NATO ja është e gatshme të reagojë për të mundësuar sigurinë në Kosovë, thotë gjenerali Xhons

NATO ja është e gatshme të reagojë për të mundësuar sigurinë në Kosovë, thotë gjenerali Xhons

Tiranë, 20 dhjetor 2005 /TN /QIK - NATO ja është e gatëshme të reagojë për të mundësuar sigurinë në Kosovë gjatë negociatave për statusin e ardhshëm, por nuk pret ndonjë problem të madh. NATO ka marrë të gjitha masat për të përballuar çdo problem apo dhunë të mundshme.

Kështu ka deklaruar në Tiranë, komandanti suprem i forcave të NATO s, gjenerali amerikan, Xhejms Xhons pas takimit me Ministrin shqiptar të Mbrojtjes, Fatmir Mejdiu.
"Aktualisht Kosova gjendet në një çast të rëndësishëm politik për të ardhmen e statusit të saj. Kosova mbetet një nga misionet më të rëndësishme të NATO s dhe si e tillë ne kemi përqëndruar vëmendjen tonë.

Trupat paqeruajtëse të KFOR it në Kosovë janë të orientuara për të bërë punën e tyre për të parandaluar ndonjë problem", ka thënë gjenerali Xhons. Ai ka theksuar se NATO ja ka një prani shumë të madhe në Kosovë të stërvitura dhe të përgatitura më së miri.
Komandanti suprem i forcave aleate të NATO s për Evropën Juglindore gjenerali Xhejms Xhons, përveç me Ministri shqiptar të Mbrojtes, Fatmir Mejdiu, zhvilloi gjithashtu takime edhe me Presidentin e Shqipërisë Alfred Moisiu, Kryeministrin Sali Berisha, si dhe vizitoi repartin komando të ushtrisë shqiptare që stërvitet për misionet paqeruajtëse.