|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Presidenti Rugova në një takim me Petersenin, vlerëson pozitivisht deklaratën e Grupit të Kontaktit

Prishtinë, 10 nëntor 2005 /TN /QIK - Presidenti Ibrahim Rugova e vlerësoi korrekte deklaratën e Grupit të Kontaktit e cila lë të hapur çështjen e statusit, që siç tha, është pavarësia.

 

Këto komente Presidenti Rugova i bëri pas takimit në rezidencën e tij, me shefin e UNMIK-ut Soren Petersen, para se ky i fundit ta shtrojë darkën për anëtarët e Grupit Negociator, në të cilën Presidenti nuk do të marrë pjesë.

 
Presidenti Rugova tha se z.Petersen e ka njoftuar me çështjet për të cilat do të bisedojë edhe me Grupin Negociator gjatë darkës, për procesin e bisedimeve dhe po ashtu për deklaratë e Grupin e Kontaktit që e ka dhënë në prag të fillimit të bisedimeve.

"Grupi i kontaktit ka qenë pozitiv edhe gjatë kohës së kaluar, ato janë qëndrime korrekte që e lënë të hapur çështjen e Kosovës që për ne është pavarësia.

 

Siç e dini është shumë e rëndësishme se do të ruhet territori i Kosovës dhe Kosova nuk do t'i bashkohet ndonjë vendi tjetër dhe Kosova do të jetë element i sigurisë dhe nuk do t'i kërcënojë vendet fqinje dhe e vlerësoj si një deklaratë me parime korrekte", tha Presidenti.

Presidenti Rugova insiston sërish për njohjen e drejtpërdrejtë të pavarësisë së Kosovës, ndërsa ka kaërkuar edhe ndihmën e UNMIK-ut dhe personalisht të z.Petersen gjatë këtij procesi.

Kryeadministratori Petersen tha se ka takuar Presidentin që ta informonte me qëndrimin e Grupit të Kontaktit, pastaj me dy takimet që i ka pasur më parë me z.Marti Ahtisari. çështje këto me të cilat do ta informojë edhe Grupin Negociator gjatë darkës së sontme si dhe me përgatitjen e këtij procesi.

Petersen tha se procesi i bisedimeve për statusin e Kosovës do të fillojë gjatë këtij muaji.

 |  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  |