Masa shtesë të policisë që bisedimet për statusin e Kosovës të zhvillohen në një mjedis të sigurt

Masa shtesë të policisë që bisedimet për statusin e Kosovës të zhvillohen në një mjedis të sigurt

Prishtinë, 2O dhjetor 2005 /TN /QIK - Shërbimi Policor i Kosovës dhe Policia e UNMIK ut i kanë shtuar masat e sigurisë në gjithë territorin e vendit, tha koloneli Sheremet Ahmeti në një takim me gazetarë, ku morën pjesë edhe komandantë të njësiteve të krimeve, të policisë kufitare dhe të shërbimeve të administratës.
Këto masa shtesë në tërë vendin janë marrë në mënyrë që bisedimet për statusin e Kosovës të zhvillohen në një mjedis të sigurt, por edhe pas raportimit për disa incidente serioze me mjete eksplozivi dhe me armë, u shpreh kolonel Ahmeti.
Ai shtoi se pjesëtarët e policisë së Kosovës dhe të UNMIK ut, në bashkëpunim me ata të KFOR in, kanë shtuar dukshëm vizualitetin, mbulimin e terrenit në tërë Kosovën e posaçërisht në ato vende të cilat cilsohen si "të nxehta", tha Ahmeti, duke shtuar se SHPK-ja ka dërguar automjete për ndihmë në stacionet policore të vendit për të ndihmuar policinë lokale.

Si rezultat i aktiviteteve të shumta, kolonel Ahmeti tha se ka pasur 60 të arrestuar për krime të ndryshme dhe 24 raste të konfiskimit të armëve, ndërkohë që njësiti i qenve ka ndihmuar në kapjen e 18 kg droge në Gjilan.
Nga ana e tij komisioneri i policisë Kai Vitrup bëri të ditur se është arrestuar një person për vrasje në vitin 2000. Megjithëse ende mbeten shumë raste të pazbuluara të krimeve të kryera, ai shprehu bindjen se asnjë rast nuk do të mbetet pa u zbardhur, ngase siç tha, rastet e vrasjeve kurrë nuk vjetrohen.
"Jam i sigurt se shumica e tyre do të zgjidhen. Asnjë polici në botë nuk mund t'i zgjidhë qind për qind rastet e vrasjeve. Ne jemi duke ecur përpara dhe rasti më konkret është arrestimi i një të dyshuari pas pesë vjetësh", tha Vitrup.