|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

NJOFTIME

Forumi i Rinisë i LDK-së për herë të tretë organizon turneun "HASAN ZEMAJ" në futboll të vogël

Prishtinë, 13 dhjetor 2005 /TN - Turneu Tradicional “HASAN ZEMAJ” organizohet tash 3 vjet radhazi në përvjetorin e vrasjes së Hasan Zemaj (Kryetar i FR LDK-së në Deçan) si dhe komandantit Tahir Zemaj dhe djalit të tij Enisit.

 

Forumi i Rinisë së LDK-së për të tretin vit me radhë organizon këtë turne tradicional në disiplina të ndryshme sportive (kryesisht basketboll dhe futboll të vogël).

 

TURNEU TRADICIONAL “HASAN ZEMAJ 2005” do të mbahet në disiplinën e futbollit të vogël. Pjesëmarrja në turne pritet nga gjithsej 35-40 ekipe nga të gjitha qytetet e Kosovës. Numri i lojtarëve do të jetë i përcaktuar, 4 lojtarë për ekip (3 meshkuj dhe 1 femër).

 

Turneu do të fillojë më 18 dhjetor dhe finalja do të mbahet më 4 janar në ditën e vrasjes së Hasan Zemajt. Garat do të jenë në sistem eliminues dhe zhvillimi I ndeshjeve bëhet në bazë të shortit paraprak të hedhur nga ana e organizatorëve.

 

Rreth 200 të rinj e të reja nga mbarë Kosova do të jenë pjesë aktive e këtij Turneu për të dëshmuar aftësitë e tyre sportive si dhe shpirtin dhe vrullin e rinisë kosovare.

 

Shpresojmë se  ky Turne në të ardhmen të institucionalizohet dhe pse jo të marrë edhe përmasa  ndërkombëtare.

FR i LDK-së në Prishtinë

 |  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  |