Për nder të festave të nëntorit delegacioni i FR të LDK-së viziton Prekazin

Për nder të festave të nëntorit delegacioni i FR të LDK-së viziton Prekazin

29 nëntor 2005 /TN

Prishtinë, 28 nëntor 2005 - Për nder të festave të nëntorit një delegacion i Forumit Rinor te LDK-se i përbëre nga Abdyl Halimi nënkryetar, Xhevdet Halili sekretar për marrëdhënie me jashtë, Jeta Rafuna, Bedri Hoxha, Sytrime Dervisholli, Demush Bajraktari dhe Muhamet Rafuna anëtarë të Kryesisë kanë vizituar Prekazin.

Pasi kanë bërë homazhe në varrin e komandantit legjendar Adem Jashari, ata e kane vizituar edhe kullën e pamposhtur, ku u njoftuan për luftën dhe sakrificën sublime te kësaj familjeje legjendare për lirinë të cilën po e gëzojmë.

Pas kësaj ky delegacion ka vizituar edhe lapidarin kushtuar Bekim Kastratit, Besim Dajakut dhe dëshmoreve të tjerë. Ne lapidarin e tyre kane vu kurora me lule te freskëta

Delegacioni i FR-së merr pjesë në Kuvendin e RDSH-së

Shkup, 29 nëntor 2005 /TN - Dje,në Sallën Universale në Shkup u mbajt Konferenca e V e Rinisë Demokratike Shqiptare të PDSH-së. Në këtë Konferencë ishte i pranishëm edhe një delegacion i Kryesisë qendrore të FR-LDK-së, Abdyl Halimi nënkryetar, Xhevdet Halili sekretar për marrëdhënie me jashtë dhe Jeta Rafuna anëtare e Kryesisë qendrore.

Konferencën dhe delegatët e pranishëm në emër të kryesisë qendrore të FR-LDK i përshëndeti Nënkryetari Abdyl Halimi ku të gjithë të pranishmëve ju uroi Festën Kombëtare 28 Nëntorin dhe tha se shpresojmë se vitin e ardhshëm do ta festojmë Pavarësinë e Kosovës.

Halimi gjithashtu përshëndeti edhe Konferencën e V zgjedhore si dhe Kryetares së sapozgjedhur i uroi punë të mbarë, suksese si dhe shprehu dëshirën dhe gatishmërinë për një bashkëpunim më të thellë mes dy organizatave tona rinore. Më pas, pas përfundimit të punimeve të Kuvendit RDSH kishte përgatitur një program të pasur kulturo-artistik.