Në bazë të dhënave të Doganave të UNMIK ut në Kosovë janë importuar mallëra nga Serbia diku rreth 134 milionë euro

Në bazë të dhënave të Doganave të UNMIK ut në Kosovë janë importuar mallëra nga Serbia diku rreth 134 milionë euro

Prishtinë, 20 dhjetor 2005 /TN /QIK - Në një tryezë të rrumbullakët në Prishtinë, ku është shqyrtuar raporti "Një vizion evropian i përbashkët - Lëvizja e lirë e mallrave dhe njerëzve në Kosovë dhe Serbi" u tha se është një hap i parë jo vetëm në informimin e vendimmarrësve, por edhe në përfshirjen e publikut në avokimin e qytetarëve në Kosovë.

Në këtë hulumtim të përbashkët të Institutit kosovar për kërkime dhe zhvillime të politikave dhe Lëvizjes evropiane nga Serbia, theksohet se Prishtina dhe Beogradi duhet të adresojnë si çështje teknike qarkullimin e lirë të njerëzve dhe mallërave.

Ky hulumtim identifikon rritjen dhe zhvillimin e bizneseve dhe tregtisë ilegale ndërmjet Kosovës dhe Serbisë, përderisa te qytetarët në përgjithësi mbizotëron përshtypja se nuk ka siguri të udhëtohet nga Kosova në Serbi dhe anasjelltas.
Mbështetur në të dhënat e doganave të Serbisë në Kosovë gjatë vitit 2004 janë eksportuar mallra në vlerë rret 54 milionë euro, ndërsa në bazë të dhënave të doganave të UNMIK ut, në Kosovë janë importuar mallra nga Serbia diku rreth 134 milionë euro.
Hulumtimi i identifikon format e ndërmjetësimit në zhvillimin e tregtisë dhe bizneseve, kur serbët e veriut të Kosovës dhe shqiptarët e Luginës së Preshevës paraqiten si ndërmjetësues në këto biznese.