha se do të marrë kompetencat në katër faza.
Dr.Bejtush Gashi nga departamenti i menaxhimit të sigurisë në Ministrinë e Shërbimeve Publike, tha se globalizimi i përgjithshëm ka rritur mundësitë e aktivitetev kriminale, veçanërisht nga fenomeni i "lëvizjes së lirë". Por, sipas tij, problemi kryesor i sigurisë në Kosovë tha se është mungesa e legjislacionit përkatës, kjo për shkak të presionit të fuqishëm ndërkombëtar ndaj institucioneve vendore, dhe të gjendjes politike të Kovoës. "Zhvillimi i Kosovës dhe siguria janë të ndërvarura", tha ai, duke kërkuar që të ketë qasje multidisiplinare ndaj kësaj çështje.
Fadil Kajtazi tha se aktualisht Serbia ka vendosur në kufijtë e Kosovës tri brigada të mekanizuara. Ai ka veçuar tri lloje të aspekteve të krimit, atë historik, të natyrës kureshtare të njeriut, që ka obsesion lakminë dhe aspektin ligjor, që çdo lloj shkelje e tij përbën një akt kriminal.

Ndërsa, duke iu referuar realitetit të Kosovës si burime të krimit veçoi, burimin e tij nga gjendja ekonomike, infrastruktura e pamjaftueshme për ta penguar dhe joefikasiteti organeve përkatëse për ta luftuar krimin, pastaj aktvitet e motivuara nga shërbimet e huaja inteligjente të disponuara armiqësisht ndaj Kosovës dhe veçanërisht nga shërbimet inteligjente serbe, të cilat tha kanë trashëguar infrastrukturë të fuqishme.
Veprimtaria e tyre, tha aëi, mundësohet edhe nga fakti se nuk ka legjislacion që pengon fushëveprimin e tyre. Ai më pas ka përmendur disa raste të krimeve dhe të krizave në Kosovë ku kanë mundur të kishin dorë shërbimet serbe.
Lulzim Peci, drejtor ekzekutiv i KIPRED-it, tha se nuk mund të mendohet shtet ligjor pa kontroll demokratik ndaj mekanizmave të sigurisë. Ai tha se politika e sigurisë në Kosovë ka filluar të reformohet në fund të vitit 2004 kur ishte emëruar një komision britanik për fillimin e procesit reformues të sigurisë në Kosovë, por që zyrtarisht ky proces tha se ka filluar më 5 korrik kur veprimtarinë e kishte zyrtarizuar Nju Jorku. Konferenca ka vazhduar punimet me debate dhe diskutime të shumta.