RTK-Shqiptare apo kineze-serbo sllave

29 nëntor 2005 /TN Nga Sabri SELMANI, jurist i dplomuar Kiel - (GJERMANI)

Radiotelevizioni i Kosovës, si medium i gjithëmbarshëm shqiptar, duhet në realitet të jetë medium ku përmes të cilit gjeneratat si të vjetra ashtu edhe ato të reja, të furnizohen me ide të reja kulturore dhe kombëtare. Por duke mos e anashkaluar edhe misionin e saj të informimit dhe argëtimit. Çka po ndodhe në të vërtet në ketë shtëpi informative?

Në krye të saj punon jo vetëm një staf vendor por edhe ai ndërkombëtar i cili menaxhon këtë shtëpi informative si është më së keqi. Shumë emisione bëhen duke mos i kuptuar as titujtë, sepse përdoret një gjuhe që përveç termeve, serbo-sllave përfshinë në vete edhe barbarizma tjera të gjuhëve të ndryshme të huaja, si psh : Amejzing, be njeri, rtk-sound, top.rtk, info, aveny etj.

Mendoj se kjo bëhet me qëllim të caktuar vetëm e vetëm të lihet përshtypja si në gjeneratat e reja, ashtu edhe ne opinionin e gjërë evropian e botëror se në Kosovë ( Dardaninë antike ) të Ilirisë shqiptare, jeton një komb qe nuk është shqiptar, por se në ketë tokë jeton një popull i ashtuquajtur kosovar e që nuk është shqiptar.

Pra vënia në media të Kosovës, e sidomos në RTK-në e Kosovës një gjuhe e cila nuk ka ekzistuar asnjëherë me parë, është dukuri më tepër se tragjike. Pra bordi i RTK-së, me pa të drejt e quajnë veten 100%, i Kosovës, për arsye se emisionet e paraqitura me gjuhë dhe terme të serbofilisë e të grekofilisë , nuk është e as nuk mund te jete 100% i Kosovës.

Gjuha e përdorur ka aq barbarizma të tmerrshme sa shpeshherë edhe njohësi i mirë i gjuhëve sllave ka vështirësi t’i kuptoi. A thua çfarë gjuhe na qenka kjo? Serbe e pastër nuk është, greke jo se jo, atëherë çfarë pra? Nëse dëgjohet me vëmendje do te lihet përshtypja se ka diçka të bëjë me një gjuhë të përzier ruso-kineze.

Pra RTK-ja që i thotë vetes se është 100% e Kosovës, është e pabazë, për arsye se ajo nuk flet gjuhën e shqiptarëve te Kosovës por flet kinezisht, rusisht , turqisht, e shumë gjuhë të tjera përveç asaj shqipe. Pra çfarë është RTK-ja e Kosovës? Është shtëpi informimi qe i bën shqiptarët e Kosovës dhe ata që përkohësisht jetojnë jashtë trojeve etnike, të çmenden me emisione qe nuk flasin shqip e së tepërmi të përsëritura.

Unë personalisht shprehu indinjatë të theksuar lidhur me përdorimin e kësaj gjuhe amorfe e që nuk është përdorur asnjëherë me parë. Si po vërehet dal nga dal plani i Rankoviqit dhe në këto 20 vitet e fundit të Dobrica -Qosiqit po realizohen me të shpejt këto gjashtë vitet e fundit.

Pra, fatkeqësisht me ndihmën edhe te disa shqipfolësve të tipit Zatriq ( company ) kompani dhe vasalëve të dëgjueshëm të tjerë, të cilët për një pagë mujore shesin jo vetëm prapanicën ( bythën ) e vet por, vejnë në pikëpyetje edhe vlerat: kulturore, arsimore, shkencore, thëne shkurt vejnë në pikëpyetje vlerat e identitetit kombëtar.

Unë nga këndi im i vështrimit apeloi te Zatriqat dhe kompania e tij që sa më parë të largohen nga kjo lojë e ndytë që është shumë shkatërruese për shqiptaret kudo qe janë e sidomos atyre të Kosovës dhe rreth saj.

Zatriqat dhe kompania e tij në ketë mënyrë, të lejimit dhe të skicimit të një gjuhe të tillë të zhanrit kinse "kosovar" bën në mënyrë automatike asimilimin e shqiptarëve në truallin e vet etnik shqiptar, pikërisht në ketë mënyrë hedhë ujë ne mullirin serbo-sllave, dhe ruso-kinez. Aspiratat e kamotshme e të cilëve ka qenë që në Dardaninë ilire te mos flitet gjuha e kamotshme shqiptare.

Pra, në ketë mënyrë RTK-ja kineze-serbosllave, ruso-musoline të tipit stalinist vepron lirshëm në truallin shqiptar pa u penguar nga askush, e as nga elita e politi ( kuajve ) kanteve të Kosovës , të cilët kanë bërë në parlamentin e Kosovës dhe sjellin disa vendime qesharake, kinse te dobishme për popullin e Kosovës , por nuk sjellin vendime e rekomandime për mbrojtjen dhe përdorimin e gjuhës shqipe edhe në shtëpitë informative.

Duhet ta kenë të qartë këta Zatriq ( dhe “cimpany” ) dhe kompania e tij se nuk janë të përjetshëm, dhe një ditë do të vdesin ( ngordhin ) dhe dikush duhet te ua bëjë shushurimën ( lutjen ) apo thënë qartë – “tallkinin” para varreve te tyre. Shtrohet pyetja: në çfarë gjuhe do ta bëj hoxha atëherë, lutjen për këta dëshmor të kombit "kosovar" serbo-sllav ?

Me siguri hoxha do ta bëjë lutjen në gjuhën e RTK-së - kineze. Por, ketë gjuhë: zoti nuk e pranon, xhemati nuk e kupton, hoxha si duhet nuk e shushurin, natyra nuk e miraton, çka mbetet ? Mbetet që Zatriqat dhe kompania e tij Shkelzeno-sllave për se vdekuri t’i luten zotit ( nëse kanë mundësi të ngjallen ) që t’i kthej në jetë se pastaj më kurrë nuk do te flasin gjuhën e mëparshme, dhe se do të luten e të falen për mëkatet e bëra.

A do te jete vone? Për ta kurrë, se vampirët gënjejnë dhe janë real vetëm deri sa të krijojnë mundësinë të thithin gjak nga ku popull që Zatriqat me kompani i asimilojnë pamëshirshëm çdo dite.

Them, Zoti - qoftë me ta - por Zoti dhe populli shqiptar asnjëherë nuk është dhe nuk ka qenë me ata që kanë mbjell kunguj me dreqen.

---------------------------------------------------------------------------------------------------
Reagimet e juaja lidhur me shkrimin i drejtoni autorit: Sabri Selmani