Prizreni historik-Vend i marrëveshtjeve mbarëshqiptare

27 nëntor 2005/TN

Integrimin dhe bashkimin kombëtare ta bëjmë në paqë dhe për paqë, kurse shqiptarët e bashkuar e kanë vendin në botën e përparuar. Ti bashkojë shqiptarët në projekte të përbashkëta e t´i tubojë shqiptarët në një kuvendin gjithëshqiptar, pra në kongresin e Parë, për t´i diskutuar rrejdhat e deritashme të çështjes shqiptare dhe për të ofruar një model të veprimit të përbashket për ta përparuar atë dhe për ta shpjerë drejt së zgjidhjes së drejtë dhe të plotë të saj.

Nga: Prof. Remzi Basha

Më 26 e 27 nëntor mbushet një vit kur në Prizrenin tonë historik e legjendar, u mbajt kongresi i Parë i Lidhjes Shqiptare në Botë.

Dicka e papritur dhe e pabesueshme. Në Palestrën sportive, në praninë e më se 2600 delegatëve shqiptarë, të ardhur nga të gjitha anët e botës: nga Evropa e Skandinavia, nga SHBA e Australia, nga Zelandi i ri e Turqia, nga Kosova e Shqipëria, nga Presheva e Maqedonia dhe nga Kalabria e Camëria, me flamuj të shumtë nga shtete e ndryshëm të botës ku jetojnë shqiptarët, me emblemën e madhe të Lidhjes Shqiptare në Botë e në praninë e përfaqësuesve të institucioneve e të shoqatave nga të gjitha trojet shqiptare, filloi punimet kongresi i Parë më i madh historik i Lidhjes Shqiptare në Botë.

Pas hapjes së kongresit, kori i ShKA ekzekutoi himnin e Flamumurit, mandej me një minutë heshtje u nderuan të gjithë dëshmorët e kombit. Kryetari i LSHB-së, Simon Kuzhnini, në fjalën përshëndetëse tha se mbajtja e këtij kongresi pikërisht në Prizrenin historik ka kuptimin e vet, sepse Prizreni është vend i marrëveshtjeve edhe më të hershme mbarëshqiptare, mandej përshëndeti delegatët dhe gjithë mysafirët, në mesin e të cilëve ishin gjeneralët: Rrahman Parllaku e Agim çeku, Alfred Mojsiu, Rifat Alija, Remzi Basha, Ramush Haradinaj, Tahir Zena dhe shumë personalitete të tjerë.

Para se të referonin pjesëmarrësit në kongres u zgjodh kryesia e punës në këtë përbërje: Pajazit Nushi, Esat Stavileci, Nekibe Kelmendi, Mojsi Golemi, Luan Maltezi, Ramiz Zekolli, Mikel Kuzhnini, ibrahim Egriu, Orhan Kubari, Ali Nikoliqi, Vitore Leka, Anton Noka, Engjëll Sedaj dhe Simon Kuzhnini.

Drejtuesit e kongresit të Parë të LSHB-së, njëzëri theksuan:

Integrimin dhe bashkimin kombëtar ta bëjmë në paqë, kurse shqiptarët e bashkuar e kanë vendin në botën e përparuar. Ti bashkojë shqiptarët në projekte të përvashkëta kombëtare e t´i tobojë shqiptarët në një kuvendim gjithëshqiptar, pra në kongresin e Parë, për t´i diskutuar rrjedhat e derirashme të cështjes shqiptare dhe për të ofruar një model të veprimit të përbashkët për ta përparuar atë dhe për ta shpjerë drejt zgjidhjes së drejtë dhe të plotë të saj.

U apostrofua nevoja rreth angazhimit dhe zbardhjes së fakteve historike, politike, ndër-kombëtare dhe juridike të coptimit të trojeve shqiptare dhe rrethanat e brendshme dhe ndërkombëtare që kanë kushtëzuar atë, me qëllim që shqiptarët të përballojne sprovat e mëdha historike të tashme, të shoqëruara me lakmi të reja për gllabërimin e tokave shqiptare, në vecanti, të zbardhet procesi i shpërbërjes së ish Jugosllavisë, i cili përfundoj me pavarësinë e popujve sllav e jo të shqiptarëve, të cilët me dhunë janë përfshire në të.

Lidhja Shqiptare ne Botë po paraqitet në skenë shqiptarëve më shumë se largimi, u duhet afrimi; më shumë se pjesëtimi, u duhet shumimi; më shumë se ndarja, u duhet bashkimi; më shumë se armiqësia, u duhet miqësia.